Jeremi 51:11 - U TIENU MAAMA TILI 2013

¹¹ Sondi mani yi piemi bonŋanla. Gbieni mani yi luona! O Diedo jagi ki bolini Babilonni. O fiini Medi yaa badiba yo, Ke ban soani li tuonli. Li tie o pantuuli yaa yogunu yo, Wan baa tuu li panli o diegu po yaa yogunu.

Gourmanchéma Bible

¹¹ Li Miali Diedo pia yanjagili. Lani n tie ke o bua ki bolini Babilona. O fiini Medi yaa badiba yo n soani li tuonli. Li tie wan baa pa i panpaani yaa yogunu, Wan baa tu li panli o diegu po yaa yogunu. Luani mani yi piemi bonŋanla. Gbieni mani yi luona!

Jeremi 51:11 Iomraidhean Croise

1 Bi Badiba 11:14

O Diedo den fiini Salomon po yibali. Li den tie Hadadi yua n den tie Edomi nni badijoa.

1 Bi Badiba 11:23

U Tienu go den fiini Salomon po yibalitoa: Eliyada bijua Lesoni, yua n den sani o canbaa Tisoba bado Hadadeseri kani.

1 Bi Badiba Jama 5:26

Isidayeli Tienu den fiini Asiiri badiba Puli leni Tigilati-Pilinesa yama, ke Tigilati-Pilinesa den cuo Rubeni buolu, Gadi buolu leni Manase yua n tie buolu boagidima, ki gedini ba ti yonbidi. O den yadi ki gedini ba Hala, Habori, Hara leni Gosan kpenu po kuli, ban ye naankani hali dinla.

2 Bi Badiba Jama 36:22

Persi diema bado Sirusi bali binkpiali binli, o Diedo den jagi ke o baa tieni wan den teni ke o saawalipualo Jeremi yedi yaala. O Diedo den teni ke Persi diema bado Sirusi yeni baa li yantiali, ki ñani li ñoamabonli ki diani li ki soani o diema nni kuli, ki yedi:

Esidirasi 1:1

Persi diema bado Sirusi bali binkpiali binli, o Diedo den jagi ke o baa tieni wan den teni ke o saawalipualo Jeremi yedi yaala. O Diedo den teni ke Persi diema bado Sirusi yeni baa li yantiali, ki ñani li ñoamabonli ki diani li ki soani o diema nni kuli, ki yedi:

Esayi 10:26

Li Miali Diedo U Paaciamu Kuli Daano Baa yoagi u fibu ki deli ba Nani wan den pua Madiani Horebi tangu kani maama. O gbiamu maa mi ñincianma po, O yugidi u nani Ejipiti po yeni.

Esayi 21:2

N laa yaa bonlekaala n pia i jeje. I janbi daano janbidi, yua n bolindi mo bolindi. Elami yaaba, gedi mani ki baa ba. Medi yaaba, gaani ki cebini mani u dogu. U Tienu yedi: «N baa teni Babilonni Yaaba n wangi yi yaa fala kuli n baa u bianu.»

Esayi 21:5

Bi sieni mi jiema, Yaaba n guu u dogu guu, Bi kaa ki di ki go ñu. O nilo kpaani ki yedi: «Bi toatieba yudanba, Taa mani yi jatiadi.»

Esayi 41:25

N yini nujienu po joa ke o cua. O ñani puoli ki taa n yeli ki jaandi ki mia nni. O ŋmaa bi paadanba Nani ti tansoangidi yeni, Nani o maado n ŋmaadi Ku yoagu maama yeni.

Esayi 45:1

O Diedo maadi wan gandi Sirusi yua yeni po, Wan cuo yua yaa nujienu, Ki baa guli i nilanbuoli o nintuali, Ki baa cebidi bi badiba gbanñagiditi, Ki baa luodi o po ti buliñoa-luodiliediti Ke tin da go luoni. O Diedo yedi yaa maama n tie ne o po:

Esayi 45:5

N tie Li Miali Diedo, dieditoa ki ye, Mini yaa ka, toa mo ki ye. N ñagini a ki jugisiega ba ke a daa bani nni.

Esayi 46:11

N yini o kaabo ke o ñani puoli po, Ki yini yaa nilo n ñani yaa diema N foagi leni ne, ke wan kuani Min den jagi ke n baa tieni yaala. Min yedi yaala, n baa teni lan tieni. Min tia yaala mo, n baa tieni la.

Jeremi 25:25

Bi yaa ñuni ki gbeni, Simiri badiba kuli, Elami badiba kuli, Medi badiba kuli,

Jeremi 46:3

Babilonni toatieba yudanba den tangi ki tua: «Caligi mani a gbankoanditi buoli kuli bu toabu po.

Jeremi 46:4

Doali mani yi taami, Yinba bi tandanba, jagini mani yi taami. Cua mani leni a kusana, Luani mani yi kpaana, Ki la ti kudi liada.»

Jeremi 46:9

I taami, ña mani! Ti teliti, yi tiini mani! A jakoanda, ña mani! Yinba Etiopi leni Puti diema yaaba, Yaaba n bani li gbankoandigu mubinma, ña mani. Yinba Ludi yaaba, yaaba n bani li dabanli bonŋanla, ña mani!»

Jeremi 50:25

O Diedo fii leni o jatiadi, Ki taa o pabienli jatiadi, Kelima Kalide yaaba diema nni, Li Miali Diedo U Paaciamu Kuli Daano, Baa soani o tuonli.

Jeremi 50:3

U nibuolu ñani nujienu po, Ki fii ki sedi Babilonni po, Ki teni ke o diema kpandi diegbengu, Niloba kuli kan go yaa ye mi niinni. Bi niba leni ti yandi kuli baa bodi.

Jeremi 50:45

Lanwani, cengi mani o Diedo n taa Yaa bali maama Babilonni po, Leni wan pia yaa jaga Kalide yaaba po: Laa pia kuli tama, Bi baa yaa dia ba nani ti yanbidi bila yeni. Laa pia kuli tama, Bi baa pua ban ye naani nufanu, Kelima bi po.

Jeremi 50:9

N baa teni i nibuoli n fii nujienu diema po, Ki koani leni Babilonni diema ki diedi ma. Bi piemi tie nani yaa jakoando Yaa nuu n nua ki kan guani fanma.

Jeremi 51:12

Fii ki sedi ki yie mani Babilonni bilini po. Pugini mani yaaba n guu u paalu. Baa mani yaaba n baa yaa se ki diidi. Dia ba mani ti dadi, Kelima o Diedo yedi yene Babilonni yaaba po. O tieni wan bili ke o baa tieni bi po yaala.

Jeremi 51:24

N baa guani Babilonni leni Kalide yaaba kuli, Ban tieni Siyon yaa biadima kuli yi nunbu nni. Mini o Diedo n yedi yeni.

Jeremi 51:35

Yaa biadima n bi baa jiidi n yuli po, N jiidi Babilonni po. Yua n ye Siyon baa fidi ki yedi ke, O soama n jiidi Kalide yaaba po. Jerusalemi moko baa fidi ki yedi yeni.»

Jeremi 51:36

Lani n teni ke o Diedo maadi nanda: «N baa koani ki gaa ŋa! N baa teni Babilonni ñincianma n ñuudi. N baa teni o ñinbunli n ñuudi.

Danieli 5:30

Laa ñiagu liga, bi den kpa Babilonni diema bado Belitisasari.

Levi 26:25

N baa teni yaa jugisiega n baa tuu li panli n cua ki tuu yi panpaani n ŋantaado miidima po. Yi yaa taani ki kua yi dociamu nni, n baa soani u yianbiadipuodiko yi siiga, ki go taa yi ki teni yi yibalinba.

Sakari 14:12

O Diedo n baa teni yaa bonbiadila N baa yaa nilanbuoli n baa fii ki tieni Jerusalemi yaaba bu toabu tie line: Bi gbanandi baa bedi ke bi da fo. Bi nuni baa bedi bi nunbuodi nni, Bi landi mo n bedi bi ñoana nni.

Sakari 14:2

O Diedo baa taani i nilanbuoli, Ki teni ban baa Jerusalemi. Bi baa fie u dogu, Ki fagi yaala n ye a diena nni kuli. Bi baa ñii yi puoba leni u paalu. Bi baa cuo u dogu niba boagidima Ki gedini ti yonbidi. Ama yaa niba n sieni Baa yaa kaa u dogu nni.