Jeremi 8:6 - U TIENU MAAMA TILI 2013

⁶ N tie suo ki cengi. Bi maama ki dagidi. Oba kuli ki miadi sugili o biadima po, Oba ki tua: ‹Ŋain, n tieni be nno?› Bikuli li tiini ki suagi liige, Nani yaa taami n tiini bu toabu nni yeni.

Gourmanchéma Bible

⁶ N tie suo ki cengi. Bi maama ki dagidi. Oba kuli ki miadi sugili o biadima po, Oba ki tua: ‹N bii be?› Bikuli li tiini ki suagi liige Nani yaa taami n tiini bu toabu nni yeni.

Jeremi 8:6 Iomraidhean Croise

Jobi 10:2

N yedi U Tienu: ‹Da jia n buudi ki cuo nni.› Teni min bandi yaala yaa po Ke a koani leni nni!

Jobi 34:31

Ama o nilo yaa yedi U Tienu: ‹N tuo n tuonbiadi, N kan go tieni yaala n bia.

Jobi 34:32

Min kaa bani yaala yaa po mo, Waani nni la. Li yaa tie ke n tieni yaala n ki dagidi, N kan go faa ki lieni la.›

Pisomi 14:2

O Diedo ye hali tanpoli, Ki biindi ki diidi bi nisaaliba, Ki baa le o yanfuodaano yua n lingi U Tienu Yaa ye bi siiga,

Esayi 30:18

Lani yaa po yo, ke o Diedo Guu ki baa ŋanbi yi po. O baa fii ki gbadi yi po mi ninñima, Kelima o Diedo tie yaa Tienu n tiegi. Li pamanli ye leni yaaba n dugi o po kuli.

Esayi 57:17

Isidayeli yaaba yiekandikaama po yo, Ke n pali den beni ke n pua ba. N pabiidili nni n den wuoni n yuli. Ama bi den baa ki ŋua mi yiema sanu, Ki ŋua bi pala n bua yaa sanu.

Esayi 59:16

Lani, o pali biidi leni ba niyendo n ki ye, Yua n baa jaandi ki mia o sugili. Lanwani o buagu n todi o, Ke o teginma mo n tie o dabanjali.

Jeremi 23:25

N gbadi yaa saawalipuaba n pua mi faama n yeli nni ki tua: «N dangi! N dangi!»

Jeremi 3:5

Naani o pali baa waagi ki be? Naani o cili kan jiidi abada? A yen maadi yene ki tiendi yaala n bia. A den pia li paalu mo.

Jeremi 5:1

Gaani mani Jerusalemi sani nni, ki diidi. Buali mani ki gaa laabaali. Lingi mani bi niba n yabi naani, Ki le yi yaa baa le ba niyendo, Yua n tiendi yaala n tiegi, Ki bua i moamoani. Lani, n baa tieni Jerusalemi po sugili.

Esekieli 18:28

O yaa bandi wan den tieni yaa biadima kuli, ki nan guani ki ŋaa likuli, moamoani o baa yaa ye, o kan kpe.

Esekieli 22:30

N lingi bi siiga yaa niba n baa maa u bilinu ki gaa ba, yua n baa fii ki sedi n nintuali u bilinu n padi naankani, ki jaandi mi diema po, ke man da bodi. Ama mii laa oba kuli.

Danieli 9:11

Isidayeli yaaba kuli miidi a bali maama, ki lebidi ki ŋaa, kaa cengi a yedima. Lani n teni ke yaa solindi leni yaa tundifala n diani a naacemo Musa bali maama tili nni baa ti po, kelima ti den tieni ti tuonbiadi fini U Tienu po.

Mise 7:2

Bi niteginkaaba kuli bodi mi diema nni, Ba niteginkayendo ki go ye bi niba siiga. Bikuli lingi ki bua ki wuli mi soama. Yuakuli dia o kpiilo ku diagu ki bua ki cuo o.

Sofoni 3:7

N den tama ke li yaa puoli, N niba baa fangi nni ki tuo n tundi, Ke n kan bolini bi dogu. Ama likani yaaba pugini Ki tiendi yaala n bia bebe.

Age Tili 1:5

Moala Li Miali Diedo U Paaciamu Kuli Daano Yedi yaa maama n tie ne: ‹Kpaagi mani yaa yema n baa yi ne po.

Age Tili 1:7

Li Miali Diedo U Paaciamu Kuli Daano go yedi yi, Ke yin kpaagi yaala n baa yi ne po.

Malaki 3:16

Lanwani, yaaba n fangi o Diedo Den maadi leni biyaba, ke o Diedo cengi ki gbadi ban yedi yaala. Bani yaaba n fangi o ki kpiagidi o yeli yeni kuli, o den teni ke bi diani bi yela li tili nni.

2 Pieri 3:9

O Diedo baa kuani o ñoanianu moala, ba ke bi nitianba nua ke o waagidi. Li tie ke o pia yi po li juunle, kaa bua ba niyendo n bodi, ama ke bi niba kuli n lebidi bi pala.

Mi Doagidima 9:20

O falabiado yeni n kaa den kpa yaaba, baa den lebidi bi pala leni bi nii n tagi yaala. Baa den cedi kaa go kpiagidi mu cicibiadimu, i buli, yaala n tie wula, yaa ka ŋanjilifa, yaa ka ti kumoandi, yaa ka a tana, yaa ka ti daadi, yaala n kaa nua, kaa gba, kaa cuoni mo.