Jeremi 6:16 - U TIENU MAAMA TILI 2013

¹⁶ O Diedo yedi nanda: «Sedi mani i sani nni ki diidi bonŋanla. Buali mani yi yaajanba sani n ye naani. U sanŋamu ye le yo? Lanwani, tagini mani wuni, Ki baa yi yula po mi fuodima. Ama bi guani ki yedi: ‹Ti kan tagi u niinni ba!›

Gourmanchéma Bible

¹⁶ Li Miali Diedo yedi nanda: «Sedi mani i sani nni ki diidi bonŋanla. Buali mani u yogu nni sani n ye naani. U sanŋamu ye le yo? Tagini mani wuni yaa niinni, Ki baa mani yi yula po mi fuodima Ama bi goa ki yedi: ‹Ti kan tagi u niinni ba!›

Jeremi 6:16 Iomraidhean Croise

1 Bi Badiba 8:36

fini yua n ye hali tanpoli n cengi ba ki pa sugili a naacenba leni a niba Isidayeli yaaba bi tuonbiadi po. Ŋan bangi ba ban baa yaa cuoni yaa sanŋamu nni, ki go teni ki taaga n yaa mii mi diema po, ŋan den puni a niba yaa diema ke mi tie bi piama yeni.

2 Bi Badiba Jama 19:11

Bi kopadicianba bado Amaria baa gobidi yi, yaala n tie o Diedo sanŋoadima kuli nni. Isimayeli bijua Sebadiya yua n tie Juda buolu guveneeri mo, baa yaa gobidi yi, o bado ŋantaadi kuli nni. Levi buolu mo baa tua yi po bi bujiaba. Yin paagi mani yi gbani li tuonli po, ke o Diedo n yaa ye leni yaaba n baa yaa tiendi yaala n ŋani.»

Pisomi 116:7

N den yedi: «N naano, guani ki yaa fuo, Kelima o Diedo tieni a po mi ŋanma.»

Esayi 2:5

Yinba Jakob buolu, Fii mani tin cuoni O Diedo yenma nni.

Esayi 28:12

O den yedi ba: «No mani mi fuodima nne, Cedi mani yua coagi n fuodi. Mi fuodima nne.» Ama bi naa tuo ki cengi.

Esayi 30:21

A yaa baa jadi ganu bi jienu, A baa gbadi u nialu a puoli po, Ke u yedi: «U sanu nno, tagini wuni.»

Esayi 46:9

Tiadi mani hali yogu yaala n den kpa tieni, Kelima mini n tie U Tienu. Tientoa ki ye, n tie U Tienu! Liba mo ki naani leni nni.

Esayi 57:2

O niteginka baa baa mi yanduanma, Ki duani ki fuodi o duanu po, Wani yua n ŋua yaa sanu n tiegi yeni.

Esayi 8:20

Bi yaa buali yi, yi baa guani ba: Li tie ban guani li bali maama leni siedi kane. Bi yàá tieni yeni, suginmiba kuli kan yaa ye bi niba po.

Jeremi 12:16

Bi yaa bangi n niba sani, bi yaa poli n yeli nni ki yedi: «Li Miali Diedo fo!» Nani ban bangi n niba ke bi polini o bulo Baali yeli nni maama yeni, lanwani, bi baa guani ki kali n niba siiga.

Jeremi 18:12

Ama bi yedi: ‹Ti baga ki ye, ti li baa yaa ŋua ti yantiabiada yo.› »

Jeremi 18:15

Ama n yaa niba wani nan sundi n po, Bi juugi i buli po a dugibila. Bi cuoni ki tuudi ban yen maani Ki tagi yaa sankpeli yeni nni. Bi guani ki ŋoadi ban ki koadi yaa sani.

Jeremi 2:25

Ŋan moandi ki da gedi taapiena, Ki da tuo ñuñuunu mo n kuoni a nialu. Ama a yedi: «Lebidima kan go tieni, Kelima n bua bi canba yeginu!»

Jeremi 22:21

Hali a yema n den mani a po yaa Yogunu n den maadi leni a, Ama a den yie ke a kan cengi. A tagu nan li tie yene hali a panma nni, Ŋaa cengi n nialu.

Jeremi 31:21

Sieni, sieni mi maalima a sanu nni, Ki faami ŋan cuoni yaa sanu nni bonŋanla. Guani mani ne yinba Isidayeli yaaba. Guani mani yin die yaa dogi yeni nni.

Jeremi 42:3

O Diedo a Tienu n waani ti, tin baa tagini yaa sanu leni tin baa tieni maama.»

Jeremi 44:16

«Ba a yaa maadi ti Diedo yeli nni, ti kan cengi a.

Jeremi 50:5

Bi baa buali Siyon sanu po. Bi baa pegidi ki teli lanpo. Bi baa cua ki fini o Diedo bonŋanla, Ki kuani leni o yaa ŋantaado n ki pia fidima, Ki kan gbeni mo hali abada!

Jeremi 7:23

Ama n den yedi ba yaa maama n tie ne: ‹Cengi mani n maama, n baa yaa tie yi Tienu, yimo n yaa tie n niba. Yaa cuoni mani, min yedi yin tagini yaa sani nni kuli, lani n tie yi yema n yaa mani yi po.›

Jeremi 7:24

Ba leni lani kuli, baa cengi. Baa diadi bi tuba ki cengi. Bi ŋoadi bi pajuaga ya joagini yaa tundi, ki guani puoli, kaa suagi liiga.

Jeremi 7:3

Li Miali Diedo U Paaciamu Kuli Daano, Isidayeli Tienu yedi: ‹Lebidi mani yi sani leni yi tuada, lani n tie min cedi yin yaa ye nekanba.›

Luki 16:29

Abalahama den guani ki yedi o: ‹A waamu pia Musa leni bi saawalipuaba kuli, ban cengi ba.›

Jan n diani U Tienu Laabaaliŋamo maama 12:35

Jesu den guani ki yedi ba: «Mi yenma da baa yaa ye yi siiga u yogunu waamu po. Yin yaa cuoni mani hali yin pia mi yenma yaa yogunu kuli, ke li biigili n da ludi yi. Yua n cuoni li biigili nni naa bani wan caa naani.

Jan n diani U Tienu Laabaaliŋamo maama 13:17

Yi yaa bani lani ki tiendi la, yi pia li pamanli.

Jan n diani U Tienu Laabaaliŋamo maama 5:39

Yi cogi ki kpaagi i Diani po bonŋanla, kelima yi tama ke yi baa baa yaa miali n kan gbeni lienni. Laa Diani n tiendi n po siedi.

Jesu Tondiba Tuona 17:11

Yaa Jufinba n ye laa dogu nni den tie nimoanba ki cie Tesaloniki yaaba. Bi den kuani bi yama ki gaa U Tienu maama, ki lingi daali kuli i Diani nni, ki baa le ban wangi ba yaala yaa tie moamoani.

LOMA YAABA 4:12

O go tie a junga moko yaa baa, bani yaaba n ki sedi leni ku koanciagu bebe ka, ama bimoko ŋua Abalahama dandanli fuuli, hali ke o daa kua koanciagu.

Mi Tiadima 32:7

Tiadi mani puoli po, Ki kpaagi nifiima n tuu nifiima, Ki buali yi baanba, bi baa togidi yi la.

Kolosi 2:6

Yin den tuo Jesu Kilisiti o Diedo yeni, yin yaa tuugi mani leni o yi yema kuli nni,

Hebilunba 11:2

Li tie li dandanli yaa po ke U Tienu den tieni bi nikpiaba po o siediŋamo.

Hebilunba 6:12

Tii bua yin yaa tie kpadijedanba, ama yin yaa togidi yaaba n baadi U Tienu n niani yaala, kelima li dandanli leni li juunli po.

Bi Bujiaba 2:17

Ama baa den cengi bi gobidikaaba yeni. Bi den ŋaa U Tienu, ki ŋoadi i buli, ki padi yini. Bi den yaadi tontoni ki ŋaa bi yaajanba yaaba n den tuo ki tiendi o Diedo ñoamabona n den ŋua yaa sanu. Baa den tuo ki ŋua o Diedo ñoamabona nani bi yaajanba n den tuo ki ŋua maama.