Jeremi 48:14 - U TIENU MAAMA TILI 2013

¹⁴ Yi baa tieni lede ki yedi ke yi tie jakoanda, Yaa toatieba n bogini bu toabu po?

Gourmanchéma Bible

¹⁴ Yi baa tieni lede yin yedi ke yi tie jakoanda, Yaa toatieba n bogini bu toabu po yeni?

Jeremi 48:14 Iomraidhean Croise

Pisomi 11:1

Bi yanyinba yudaano yani siiga yanbu, Davidi yanbu. N sani ki wuoni o Diedo kane. Yi baa gaa lede ki yedi nni: «Sani ki gedi a juana po, Nani ki nuanga yeni?»

Pisomi 33:16

Laa tie yaa toagoli n yabi ka, Baa faabi o bado bu toabu nni. Laa tie fidiciamu mo ka baa faabi o jakoando.

O Yanfuodaano 9:11

N go laa bonla boncianla mi tinfanma nni: Yaaba n jaligi ki cie, ka gaani yogunu kuli liiga mi nuama nni, a jakoanda mo ka paadi bu toabu nni yogunu kuli. Yaaba n pia mi yanfuoma ki cie, ka pia mi jiema, yaaba n fani ki cie, ka tie piada, a yanfuodanciama ka pia ti kpiagidi. Yaala n ŋani leni yaala n bia laadi bikuli,

Esayi 10:13

Kelima o tua: «N nuu yaa paalu n teni Ke n tieni min soani yaala kuli, N yanfuoma n teni ke n tieni lani kuli, Kelima n yama fo. N ŋmiagi i nibuoli dogi biankpaana, Ki kpabidi bi ŋalimano kuli, Ki fagi ba hali bonŋanla Nani o gbanmandaano yeni, Ki fiini yaaba n bi kaa ti gbandi po.

Esayi 10:16

Lani n teni ke o Diedo, Li Miali Diedo U Paaciamu Kuli Daano, Baa soani ku dondongu Asiiri jabunbuna po. O go baa soani bi bulicinba siiga U mu wun yaa co ki juu ba.

Esayi 16:6

Juda yaaba yedi: «Ti gbadi Moabi japaadi maama, Yaa japaadi n ki pia bianu, O jigidi leni o japaadi, O kafaama leni o yantiafana maama.

Jeremi 49:16

Ŋan jigini a yuli maama Leni a kafaama boandi a. Fini yua n ye ti tanlondi nni Leni mu joabimu tanpoli, A yaa tieni a tiali ke li kpedi Nani jiebani yeni, N baa tudi ki lu ŋa tiipo.» Mini o Diedo n yedi yeni.

Jeremi 8:8

Yi gaa lede ki yedi: «Ti tie yanfuodanbe, O Diedo bali maama ye leni tinbe?» Mi faama po yo ke a tidianla fii, Ki baa diani leni bi tuofaa-tidianmuani.

Jeremi 9:23

Yua n bua ki jigini o yuli, N jigini o yuli kelima o pia mi yanfuoma ki bani nni, Ki bani ke n tie Li Miali Diedo, Yua n tiendi mi ŋanma, Ki ja yaa buudi n tiegi, Ki tiendi yaala n tiegi ki tinga nni. Min bua yaala n yeni.» Mini o Diedo n yedi yeni.

Esekieli 30:6

O Diedo yedi mi naa maama: «Ki cili Migidoli dogu ki ban tuoni Hali Siyeni dogu, Yaaba n todi Ejipiti diema yeni, Baa kpe bu toabu nni. Ejipiti yaaba paalu japaadi kuli baa gbeni. Li Miali Diedo U Tienu n yedi yeni.

Sofoni 2:10

Laa bonla baa baa ba kelima bi japaadi po Leni ban den fiagi Li Miali Diedo, U Paaciamu Kuli Daano niba maama po.