Jeremi 48:2 - U TIENU MAAMA TILI 2013

² Moabi diema kpiagidi gbeni. Hesibon diema po, bi jagi yaala n bia, Ki yedi: ‹Tin ñani mani laa diema i nibuoli siiga. Madimeni, amoko li gbeni a po n yeni, Kelima bu toabu ŋua ki deli a.›

Gourmanchéma Bible

² Moabi diema kpiagidi gbeni. Hesiboni po bi jagi mipo yaala n bia ki yedi: ‹Tin ñani ma mani i nibuoli siiga Fini Madimeni, a moko li gbeni apo n yeni. Kelima bu toabu ŋua ki deli a.›

Jeremi 48:2 Iomraidhean Croise

Esayi 15:1

Yaa saawalo n ye Moabi diema po. Moabi diema baa bodi, Kelima ñiayengu lige, Ke mi diema kuli baa kua li paboanli nni. Moabi dogi Adi leni Kili bodi.

Esayi 15:5

N mua leni n pali kuli Moabi po, Yua yaa kpaada n tiini ki caa Tisoari po, Hali Egilati Selisiya, Kelima bi tiini ki go buudi ki do Luhiti, Bi mua i paboandanmoe hali Holonayim sanu nni.

Esayi 16:14

Moala o Diedo yedi yaa maama n tie ne: «Ne leni binataa nani yua gaani i ŋmaligi yaa bina yeni, Moabi kpiagidi baa tua faliga bonla. Ba ke ku niligu yabi boncianla, yaala n sieni kan go yaa moani, li kan go yaa pia fuoma.»

Esayi 25:10

Kelima o Diedo nuu n maa li naa juali po.» Bi nugi Moabi ki bili o li buoli nni, Nani ban yen nugi ti muadi maama Ti bugidi buogu nni yeni.

Jeremi 25:15

O Diedo Isidayeli Tienu maadi nanda: «Tandi ki gaa n nuu nni ki naa tadiñokaaga yaaga n gbie leni li pabiencianli daama, ki teni min soani a yaa nibuoli kani kuli n ño ma.

Jeremi 25:17

N den gaa ki tadiñokaaga o Diedo nuu nni, ki ñuni o Diedo n den soani nni yaa nibuoli kani yeni kuli.

Jeremi 31:36

Yaa daali laa bonla lebidi, Landaale ke Isidayeli puoliŋuanu moko Kan go yaa tie n buolu. Mini o Diedo n yedi yeni.

Jeremi 33:24

«Naani ŋaa gba bi niba ne n maadi yaa maama? Bi tua: ‹O Diedo n den gandi yaa dieliediti, o ŋaa ti.› Yeni, bi fali n niba, bi yaa po wani, baa go tie nibuolu moko.

Jeremi 46:28

Fini Jakob, n naacemo, Da jie liba, o Diedo n yedi yeni. N ye leni a, ki baa bolini i nibuoli kuli, Min den yadi yi yaaba yaa siiga yeni. Ama fini wani, n kan bolini a, N baa mabini a bebe, N kan ŋaa ŋa nani yua n ki pia tagili yeni.»

Jeremi 48:17

Yinba yaa nibuoli n gaani ki lindi o, Ki bani o bonŋanla yeni, Gedi mani ki faandi Moabi i kufaandi, Ki buali: ‹Li tieni lede ke u naa paalu, Yuu n pia ti kpiagidi kuli gbeni?›

Jeremi 48:42

Moabi baa bodi, o kaa go tie nibuolu, Kelima o fii ki sedi o Diedo po.

Jeremi 48:45

Hesibon soangu nni, Yaaba n sani ki coagi cua ki wuoni. Ama u mu ña Hesibon kani, U mu ñani Siyon dogu niinni. U juu Moabi kali Leni bi tugumoandanba yukuokuodi.

Jeremi 49:3

Hesibon, buudi kelima Ayi pua nufanu! Yinba yaaba n kaa ki kuu Raba, Kuudi mani! Yie mani li paboanli tiadi! Mua mani i kumoe, Ki ña ki yaa baali i bilini kunkuni, Kelima o bulo Milikom baa gedi ti yonbidi, Wani, o kopadicianba leni o koanbala kuli.

Jeremi 49:37

N baa teni Elami yaaba n jeli, Ki digibi banbani yibalinba leni yaaba n bua Ki ñani bi miana kuli nintuali. N baa teni fala n baa ba n pabienli nni. N baa teni bu toabu n ŋoadi ba Hali min bolini ba cain.

Mi Coadima 32:37

Rubeni buolu den maa yaa dogi n yi Hesibon, Eleyale, Kiriyatayim,