Jeremi 7:2 - U TIENU MAAMA TILI 2013

² «Gedi o Diedo diegu buliñoabu kani, ki maadi yaa maama n tie ne, ki yedi: ‹Cengi mani o Diedo maama, yinba yaaba n tie Juda yaaba, ki koa o buliñoana kani, ki baa cua ki gbaani ki pugi o Diedo.›

Gourmanchéma Bible

² «Gedi Li Miali Diedo diegu buliñoabu kani ki maadi yaa maama n tie na ki yedi: ‹Cengi mani Li Miali Diedo maama, Yinba yaaba n tie Juda yaaba ki kua o buliñoana kani Ki baa cua ki gbaani ki pugi Li Miali Diedo.›

Jeremi 7:2 Iomraidhean Croise

1 Bi Badiba 22:19

Mise go den yedi: «Go cengi o Diedo maama. N den laa o Diedo ke o kaa o bali kalikaanu, ke tanpoli toagola kuli se o ganu leni o jienu kuli.

Pisomi 122:2

Ti taana den ban sedi, Fini Jerusalemi dogu buliñoana kane!

Esayi 1:10

Yinba Jerusalemi yudanba, Yaaba n jugi yi yula, Nani Sodomi yaaba yeni, Cengi mani o Diedo n yedi yaala. Yinba Jerusalemi niba, Yaaba n biidi yi yula, Nani Gomori yaaba yeni, Diadi mani yi tuba ki cengi Ti Tienu bali maama.

Jeremi 10:1

Cengi mani o Diedo n pia yaa maama, Ki baa maadi leni Isidayeli yaaba!

Jeremi 11:6

O Diedo den yedi ke min kpaani laa maama kuli, Juda dogi nni leni Jerusalemi sani nni, ki yedi: «Cengi mani o ŋantaado ne maama, ki tieni wan yedi yaala!

Jeremi 19:14

Jeremi den ñani Tofeti, ki guani o Diedo n den soani o naani, ke wan ban pua saawali. O den gedi ki ban sedi o Diedo diegu luolu nni, ki yedi yaa niba n den taani likani kuli:

Jeremi 2:2

«Gedi ki ban kpaani Jerusalemi yaaba tuba nni: O Diedo yedi nanda: ‹Fini Jerusalemi, n baa ki tiadi ŋan den tie jafaano, Ki pia n po yaa buama, Ŋan den ŋua nni mi fanpienma nni, Leni yaa tinga yaa niinni N ki pia bonpudikaaliba yaa yogunu.

Jeremi 2:4

Yinba Jakob puoliŋuani, Isidayeli nibuoli kuli, Cengi mani o Diedo maama.

Jeremi 26:2

«Mini o Diedo maadi yaa maama n tie ne: Sedi o Diedo diegu luolu po, ki maadi leni yaaba n ña Juda dogi kuli, ki baa gbaani ki pugi o Diedo diegu nni. Ŋan waani ba min puogi a ŋan yedi yaa maama kuli, ki da foadi ba mayenma.

Jeremi 28:5

O saawalipualo Jeremi den guani o saawalipualo Anania, bi kopadicianba leni li nitaanli kuli nintuali, bani yaaba n den ye o Diedo diegu nni,

Jeremi 34:4

Fini Juda bado Sedesiasi, cengi o Diedo maama! O Diedo maadi yaa maama n tie ne a po: ‹Ki jugisiega ka baa kpa ŋa.

Jeremi 36:10

Landaali Baruki den cogi li tili, Jeremi maama n den diani yaali yaa niinni, o Diedo diegu tugu nni, bi niba kuli nintuali. O den cogi li, Safani bijua Gemalia o tidianlo dieli nni, tanpoli luolu nni, o Diedo diegu buliñoapanbu buliñoatuogili kani.

Jeremi 36:6

Fii ki gedi ki ban cogi min maadi ke a diani yaa tigbabikaali nni, o Diedo maama. Cogi ma bi niba nintuali o Diedo diegu nni, mi ñoalolima daali. Ŋan cogi ma Juda yaaba, yaaba n ñani bi dogi nni ki cua kuli po.

Jeremi 44:24

Jeremi go den maadi leni laa niba kuli, bi jaba leni bi puoba ki yedi: «Yikuli n cengi o Diedo maama, yinba Juda yaaba, yaaba n ye Ejipiti diema nni.

Jeremi 7:1

O Diedo den maadi leni Jeremi yaa maama n tie ne:

Esekieli 37:1

O Diedo nuu paalu den maani n po, ke o Fuoma mo taa nni ki ban sieni nni a nisaalikpaba n den gbie yaa joaloangu nni.

Ose Tili 5:1

Cengi mani line yinba bi kopadicianba, Yinba Isidayeli yaaba kuli, cengi mani. Yinba badidiegu yaaba, diadi mani yi tuba ki cengi. Ti buudi jiama tie yi yaa tuonle, Ama Misipa dogu nni, yi den tua diagu, Tabori juali po mo, yi den tua taalu n niba po.

Amosi 7:16

Moala, ŋan cengi, fini yua n yedi ke min da pua saawali Isidayeli yaaba po, ke min da maadi U Tienu n yedi yaala Isaaka puoliŋuani po.

Mise 1:2

Yinba i nibuoli kuli, cengi mani! Ki tinga, fini leni yaala n ye a niinni kuli, Diadi a tubili ki cengi bonŋanla. Li Miali Diedo U Tienu yua n ye O kaangagidiŋamu nni, Baa tua siedi yi tuonbiadi po.

Mise 3:1

N den yedi Jakob puoliŋuani yudanba, cengi mani: «Naani laa tie yinba ka baa bangi mi teginma?

Mise 3:9

Jakob puoliŋuani yudanba, Yinba Isidayeli yaaba koanbala, Yinba yaaba n nani yaa bujiali n tiegi, Ki kpigini i moamoani, cengi mani!

Matie 13:9

Yua n pia a tuba ki baa gbadi, wan gbadi.»

Jan n diani U Tienu Laabaaliŋamo maama 18:20

Jesu den guani ki yedi o: «N den maadi asala nni ke bi niba kuli gba. Yogunu kuli n maadi li bali maama bangima diena nni leni U Tienu diegu nni kuli, Jufinba kuli n yen taagi naankani. Mii den wuoni ki maadi liba kuli.

Jesu Tondiba Tuona 5:20

«Gedi mani ki ban sedi U Tienu diegu nni, ki yaa wangi yaaba n ye lienni li miali maama ne kuli.»

Jesu Tondiba Tuona 5:42

Daali kuli U Tienu diegu nni leni bi niba diedi nni kuli, bi den bangi bi niba ki wangi ba Jesu Kilisiti Laabaaliŋamo, kaa cedi.

Mi Doagidima 2:11

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, mi kuliedima kan nandi o.› »

Mi Doagidima 2:17

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o yaa manni n den wuo, ki go pa o li tanpienli, ban diani li yepanli yaali yaa po, oba kuli n ki bani yaali, se yua n baa li bebe.› »

Mi Doagidima 2:29

Yua n pia a tuba, wan cengi mi Fuoma n tua Kilisiti Nitaana yaala.› »

Mi Doagidima 2:7

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye ŋalijani nni, bonluonkaala.› »

Mi Doagidima 3:13

Yua n pia a tuba, wan cengi mi Fuoma n tua Kilisiti Nitaana yaala.› »

Mi Doagidima 3:22

Yua n pia a tuba, wan cengi mi Fuoma n tua Kilisiti Nitaana yaala.»

Mi Doagidima 3:6

Yua n pia a tuba, wan cengi mi Fuoma n tua Kilisiti Nitaana yaala.› »