Jeremi 5:5 - U TIENU MAAMA TILI 2013

⁵ N baa gedi a nigbenga po, Ki ban maadi leni ba mini n ba, Kelima bani wani bani o Diedo sanu, Bi bani bi Tienu bali maama mo. Bi bani bi Tienu n bua yaala.» Ama bikuli tie yenme, Bi miidi li bali maama, Ki fidi bani leni U Tienu ŋantaado.

Gourmanchéma Bible

⁵ N baa gedi a nigbenga po Ki ban maadi leni ba nba. Kelima ban wani bani Li Miali Diedo sanu Bi bani bi Tienu balimaama. Bi bani bi Tienu n bua yaala.» Ama bikuli tie yenme Bi miidi li balimaama Ki fidi bani leni U Tienu *ŋantaado.

Jeremi 5:5 Iomraidhean Croise

2 Bi Badiba Jama 36:14

Bi kopadicianba yudanba leni ku niligu kuli den ye mi tudima nni, ki ŋua nibuotoe n tiendi yaa cagindi kuli. Bi den cagini o Diedo diegu, wan den gagidi ki ŋanbi yaagu ke ku ye Jerusalemi.

Mi Ñama 32:25

Musa den laa ke ku niligu lebidi bi yula ki tie kala, kelima Alono den cedi ba ke bi tie kala ki kpandi maalaadi, bi yibalinba po.

Esayi 1:23

A yudanba tie niyiekaaba, Bi juogidi leni a suuda. Bikuli faadi bu paabu Ki tiini ki lingi li suuli. Baa tiendi yaala n dagidi ki kpienbiga po, Li kpepuoli mo yaa fala ki tua ba liba.

Jeremi 2:20

Hali yogu, n den cie a landili, Ki cie a baabi yii n luo ŋa. Ama a yedi: «N bua ki diedi n yuli.» Die yaa juaga n kpedi kuli po Leni yaa tibu n bundi mo kuli tinga, A kpaagi ki duandi nani li puoconconli yeni.

Jeremi 2:31

Yinba mi naa nifiima, Kpaagi mani o Diedo maama po. Naani n tua Isidayeli po fanpienma, Bi li biigili diema yo? Be yaa po yo ke n niba tua: «Ti diedi ti yula, ti kan go guani a kani?»

Jeremi 30:14

A jaconcona kuli sundi a po, Baa go lingi a. N faligi a nani n yibali yeni. N waani a o falaciamo, Kelima a tagili yabinu po Leni a tuonbiadi biadima po.

Jeremi 6:13

A bonwaala leni a nikpela kuli, Lingi bi yucela ŋamu bebe yo. Ki cili o kopadiciamo ki ban tuoni o saawalipualo, Bikuli ye i janbi po yo.

Jeremi 8:7

Ba goliya yua n ye ti tawadi nni bani o yogunu, Ki kpaajiefanga, ki tancancalinga leni ku kulijaŋmaangu Kuli bani ban baa yaa lebidi ki kpendi yaa yogunu. Ama n niba wani naa bani o Diedo n bili Li bonla n yaa cuoni maama.»

Jeremi 9:3

Yuakuli n fangi o yuli leni o danli, Oba n da dugi o kpiilo ba yendo po, Kelima kpiilo kuli baa fidi ki lu i janbi, Danli kuli mo pia bu tingbangbaabu.

Esekieli 11:2

O Diedo Fuoma den yedi nni: «Nisaalo biga, yaa jaba n tie ne, tie yaaba n pia yaa yantiali n ki ŋani, ki go tundi yaa tundi n ki ŋani u naa dogu nni.

Amosi 4:1

Yinba yaa puopiada n ye Samari juali po, Ki gbengi nani Basan tialu naañuana yeni, Cengi mani yaa maama n tie ne: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 6:1

Fala baa baa yaaba n ye Siyon leni mi yanduanma, Ki go baa yaaba n ye Samari juali po kaa bangi liba po. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isidayeli yaaba n caa bani yaaba yaa kani, ke bi todi ba.

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama, kelima wani n tie Li Miali Diedo U Paaciamu Kuli Daano tondo.

Luki 18:24

Jesu n laa ke o pali biidi, o den ki yedi: «Li pa hali boncianla a piada n baa ki kua U Tienu diema nni.

Luki 19:14

Ama o dogu nni yaaba den nani o ki yuandi ki soani o puoli bi tondiba ke ban ban yedi o: ‹Tii bua yaa joa n tie ne n yaa die ti.›