Jeremi 7:23 - U TIENU MAAMA TILI 2013

²³ Ama n den yedi ba yaa maama n tie ne: ‹Cengi mani n maama, n baa yaa tie yi Tienu, yimo n yaa tie n niba. Yaa cuoni mani, min yedi yin tagini yaa sani nni kuli, lani n tie yi yema n yaa mani yi po.›

Gourmanchéma Bible

²³ Ama n den yedi ba yaa maama n tie na: ‹Cengi mani n maama Ke min yaa tie yi Tienu, yimo n yaa tie n niba. Yaa cuoni mani min yedi yin tagini Yaa sani kuli nni, lani n tie yi yema n yaa mani yipo.›

Jeremi 7:23 Iomraidhean Croise

Jobi 36:11

Bi yaa cengi ki go tuo ki miini bi yula, Se ban kali mi kpama nni, Bi miali dana mo n juodi leni mi yemanma.

Pisomi 119:3

Baa tieni kuli yaala n bia, Bi ŋua U Tienu n bua maame.

Pisomi 40:6

O Diedo n Tienu, A pugidi a bancianma Leni a yanjagiŋama ti po. Liba kuli ki da leni a. N bi bua ki kpaani ki doagidi la, Ama li yabi ki cie min baa fidi Ki coadi yaala.

Pisomi 81:13

Lanwani, nmo den ŋaa ba Ke bi ŋoadi bi pajuaga n bua yaala, Bani mo den ŋoadi ban bua yaala.

Mi Ñama 15:26

O den yedi: «Yi yaa cengi o Diedo yi Tienu maama bonŋanla, yi yaa tieni yaala n tiegi o nintuali, yi yaa diadi yi tuba ki cengi o bali maama, ki go tieni o mabilikaama kuli, n kan pua yi leni min den pua Ejipiti yaaba leni yaa yiani kuli, kelima n tie Li Miali Diedo yua n paagidi a.»

Mi Ñama 16:32

Musa den yedi: «Diidi o Diedo n den bili yaa ñoamabonli. Taa mani omeri ki gbieni o leni manni ki kubi o yi yaabila po, ke ban le min den teni ke yi di yaa jiema mi fanpienma nni, min den ñani yi Ejipiti diema nni yaa yogunu.»

Esayi 3:10

Yedi mani: «O niteginka pali mani Kelima o baa je o tuonli ñuadi.

Jeremi 11:4

min den kuani yua leni yi baanba, min den ñani ba Ejipiti diema nni yaa daali, ban den ye yaa buaga nni. N den yedi ban cengi n nialu, ki tieni min yedi yaala kuli. Yeni yi baa tua n niba, nmo baa tua yi Tienu.

Jeremi 11:7

Hali min ñani yi baanba Ejipiti diema nni yaa daali, ki ban taa ki pundi dinla, yaa yogunu kuli n li baa ki maadi leni ba ki tua: ‹Cengi mani n nialu.›

Jeremi 13:11

O Diedo yedi: ‹Moamoani, nani ban yen ñagini ku gbanñagidigu ki ciaga nni maama yeni, nmoko den taa Isidayeli leni Juda yaaba kuli, ke ban tua n niba, n yeli, n pagidi leni n jilima. Ama bi naa cengi nni.› »

Jeremi 22:21

Hali a yema n den mani a po yaa Yogunu n den maadi leni a, Ama a den yie ke a kan cengi. A tagu nan li tie yene hali a panma nni, Ŋaa cengi n nialu.

Jeremi 22:3

O Diedo yedi nanda: Yin yaa tiendi mi teginma leni yaa bujiali n tiegi. Faabi mani ban faligidi yaa nilo yua n duoliti o nuu nni. Yin da faligi ki duoli o caano, ki kpienbiga leni li kpepuoli. Yin da wuli yua n ki pia tagili soama nekanba.

Jeremi 24:7

Bi yaa guani n kani leni bi pala kuli, n baa pa ba mi yanfuoma, ki teni ban bandi ke n tie Li Miali Diedo. Bi baa yaa tie n niba, nmo baa yaa tie bi Tienu.»

Jeremi 31:33

Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Jeremi 32:23

Bi cua ki diedi ma, ama bi naa cengi a maama, baa cuoni nani a bali maama n den bili bi po maama. Baa tieni ŋan den puogi yaala. Lani n teni ke a cuani bi po o naa fala kuli.

Jeremi 38:20

Jeremi den guani ki yedi o: «Bi kan ŋaa ŋa leni ba. A yaa cengi o Diedo n puogi nni min yedi a yaa maama yeni, a baa sua ke li ŋani a po. A baa faabi a miali.

Jeremi 42:6

Lan ŋani bi lan bia, ti baa tuo ki ŋoadi o Diedo ti Tienu, tinba ti ba n soani a yua yaa kani. Yeni ti pala baa yaa mani, kelima ti tuo o Diedo ti Tienu mayedikaama.»

Sofoni 3:2

Baa cengi o Diedo maama, Baa tuo o tundi. Baa bili bi dugidi o kani, Baa lingi U Tienu todima.

Sakari 6:15

Bi niba baa ña hali foagima, ki cua ki todi ban guani, ki maa o Diedo diegu. Lani, yi baa bandi ke Li Miali Diedo U Paalu Kuli Daano n soani nni yi kani moamoani. Laa bonla kuli baa tieni, yi yaa tuo ki ŋua o Diedo, yi Tienu.

Sakari 7:7

Naani mii den kpa soani n saawalipuaba hali yogu, ke bi waani laa maama ka? Laa yogunu, Jerusalemi dogu leni u dobila da den kaa leni mi yanduanma, ke nuganu po diema leni Sefela mo da pia bi niba.

LOMA YAABA 16:26

U Tienu yua n ye yogunu kuli ñani o ñoamabonli, ki yedi ke o bondoaginkaala n doagidi i nibuoli kuli po, kelima o saawalipuaba n diani yaa tila po. U Tienu tieni yeni ki bua ke i nibuoli kuli n tuo li dandanli.

2 Korenti 10:5

Ti guli yanmaalima buoli kuli leni ti yantia-japaadi yaala n fii ki yie U Tienu bandima po kuli. Ti go cuo ki dadi a yantiana kuli ke ŋan tuo ki yaa ŋua Kilisiti.

Mi Tiadima 11:27

Yi baa baa li seli, yi yaa tuo o Diedo yi Tienu bali maama min teni yi yaama dinla.

Mi Tiadima 13:4

Yin da cengi laa saawalipualo bi laa baabuulo maama, kelima li tie o Diedo yi Tienu n biigi yi, ki bua ki bandi yi yaa bua o Diedo yi Tienu leni yi pala kuli leni yi yantiana kuli.

Mi Tiadima 13:5

Yi baa ŋoadi Li Miali Diedo yi Tienu, ki fangi o, ki kubi o bali maama, ki yaa tuodi o ñoamabona. Yi baa yaa kpiagidi, ki go ŋua wani bebe.

Mi Tiadima 30:2

Yi yaa lebidi ki guani o Diedo yi Tienu kani, ki tuo o yedima leni yi pala kuli leni yi yama kuli, yinba leni yi bijaba kuli nani min bili yi po maama dinla,

Mi Tiadima 30:20

ki yaa bua o Diedo yi Tienu, ki yaa tuodi o yedima, ki sani ki tabini wani. Wani n tie yi miana, ki go baa foagidi yi dana. O baa teni yin yaa ye o Diedo n den poli ke o baa pa yi baanba Abalahama, Isaaka leni Jakob yaa tinga nni.»

Mi Tiadima 30:8

Lanwani, yinba, yi baa guani ki tuo o Diedo yi Tienu yedima, ki yaa tiendi min teni yi yaa bali maama dinla ne kuli n yedi yaala.

Mi Tiadima 4:10

Da sundi mani yin den sedi o Diedo yi Tienu nintuali yaa daali Horebi juali kani. Lanyogunu, o Diedo n den yedi nni: ‹Taani ku niligu kuli n kani. N baa teni ban gbadi n maama, ki bangi ma bi bijaba. Yeni, bi baa yaa fangi nni, bi miali yema nni kuli.› »

Mi Tiadima 4:40

Yin kubi o mabilikaama leni o ñoamabona, min teni yi yaala dinla. Yeni, yi baa ye leni li pamanli, yinba leni yi bijaba yaaba n baa ŋoadi yi yaa puoli. Yi miana mo baa foagidi o Diedo yi Tienu n puni yi yaa diema nni, yaa yogunu kuli po.»

Mi Tiadima 5:16

Yin jigini yi baanba leni yi naanba, nani o Diedo yi Tienu n bili yi po maama. Lani n tie yi miana n foagidi, yin go yaa ye leni li pamanli o Diedo yi Tienu n puni yi yaa tinga nni.

Mi Tiadima 5:29

Bi pala yaa bi baa fidi ki yaa tie yeni yogunu kuli, ke bi fangi nni, ki kubi n bali maama kuli, n baa teni bani leni bi bila kuli n yaa ye leni li pamanli yaa yogunu kuli!

Mi Tiadima 5:33

Yi baa ŋoadi o Diedo yi Tienu n bili yi po yaa sanu, ki baa ki yaa ye ki pia li pamanli, yi miana mo n foagidi yin baa kua ki diedi yaa diema yeni niinni.»

Mi Tiadima 6:3

Lanwani, yinba Isidayeli yaaba, cengi mani laa maama, ki kubi ma, ki go tieni man yedi yaala. Lani, yi baa yaa ye leni li pamanli, ki maa ki pugidi boncianla, mi naaŋanma leni ti siadi n dua yaa diema yeni niinni, nani o Diedo yi baanba Tienu n yedi maama.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa tindima n ki pia gbenma, yaaba n tuo ki ŋua o kuli po.

1 Samueli 15:22

Samueli den yedi: «Naani ki tuo ki tieni o Diedo n bua yaala, Ki cie a padijuukaana leni a pada? Mi tuoma pia mayuli ki cie a pada, O ñoamabonli tienma pia mayuli ki cie a petona kpama.