Jeremi 7:3 - U TIENU MAAMA TILI 2013

³ Li Miali Diedo U Paaciamu Kuli Daano, Isidayeli Tienu yedi: ‹Lebidi mani yi sani leni yi tuada, lani n tie min cedi yin yaa ye nekanba.›

Gourmanchéma Bible

³ Li Miali Diedo U Paaciamu Kuli Daano, Isalele Tienu yedi: ‹Lebidi mani yi sani leni yi tuada Lani n tie min cedi yin yaa ye nekanba.›

Jeremi 7:3 Iomraidhean Croise

2 Bi Badiba 17:13

O Diedo den soani Isidayeli leni Juda yaaba po bi saawalipuaba leni yaaba n nua saala bonla kuli, ki yedi ba: «Lebidi mani ki ŋaa yi sanbiadi, ki yaa kubi n bali maama leni n ñoamabona. Yin yaa ŋua mani n bali maama kuli cain, min den bili yi yaajanba po yaa bali maama ki soani n naacenba bi saawalipuaba ke bi waani yi yaama yeni.»

Esidirasi 10:11

Moala yin tuo yi tuonbiadi o Diedo yi yaajanba Tienu kani, ki tieni wani n bua yaala. Yin paadi mani leni mi diema nilanbuoli leni bi nilanpuoba.»

Mi Kpanjama 28:13

Yua n wuondi o tagili kan suagi liiga. Ama yua n tuo o tagili ki ŋaa yi, Bi baa gbadi o po mi ninñima.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Jeremi 17:25

Yaaba n baa tagi u naa dogu buliñoana kani tie bine: Bi badiba yaaba n kaa Davidi bali gbandi po, ki jagi bi taami leni bi teliti, ki taani leni bi koanbala leni Juda niba leni Jerusalemi yaaba. Lanwani, u naa dogu baa yaa pia bi niba yaa yogunu kuli.

Jeremi 18:11

Maadi moala leni Juda yaaba leni Jerusalemi yaaba, ki yedi ba: o Diedo yedi: ‹Diidi n bogidi yi po mi yebiadima. N pia min jagi yi po yaala. Guani ki lebidi mani yi sanyuogidi. Lebidi mani yi tagi.›

Jeremi 18:8

Ama laa niba yaa cedi bi biadima, n yen lebidi n yama leni min bi jagi ke n baa waani ba yaa fala.

Jeremi 26:13

Moala, lebidi mani yi tagu leni yi tuongunda. Cengi mani o Diedo yi Tienu nialu, yeni o baa cedi wan bi jagi ke o baa tieni yi yaa bonbiadila yeni.

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 35:16

Rekabi bijua Yonadabi bijaba, tuo ki kubi bi baa n bili bi po yaa ñoamabonbilikaana. Ama bi naa niba wani naa tuo n tundi!

Jeremi 4:1

Isidayeli, mini o Diedo n yedi a: «A yaa lebidi ki guani n kani, Ki ñani a cagindi kuli n nintuali, Yeni, a kaa go puagi.

Jeremi 6:16

O Diedo yedi nanda: «Sedi mani i sani nni ki diidi bonŋanla. Buali mani yi yaajanba sani n ye naani. U sanŋamu ye le yo? Lanwani, tagini mani wuni, Ki baa yi yula po mi fuodima. Ama bi guani ki yedi: ‹Ti kan tagi u niinni ba!›

Jaki 4:8

Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.