Jeremi 9:16 - U TIENU MAAMA TILI 2013

¹⁶ Li Miali Diedo U Paaciamu Kuli Daano yedi nanda: «Kpaagi mani! Yini mani yaa puoba n mua i kumoe, Yini ba mani ban cua. Ban yini mani yaa puoba n bani li tuonli, Ki teni ban cua.

Gourmanchéma Bible

¹⁶ Li Miali Diedo U Paaciamu Kuli Daano yedi nanda: «Kpaagi mani! Yini mani yaa puoba n mua i kumoe Yini ba mani ban cua. Ban yini mani yaa puoba n bani li tuonli Ki teni mani ban cua.

Jeremi 9:16 Iomraidhean Croise

Nehemi 1:8

Tiadi ŋan den puogi a naacemo Musa wan yedi ti yaala: ‹Yi yaa tieni ti tuonbiadi, n baa yadi yi i nilanbuoli siiga.

Pisomi 106:27

Ki yadi bi puoliŋuani i nilanbuoli siiga, Ki teni ban kpe mi dielanma nni.

O Yanfuodaano 12:5

A baa yaa jie li gbanli doma, li cenli baa yaa tie a po duoli. A yudi baa pendi nani ti kunkundi yeni. A gbanu baa kpiagi, liba kuli kan go yaa ye a yama nni, kelima dayenli nilo kuli baa guani o diejuodikaali nni. Yaaba n mua mi kuuma mo baa yaa gaandi i sani nni.

Jeremi 13:24

N baa yadi yadi ba Nani mi fanpienma faalu N yen yadi ti muadi maama yene.

Jeremi 24:10

N baa soani ki jugisiega, mi koma leni u yianbiadipuodiko bi siiga, hali ban bodi mi diema nni, min den puni bani leni bi baanba yaama yeni niinni.»

Jeremi 25:27

Ŋan yedi ba: «Li Miali Diedo U Paaciamu Kuli Daano Isidayeli Tienu yedi mine: ‹Ño mani ki gaadi, ki go sii. Baa mani ki da go fii ki sedi yin baa le ke n cuani ki jugisiega yi siiga yaa yogunu!›

Jeremi 29:17

Li Miali Diedo U Paaciamu Kuli Daano yedi nanda: «N baa cuani bi siiga bu toabu leni mi koma, ki teni ban yaa naani leni yaa kankanbedima n ki go pia ŋmanma, kelima ŋan bedi maama po.

Jeremi 44:27

N baa faami bi po, ki tieni ba yaala n bia. N kan pa ba yemanma. Juda yaaba, yaaba n kaa Ejipiti diema nni kuli, bu toabu leni mi koma n baa je bikuli cain.

Jeremi 7:29

Kuo ŋan den gagidi a yuli Ki bili yaa yudi yeni, ki ban lu. Gedi a juana yula po ki wanli, Kelima o Diedo fali, O yama mo sii yaa nifiima n biendi o pali Hali boncianla yeni po.›

Jeremi 8:19

Cengi mani n niba ñiindi, Yii n ña hali foagima: «Naani o Diedo ki go ye Siyon? Naani u dogu ki go pia bado? Be yaa po yo ke bi biidi n pali leni bi buli, Yaa bonyuogidi n tie nibuotoe yaa bonla?»

Esekieli 11:17

Ŋan go yedi ba daa: Li Miali Diedo U Tienu yedi yaala n tie ne: n baa taani yi, yin den ye yaa nilanbuoli siiga. N baa yini yi, yin den yadi yadi ki ye yaa dielanma nni, ki ñani yi lipo, ki go pa yi Isidayeli diema.›

Esekieli 12:15

N yaa yadi ba i nilanbuoli nni leni mi dielanma nni yaa yogunu, bi baa bandi ke n tie Li Miali Diedo.

Esekieli 14:17

Li yaa tie ke n didi soani bu toabu laa diema po, ki yedi: ‹Ki jugisiega n gaani mi diema nni, ki kpa bi niba leni ti yandi,

Esekieli 20:23

Mi fanpienma yeni niinni, n go den poli ke n baa yadi yadi ba i nilanbuoli siiga leni mi dielanma nni.

Esekieli 27:2

«Fini nisaalo biga, ŋan wanli Tiiri dogu po

Esekieli 5:12

U yianbiadipuodiko leni mi koma baa kpa yi niba siiga cagiyenli. Yi gaanilindima, mi koma baa baa li cagilieli. N baa yadi yadi li cagitaali i kaani kuli ki noadi n jugisiega ki ŋoadi li puoli.

Esekieli 5:2

Yaala n waani ke bi baa u dogu bu toabu yeni yaa dana yaa gbeni, ŋan taa kaanyendu ki juu u dogu siiga u mu nni. Ŋan taa u kaanlielu mo, ki jia jia ti leni ki jugisiega ki yadi yadi ti u dogu lindima kuli. Ŋan taa u kaantaalu mo ki yadi yadi ti u faalu nni, ke n baa ŋoadi ti puoli leni ki jugisiega.

Levi 26:33

N baa yadi yikuli ŋanduna nibuoli siiga, ki noadi n jugisiega ki ŋoadi yi puoli. Yi diema yeni baa ye leni li paboanli, yi dogi mo kuli kan go yaa pia niba.

Amosi 5:16

Lani yaa po, Li Miali Diedo, U Tienu, U Paaciamu Kuli Daano, O Diedo yedi yaa maama n tie ne: «Bi niba baa mua i kumoe u dogu nitaankaani nni Leni i sani nni kuli, ki yedi: ‹Ŋain!› Bi baa yini ba bi kpakpaaba, ban cedi bu kpaabu, Ki cua ki mua i kumoe, Bi baa yini yaaba n bani i wanli, ban cua ki wanli.

Mise 2:4

Landaali yi baa tua bi niba po Li ñuali kpanjama. Yi baa wanli ki yedi: ‹Bi gaa ti diena cain. Bi fie ti biinu ki teni nitoaba. Ŋain, be n teni ke bi fie ti biinu? Ti yibalinba gaa ti kuani ki boagidi.›

Sakari 7:14

N den teni ke bi yadi ba ban kaa den bani yaa nilanba siiga. Ban den gedi ki ŋaa mi diema, mi den tua diegbena, nilo n kaa go den tagi naani. Laa dieŋanma den tua fanpienma ke nilo ki go ye mi niinni.› »

Mi Tiadima 28:25

O Diedo baa teni yin sani yi yibalinba nintuali. Yi baa tagini sanyende ki ña ki tuogi ba, ama yi baa tagini sanilele yo, ki sani bi nintuali. Ki tinga nibuoli kuli yaa laa yaa yema n baa yi, bi baa yaa ye leni i jeje.

Mi Tiadima 28:36

O Diedo baa teni yinba leni yin dini yaa bado yeni, n gedi yi baanba n naa den bani yaa nibuolu kani, ki buali yinba. Lanpo, yi baa yaa gbaandi ki pugi yaa buli n tie ti daadi leni a tana.

Mi Tiadima 28:64

O Diedo baa yadi yadi yi i nilanbuoli nni, hali ki tinga bianu kuli nni. Lanpo yo, yi baa n kpiagi yinba leni yi baanba n ki bandi yaa buli, yii n tie ti daadi leni a tana.

Mi Tiadima 32:26

N den tua ke n baa teni ban tua wagima, Ki teni ban sundi bi po bi niba siiga.

Mi Tiadima 4:27

O Diedo baa yadi yi i nibuoli siiga. Lanwani, yi baa yaa tie niba waamu bebe o Diedo n baa gedini yi yaa nilandiema yeni niinni.

Jaki 1:1

Mini Jaki, U Tienu leni o Diedo Jesu Kilisiti naacemo, n diani yinba i piiga n buoliedi, yii n yadi yadi ki ye ŋanduna nni kuli po. N fuondi yi bonŋanla.