Jeremi 5:3 - U TIENU MAAMA TILI 2013

³ O Diedo, ŋan bua yaala ki tie I moamoani ka? A pua ba, laa koani ba mo. A nugi ba bonŋanla, Bi yie kaa gaa a bangima, Bi juagi bi pala ki cie ku tangu. Bi yie ke bi kan lebidi bi pala.

Gourmanchéma Bible

³ Li Miali Diedo, ŋan bua yaala ki tie i moamoani kaa? A pua ba, laa koani ba mo. A nugi ba bonŋanla Bi yie baa ga a bangima, Bi juagi bi pala ki cie ku tangu. Bi yie ke bi kan lebidi bi yama.

Jeremi 5:3 Iomraidhean Croise

Mi cilima 19:34

Yaa daali n ŋua, o bisakpelo den yedi o waalo: «Diidi wonli nni ñiagu, n den duani leni n baa. Tin go teni wan ño mi daama dinla ñiagu, ke a mo n gedi ki duani leni o, lani n tie ti baa buolu n da bodi.»

1 Bi Badiba 13:33

Ba ke laa bonla den tieni, Jeroboami ki den lebidi o tagibiadu. O go den gagidi bi niba kuli siiga bi kopadicianpanba o padibinbina ya n ye a juana po. Yua n den bua kuli, o yen gagidi o wan tua o padibinbina ya n ye a juana po kopadiciamo.

2 Bi Badiba 1:13

Akasiasi didi go den soani toatieba piimuu yudaano bontoa, wani leni o toatiepiimuudi. Laa yudaano den doni li juali po. Wan den pundi Elia kani, o den gbaani o nintuali ki mia o ki yedi: «U Tienu nilo, ŋan gbadi mini leni a naacenba i toatiepiimuudi ne po mi ninñima, ki da bolini ti miana.

2 Bi Badiba Jama 16:9

O Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ŋan soani nani o yanluodaano yeni, dinla liiga, a kan go luo toabu.»

2 Bi Badiba Jama 28:22

O bado Akasi ki den tiendi yaala n tiegi o Diedo po, ba ke o den ye leni fala.

Pisomi 51:6

N tieni a po ti tuonbiadi, N tudi fini bebe yaa po yo, N tieni yaala n bia a nuni po. Yeni, a yaa maadi, Li baa sua ke a pia i moamoani. A yaa jia n buudi mo, li kaa pia poadoba.

Pisomi 51:8

Ŋan bua ki le yaala o nisaalo pali nni, N tie i moamoani. Hali n pali tugu nni, n miadi a mi yanfuoma.

Pisomi 55:20

U Tienu n gbadi, ki fiagi ba, Wani yua n kaa ti gbandi po, Yaa yogu n tuu yaa yogu kuli. Joma Lebidima ki ye bi niinni Baa fangi U Tienu mo.

Mi Kpanjama 21:29

O nibiado yen juagi o nunga, Ama yaa nilo n tiegi wani yen faami o tagu po.

Mi Kpanjama 22:12

O Diedo kubi mi banma bonŋanla, Ki yiedi o jajanbidinilo maama.

Mi Kpanjama 23:35

A baa yedi: «Bi pua nni! Laa koani nni! Bi tuoni nni! Mii bandi puu kuli! N baa fundi u lee yogune? Go pugini nni mani, n go bua!»

Mi Kpanjama 27:22

Ba a yaa tuoni o yanluodaano li tuoli nni, O yanluoma kan paadi leni o.

Esayi 26:11

O Diedo, a nuu yuugi ki baa pua, Ama baa faami a cuu po. Bi baa le a buacianma a niba po, I fe n cuo ba. Yene ke u mu baa je a yibalinba.

Esayi 42:25

Lani yaa po o pali den beni Isidayeli yaaba po ke o den wuli bi po O pabiencianli falabiado Leni bu toabu falabiado. Bu toabu den pebidi bi po i kaani kuli, Ke bi naa den bua ki bandi liba kuli. Bu den buoni ba, ama baa den kpaagi li po.

Esayi 48:4

Ama nani min bani ke yi tie nipaaba, Ke yi tuli mo tie nani i kudopandi, Ke yi yutuna mo tie nani ti kumoandi yeni,

Esayi 9:13

Lani n teni ke o Diedo baa jia Isidayeli diema nni, li yuli leni li juoli kuli. Dayenli lige ke o Diedo jia Bu kpakpalibu benu leni ku sabigu,

Jeremi 15:7

N lendi ba ki yadi ba mi diema nni, N muni ba a bila, Ba leni lani kuli, bi naa lebidi ki ŋaa bi sani yeni.

Jeremi 17:23

Ama yi baanba yeni naa den cengi, baa diadi bi tuba, bi juagi bi pala, kelima baa bua ki gbadi ki go gaa mi bangima.»

Jeremi 19:15

Li Miali Diedo U Paaciamu Kuli Daano, Isidayeli Tienu yedi mine: «N baa teni min den maadi yaa yebiadima maama yeni, n baa u naa dogu leni wun die yaa dogi kuli, kelima bi juagi bi pala kaa bua ki cengi n maama.»

Jeremi 2:30

N pua yi bijaba fanma fanma bebe, Ba leni lani kuli bi naa gaani tundi. Yi piemi kpaani yi saawalipuaba, Nani yaa yangbanli n bolindi yeni.

Jeremi 3:3

Lani n teni ke n yie ke n kaa puuni a taaga. N yie a po ki tajuodikaaga. Ama ba leni lani kuli a baa ki se mi conconma sanu nne. Ŋaa ban jie ba fe.»

Jeremi 32:19

A yanjagili yabi, a bontienkaala mo ki pia lie. A nuni ŋubidi ki nua bi nisaaliba tuada kuli, ki baa pa yuakuli o tuona panpaani.

Jeremi 35:13

«Li Miali Diedo Isidayeli Tienu, U Paaciamu Kuli Daano maadi yaa maama n tie ne: ‹Gedi ki ban yedi Juda niba leni yaa niba n kaa Jerusalemi, naani yi kan cengi n tundi, ki fangi yi yula? O Diedo n yedi yeni.› »

Jeremi 44:10

Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa bali maama leni yaa ñoamabonbilikaana.› »

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Jeremi 7:28

Lanwani, ŋan yedi ba: ‹Bi naa niba n ki cengi o Diedo bi Tienu nialu. Baa bua tundi. I moamoani bodi, i ñani bi maama nni.

Jeremi 8:5

Be n teni ke Jerusalemi niba jadi ki ŋaa u sanu? Bi suagi liiga leni i janbi, Ki yie ke bi kan guani n kani.

Esekieli 2:4

N soani a, bani yaaba yaa tuli n pa, ke bi pala mo juagi yeni kani. Ŋan yedi ba ke o Diedo U Tienu yedi daa:

Esekieli 24:13

A cagindi kuli ye a joagindi yeni niinne. N den bua ki ŋanbi a, ama a naa den bua ki ŋanbi. A kan go ŋanbi leni a joagindi mo, se n wuli a po n pabienli kuli.

Danieli 9:13

Laa yebiadima ŋmaa ti, nani lan diani Musa bali maama tili nni maama. Ama ba lani kuli, tii mia ke fini o Diedo n je sugili, tii kuani ti yama ki faami a moamoani po.

Levi 26:23

Ba leni lani kuli, yi yàá cedi ke n tundi yi, ki baa ki yiedi nni,

Amosi 4:10

N den luni yi siiga u yianbiadipuodiko Yuu n naani leni Ejipiti yuu, Ki teni ke bi kpa yi nipanba leni mu jugisiemu, Ki fie yi taami mo. N den teni ke yi toanagili tinkpila nuulibiadu kua yi. Ama ba leni lani kuli, yii den lebidi ki guani n kani. O Diedo n yedi yeni.

Amosi 4:11

N den bolini yi siiga bi tianba, Nani min den bolini Sodomi leni Gomori dogi maama yeni. Yi siiga yaaba n sieni den tie nani ban kuudi Yaa datala u mu nni yeni. Ba leni lani kuli, yii den lebidi ki guani n kani. O Diedo n yedi yeni.

Amosi 4:6

Mini mo den tuuni mi koma yi dogi nni kuli, Ki go tendi ke mi jiema poadi yi diedi nni kuli. Ama ba leni lani kuli, yii den lebidi ki guani n kani. O Diedo n yedi yeni.

Amosi 4:8

N den teni ke dogilie bi dogitaa yaaba caa dotogu nni, Ki bua mi ñinñokaama, Bi ñuñuunu naa den gbendi. Ama ba leni lani kuli, yii den lebidi ki guani n kani. O Diedo n yedi yeni.

Amosi 4:9

N yen teni yi kuani n faani, Ki teni a baayuana mo n kua yi. N den teni ke a sidibila ŋmani yi salidinginba leni duven tiidi, Yi kankanŋuuke leni olivie. Ama ba leni lani kuli, yii den lebidi ki guani n kani. O Diedo n yedi yeni.

Sofoni 3:7

N den tama ke li yaa puoli, N niba baa fangi nni ki tuo n tundi, Ke n kan bolini bi dogu. Ama likani yaaba pugini Ki tiendi yaala n bia bebe.

LOMA YAABA 2:2

Ti bani ke U Tienu buudi tie moamoani, yaaba n tiendi laa bonbuolu kuli po.

Hebilunba 12:9

Ti baanba yaaba n tie nisaaliba den tundi ti tundifala, ke ti fangi ba. Lanwani, li pundi tin miini ti yula ti Baa yua n ye tanpoli kani, ke tin yaa pia li miali.