Jeremi 7:25 - U TIENU MAAMA TILI 2013

²⁵ Hali bi baanba n ñani Ejipiti diema nni yaa daali, ki taa ki pundi hali dinla, n soani yi po n naacenba bi saawalipuaba, u yogunu kuli ki naa cedi.

Gourmanchéma Bible

²⁵ Hali bi baanba n ñani Ejipiti diema nni yaa daali, Ki taa ki pundi hali dinla N soani yipo n naacenba bi sawalipuaba U yogunu kuli ki naa cedi.

Jeremi 7:25 Iomraidhean Croise

2 Bi Badiba Jama 24:19

O Diedo den soani bi saawalipuaba bi siiga, ke ban waani ba ban lebidi ki guani o kani, ama niloba kuli ki den cengi ba.

2 Bi Badiba Jama 36:15

O Diedo bi yaajanba Tienu yua n pia mi buama den tuodi ki lindi ki tuuni o tonda ke ban maadi o maama, kelima o bua ki faabi o niba leni o diegu yaagu n tie o yekaanu.

Esidirasi 9:7

Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba, ti badiba leni ti kopadicianba ki tieni i nilanbuoli badiba nuu nni, ke bi den tuogi leni ti bu toabu ki paadi ti, ki fagi ti ki gedini ti ti yonbidi, ke dinla i fe kubi ti.

Nehemi 9:26

Ama ba yeni, bi den fii ki fiini mi yiema a po. Bi den luni a bali maama, Bi den kpa a saawalipuaba yaaba n den tigini ba Ke ban guani a kani. Bi den tudi a po tudicianma.

Nehemi 9:30

A den juuni leni ba hali yaa bina n yabi. A saawalipuaba yaaba n den gbie leni a Fuoma den tundi ba. Ama baa den cengi. Lanwani, a den taa ba ki tieni bi nilanba nuu nni.

Esayi 5:4

N go baa fidi ki tieni be yo N duventiidi kuanu po, Ke n daa tieni la? Be yaa po yo ke n den sugini ke u baa luoni Yaa bonluonkaala n ŋani, Ke u fii ki loni n po bonyuogidi?

Jeremi 11:7

Hali min ñani yi baanba Ejipiti diema nni yaa daali, ki ban taa ki pundi dinla, yaa yogunu kuli n li baa ki maadi leni ba ki tua: ‹Cengi mani n nialu.›

Jeremi 25:3

«Hali Josiasi Anmoni bijua, Juda bado, piiga n bintaali, ki ban tuu dinla, piilie n binataa ke o Diedo maadi leni nni. N guani ki tiadi yi laa maama ki naa cedi, ama yi naa cengi nni.

Jeremi 25:4

O Diedo soani yi kani o naacenba bi saawalipuaba ki naa cedi, ama yi naa cengi. Yii diadi yi tuba ki cengi mo.

Jeremi 29:19

O Diedo yedi: baa cengi n maama, ki nan sua ke n lindi ki tuuni n naacenba bi saawalipuaba, ba leni lani kuli baa cengi. O Diedo n yedi yeni.»

Jeremi 35:14

Rekabi yaaba kubi bi yaaja Yonadabi tundi, wani yua n den yedi o bijaba n da ño daama, baa ko ñuni mo hali dinla. Bi tuo bi baa tundi. Nmo te? N maadi, ki lindi ki maadi leni yi, ama yi naa gaa n tundi.

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 44:4

N lindi ki tuuni yi kani n naacenba bi saawalipuaba u yogunu kuli ke ban yedi yi: ‹Yin da tieni min nani yaa cancagintuona.›

Jeremi 7:13

Mini o Diedo yedi: ‹Nani yin soani laa tuona kuli yeni, nani min maadi leni yi, ke yi naa cengi, nani min yini yi, ke yii tuo yeni, yin dugi yaa diegu po, ki taagi n yeli ku nii nni, min den puni yi baanba yaa kaanu yeni, n baa soani laa kaanu nani min den soani Silo maama yene.

Esekieli 2:3

O den yedi nni: «Fini nisaalo biga, n baa soani a Isidayeli yaaba buoli kani, bani yaaba n fiini n po mi yiema yeni po. Bani leni bi yaajanba kuli den tie n po niyiekaaba, ki taa ki pundi hali dinla.

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Ose Tili 12:10

Hali yin den ye Ejipiti nni, N tie Li Miali Diedo, yi Tienu. N didi go baa teni yin yaa ye yi gbandiena nni, Nani yi jaanma yogunu yeni.

Amosi 2:11

N den fiini yi bijaba siiga bi saawalipuaba, Yi nipanba siiga mo Nasileya yaaba. Bi laa tie yeni ka Isidayeli yaaba? O Diedo n yedi yeni.

Malaki 3:7

Hali yi yaajanba yogunu, yi yaadi ki ŋaa n ñoamabona, kaa tiendi ŋan bili yaala. Lebidi mani ki guani n kani, nmo baa lebidi ki guani yi kani. Li Miali Diedo U Paaciamu Kuli Daano n yedi yeni. Ama yi tua: ‹Ti baa lebidi ki guani a kani lede?›

Luki 11:49

Li tie lani yaa po ke U Tienu yanfuoma mani miba yedi: ‹N baa soani bi kani o saawalipuaba leni a tonda. Bi baa kpa bine ki faligi bine.›

Mi Tiadima 9:7

Musa den yedi: «Tiadi mani, ki da sundi, ke yi den bieni o Diedo yi Tienu pali mi fanpienma nni. Hali yin ñani Ejipiti diema nni yaa daali, ki taa ki pundi hali yin cua u naa kaanu yaa daali, yi den fiindi mi yiema o Diedo po.