Jeremi 7:13 - U TIENU MAAMA TILI 2013

^13-14 Mini o Diedo yedi: ‹Nani yin soani laa tuona kuli yeni, nani min maadi leni yi, ke yi naa cengi, nani min yini yi, ke yii tuo yeni, yin dugi yaa diegu po, ki taagi n yeli ku nii nni, min den puni yi baanba yaa kaanu yeni, n baa soani laa kaanu nani min den soani Silo maama yene.

Gourmanchéma Bible

¹³ Mini Li Miali Diedo yedi: ‹Nani yin soani laa tuona kuli yeni, Nani min maadi leni yi u yogunu kuli ke yi naa cengi, Nani min yini yi ke yii tuo yeni,

Jeremi 7:13 Iomraidhean Croise

Mi Kpanjama 1:24

N yi yi ke yi yiedi, N tiani n nuu ke oba kuli ki faami lipo.

Esayi 50:2

Be yaa po yo ke min den cua, Mii laa oba kuli? Be yaa po yo ke min den yini, Ke niloba kuli ki den tuo? Naani n buagu koabi ki kandi, Ke n kan fidi ki faabi? Bi, mii pia yaa fidu n dagidi, Ki baa fidi ki faabi yo? N yen fu leni mi ñincianma man ñuudi, Mi kpeni mo n kpandi fanpienma, Mi jami mo n bedi kelima ñima ki ye po. U ñuñuunu mo baa bolini ba.

Esayi 65:12

N baa gedini yi ki jugisiega po. Yikuli baa gbaani yi duna po, Ban kodi yi, kelima n yini yi ke yi naa tuo. N maadi ke yi naa cengi. Ama yi tieni yaala n bia n po, Ki gandi yaala n ki mani n po.»

Esayi 66:4

Mini moko baa mangi n pali bi fala po, Ki teni yaala n baa cie bi jigi n cua, Kelima n yini ba ke oba kuli naa tuo. N maadi, ke bi naa cengi. Ama bi den tieni n po yaala n bia, Ki den mangi bi pala leni yaala n gundi n po.»

Jeremi 11:7

Hali min ñani yi baanba Ejipiti diema nni yaa daali, ki ban taa ki pundi dinla, yaa yogunu kuli n li baa ki maadi leni ba ki tua: ‹Cengi mani n nialu.›

Jeremi 11:8

Ama baa cengi, baa diadi bi tuba ki cengi. Yuakuli ŋoadi o pajuagijagindi. Lani n teni ke nmo fii ki tieni bi po Laa ŋantaado n den pia yaa buudi, min den yedi ban kubi ki go tieni yaala, ke bi yie kaa tieni yeni.»

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua tientoe, ki gbaandi ki pugi yi. Ban tua nani ku naa gbanñagidigu yaagu n ki go pia fuomiba kuli yeni!›

Jeremi 13:11

O Diedo yedi: ‹Moamoani, nani ban yen ñagini ku gbanñagidigu ki ciaga nni maama yeni, nmoko den taa Isidayeli leni Juda yaaba kuli, ke ban tua n niba, n yeli, n pagidi leni n jilima. Ama bi naa cengi nni.› »

Jeremi 25:3

«Hali Josiasi Anmoni bijua, Juda bado, piiga n bintaali, ki ban tuu dinla, piilie n binataa ke o Diedo maadi leni nni. N guani ki tiadi yi laa maama ki naa cedi, ama yi naa cengi nni.

Jeremi 26:5

yi yàá diadi yi tuba ki baa cengi n naacenba bi saawalipuaba maama, min soani yi po yaaba, kelima n tuuni ba yi kani yogunu kuli ki naa cedi, ama yi naa cengi ba.

Jeremi 29:19

O Diedo yedi: baa cengi n maama, ki nan sua ke n lindi ki tuuni n naacenba bi saawalipuaba, ba leni lani kuli baa cengi. O Diedo n yedi yeni.»

Jeremi 32:33

Bikuli buli nni ki nunga, ki teni nni bi bunkpana. N bangi ba u yogunu kuli ki naa cedi, ama bi naa gaani bangima.

Jeremi 35:14

Rekabi yaaba kubi bi yaaja Yonadabi tundi, wani yua n den yedi o bijaba n da ño daama, baa ko ñuni mo hali dinla. Bi tuo bi baa tundi. Nmo te? N maadi, ki lindi ki maadi leni yi, ama yi naa gaa n tundi.

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 35:17

Mini Li Miali Diedo U Paaciamu Kuli Daano, Isidayeli Tienu yedi: «N den maadi leni ba, ama baa cengi. N den yini ba, ama baa tuo. Lani yaa po, n baa teni min den waani ke yaa fala n baa baa Jerusalemi leni Juda yaaba yeni, n nandi ba.»

Jeremi 44:23

O naa fala ŋmaa yi dinla, kelima yi juu a dugibila, ki tieni ti tuonbiadi, kaa cengi o Diedo maama, kaa cuoni nani li bali maama n bili maama.»

Jeremi 44:4

N lindi ki tuuni yi kani n naacenba bi saawalipuaba u yogunu kuli ke ban yedi yi: ‹Yin da tieni min nani yaa cancagintuona.›

Jeremi 5:21

Cengi mani line, Yinba yaa niba n ki pia yama, Kaa pia kpaagili mo. Yinba yaaba n pia i nuni ki naa nua, Ki pia a tuba ki naa gba liba.

Jeremi 6:10

N baa maadi leni ŋme? N baa taa ŋme yo wan tua n siedo, Ban cengi nni? Diidi, bi tuba biini ki gbeni, Bi kan fidi ki cengi bonŋanla mo. Diidi mani, U Tienu maama tie bi po fe yo. Maa go nuagi bi po.

Jeremi 7:25

Hali bi baanba n ñani Ejipiti diema nni yaa daali, ki taa ki pundi hali dinla, n soani yi po n naacenba bi saawalipuaba, u yogunu kuli ki naa cedi.

Ose Tili 11:2

Ama min den ŋua ki yi n niba, Bi den sani ki foagidi leni nni, Ki ban padi a pada o bulo Baali po, Ki siagi a dugibila ban kpie yaa buli po.

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Ose Tili 9:17

N Tienu luni ba, Kelima baa cengi o. Bi baa yadi ki yaa puagi i nilanbuoli nni.

Sakari 7:13

ke n yedi: ‹Min den yini ba ke baa tuo yeni, n moko yie kaa guani ba, ban den yi nni ke mia nni mi todima yaa yogunu.

Matie 23:37

Jerusalemi, Jerusalemi, fini yua n kpa bi saawalipuaba, ki lugidi U Tienu n tuuni a kani yaaba a tana ki kpaani ba, taalimiŋa yo ke n den bua ki gobidi ki taani a niba nani o kooñua n yen ŋoagini o koobila o fiabi nni maama, ama a naa den bua.