Jeremi 48:12 - U TIENU MAAMA TILI 2013

¹² Lani n teni ke o Diedo yedi ke a dana kpendi, ke o baa soani bi niba, ban kuodi ki lebidi ma. Bi baa baadi man ye yaa boba kuli yaa niinni, ki mudi a.

Gourmanchéma Bible

¹² Lani n teni ke Li Miali Diedo yedi ke a dana kpendi ke o baa soani bi niba n kuodi ki lebidi ma. Bi baa baadi man ye yaa boba kuli yaa niinni ki mudi ŋa.

Jeremi 48:12 Iomraidhean Croise

Pisomi 2:9

A baa mudi ba leni ti kudi gbiamu, A baa mudi ba yomi yomi, Nani o maado bobili yeni.»

Esayi 16:2

Moabi puoba se Arinoni kpenu kane, Nani ban deli yaa nuanga yeni, Bi nani ban pua ki fidi yaa noantediga Ke mu nuanmu puagi yeni.

Esayi 30:14

Li tie yene ke o maado cuali Baa mudi yomi yomi, Ke bi kan le yaala n sieni, Ki buali ba cianciaga yaaga N baa padi u mu u fanu nni.»

Jeremi 14:3

Bi paatieba tuuni taliginba u kpenu po, Ke ban ban luuni mi ñima. Bi fii ki gedi a caana po, baa ban baa ñima. Bi guani denpo leni bi cuakuoma, I fe leni i tagili cuo ba ke bi libini bi yula.

Jeremi 19:10

A baa mudi li cuali yaaba n yegi leni a nintuali, ki yedi ba:

Jeremi 25:34

Bi yankpaaba, mua mani ki yaa kuudi! Yinba a yangola yankpaaba, Baa mani tiipo ki bilini ki lebidi lebidi, Kelima ban baa kodi yi, Ki go yadi yadi yi yaa daali yeni cua. Yi baa baa ki mudi nani a boba yeni.

Jeremi 25:9

n baa soani ban yini nujienu po yaa niba kuli leni Nebukanesa Babilonni bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain, lan tua gbanankpiendi leni ñuali bonla. Likani mo baa tua diegbengu yaa yogunu kuli po.

Jeremi 48:11

O Diedo yedi: «Moabi den ye leni mi yanduanma Hali o panma nni. O den li kaa kaanyendu yo, Bi naa den gedini o yonbidi kaanuba. Waa den yagini o yama bonliba kuli po, Nani yaa daama n baani yeni. Bi naa den taa ma ki kuodi ki lebidi tiatoagu nni, Maa lebidi, mi li baa ki tie yenme. Baa mi nuulu moko naa lebidi.

Jeremi 48:13

I fe baa cuo Moabi yaaba bi bulo Kemosi po, nani yin den cuo Isidayeli yaaba bi bulo yua n den ye Beteli po maama, ban den dugi wani yua yaa po yeni.

Jeremi 48:15

Yua n baa bolini Moabi diema cua, Ki baa mi dogi. Moabi nipanba tua yankodikaadi. Yaa bado n yi Li Miali Diedo U Paaciamu Kuli Daano n yedi yeni.

Jeremi 48:38

Moabi diedi yula kuli po leni mu daamu nni kuli, bi muandi mi kuuma, kelima n mudi Moabi nani ban kaa go bua yaa bobili yeni. O Diedo n yedi yeni.

Jeremi 48:8

O bolindo baa kua dogu nni kuli, Doguba kuli kan cia. Ku joaloangu baa bodi, U tialu mo n bodi. O Diedo n yedi yeni.

Nahumi 2:2

Yinba Ninivi yaaba, bi baa baa yi bu toabu. Guudi mani yi kaanpaali! Guudi mani yi dogi sani bonŋanla! Bogini mani bu toabu po! Paagi mani yi pala!