Jeremi 9:3 - U TIENU MAAMA TILI 2013

³ Yuakuli n fangi o yuli leni o danli, Oba n da dugi o kpiilo ba yendo po, Kelima kpiilo kuli baa fidi ki lu i janbi, Danli kuli mo pia bu tingbangbaabu.

Gourmanchéma Bible

³ Yua kuli n fangi o yuli leni o danli Oba n da dugi o nikpiilo baa yendo po Kelima kpiilo kuli baa fidi ki lu i janbi Danli kuli mo pia bu tingbangbaabu.

Jeremi 9:3 Iomraidhean Croise

Mi cilima 39:16

O den bili Josefi liadili o kani hali ke o canbaa kpeni.

Mi Kpanjama 12:5

Bi niteginkaaba li kpaagi yaala n tiegi po, Ke bi nibiadiba mo kpaagi i janbi bebe po.

Esayi 1:3

O nua bani yua n die o, O ŋunbo mo bani o daano N dindi o yaa tiagu nni. Ama Isidayeli ki bani liba, Bani n niba yeni ki pia yama.»

Esayi 3:5

Bi niba baa fii ki sedi biyaba po. Yuakuli baa nandi o yieninlielo. A bonwaala baa fii ki paagi A jakpela yama, Ti niyuogidi mo baa fii Ki pani bi bulicinba po.

Esayi 6:5

N den yedi: «Ŋain, n bia n yeni! N tie yua yaa ñoacuuna n joagini, ki go ye yaa nibuolu yaa ñoacuuna n joagini siiga. N nuni mo laa o Bado, Li Miali Diedo U Paaciamu Kuli Daano.»

Esayi 9:18

Li Miali Diedo U Paaciamu Kuli Daano pabienkandikaali po, Teni ke mi diema kuli cuo fantama, Ke u mu mo dini bi niba. Oba kuli kan ŋaa o kpiilo mo.

Jeremi 12:6

Ba a kpiiba bani bi ba moko leni a baadiegu nni yaaba se a po leni i janbi. Bani bi ba ŋua a puoli po ki kuudi. Ba ban maadi a po yaa mamanma kuli, ŋan da daani ba.

Jeremi 22:16

O den ja o ninñinnilo leni taliga buudi ke li tiegi. Naani lani ka doagidi ke o bani nni? Lani n teni ke li bonla kuli den cuoni o po bonŋanla. O Diedo n yedi yeni.

Jeremi 31:34

Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 4:22

N niba ye leni mi yanpiima, Baa bani nni. Bi tie yanluodanbe, Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Jeremi 5:4

N den yedi: «Bi yama ka, Bi tuuni gaadituonle, Kelima baa bani o Diedo sanu, Baa bani bi Tienu bali maama mo.

Jeremi 5:5

N baa gedi a nigbenga po, Ki ban maadi leni ba mini n ba, Kelima bani wani bani o Diedo sanu, Bi bani bi Tienu bali maama mo. Bi bani bi Tienu n bua yaala.» Ama bikuli tie yenme, Bi miidi li bali maama, Ki fidi bani leni U Tienu ŋantaado.

Jeremi 6:28

Bikuli tie niyiekaaba, tingbangbaaba, Ki juagi nani ti kumoandi bi ti kuboandi yeni. Bikuli tie dokpala yo.

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Jeremi 9:5

O Diedo yedi: «Bi yen ña tugumoangu nni Ki ban kua tugumoantoagu nni, Ki ña faama nni ki ban kua mine nni, Ki yiedi ke bi kan bandi nni.»

Jeremi 9:8

O Diedo yedi daa, Naani lani yaa po, n kan fii ki sedi bi po? Naani n kan tuu u naa nibuobiadu li panli?»

Esekieli 8:13

O go den yedi nni: «A go baa le ban tiendi yaa caginciandi ke ti bia.»

Danieli 11:27

Bani bi badilieba yeni baa taani saajekaanyendu, bi baa pua biyaba mi faama, kelima mi biadima n baa yaa gbie bi pala nni. Ama ban jagi yaala kan cuoni, kelima mi juodima yogunu daa pundi.

Levi 19:11

Yin da su. Yin da pua yi lieba po faama, ki da boandi yiyaba mo.

Marki 8:38

Yua n jie i fe n po leni n maama po bi naa niba, yaaba n tie tuonbiadi danba ki go conbi yeni siiga, o Joa Bijua mo baa jie laa nilo po i fe, o yaa ti cua o Baa kpiagidi nni, ki yegi leni yaa malekinba n gagidi ki ŋani yaa yogunu.»

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jesu Tondiba Tuona 24:9

Yaa Jufinba n den ye likani den saa Tertulusi maama po i moamoani, ki yedi ke wan maadi Poli po yaala kuli tie yene.

LOMA YAABA 1:16

Mii jie i fe o Laabaaliŋamo wangima po. Li tie U Tienu paalu yaaba n daani kuli yaa tindima po, ki cili Jufinba, ki ŋoadi bi nilanba.

LOMA YAABA 1:28

Nani bi nisaaliba n den sua ke laa pundi ban bandi U Tienu yeni, U Tienu mo ŋaa ba ke bi yantiabiada paadi ba, ke ban yaa tiendi yaala n ki pundi.

LOMA YAABA 3:13

Bi niabonma kuli tie nani yaa takuli n ya yeni, Bi landi mo gbie leni i boandi. Yaa maama n ña bi ñoacuuna nni bia, Nani o duduuno loabidi yeni.

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni, ke i fe n cuo yi li po.

Filipi 1:28

Yin da cedi yi koanginkaaba n jieni yi ba waamu. Lani n tie bi po siedi ke bi baa bodi, ama li tie yinba yaa po siedi yi tindima po. Laa bonla ñani U Tienu yaa kane.

2 Timote 3:13

Ama bi nibiadiba leni i boandi danba baa suagi liiga mi biadima nni, ki yaadi biba ki go yaa yaandi nitoaba.

Jude 1:3

N buakaaba, n den bua hali boncianla ki diani yi po yaala n tie tikuli n taani ki pia yaa tindima po. Ama n den sua ke li tie n po tiladi min diani ki tundi yi, ke yin koani li dandanli koanli, U Tienu n den teni o nigagidiŋanba yaali, yenma u yogunu kuli po.

Mi Doagidima 12:11

Bi den paadi o, Kelima ki Pebiga soawulima Leni bi siedi maama po. Laa siedinba den luni bi miana, Hali kaa jie ba mi kuuma.

Bi Bujiaba 14:17

Bi badu daleleeda yeni kuli nni, o den buudi Samison kani. Li daleleeli, o den bundi o po u telimu yeni, kelima o den yagini o yama boncianla. Lani, o pua yeni den waani o buolu yaaba u telimu yeni bundima.

Bi Bujiaba 2:10

Yaaba n den taa fiima leni Josue kuli moko den kpe ke nifiitoama yuandi ki ŋoadi bi puoli, yaama n kaa den bani o Diedo leni wan den ŋanbi Isidayeli yaaba po maama.

1 Samueli 2:12

Eli bijaba den tie fanma, baa den bani o Diedo.