Jeremi 45:1 - U TIENU MAAMA TILI 2013

¹ Josiasi bijua Joakimi Juda bado bali binnaali, o saawalipualo Jeremi den maadi ke Neriya bijua Baruki dangi. O den yedi:

Gourmanchéma Bible

¹ Josiasi bijua Yeojakimi Juda bado bali binnaali binli o sawalipualo Jelemi den maadi ke Neliya bijua Baluki dangi. O den yedi:

Jeremi 45:1 Iomraidhean Croise

2 Bi Badiba 24:1

Joakimi bali yogunu, Babilonni bado Nebukanesa den baa Juda diema. O den paadi Joakimi ki diedi o binataa. Ama Joakimi den yie ke Babilonni bado kan go yaa die o.

2 Bi Badiba Jama 36:5

Joakimi den dini li bali ki pia piilie n binamuu. O den kali ti gbandi po piiga n binyenli Jerusalemi nni. O den tieni yaala n bia o Diedo o Tienu po.

Jeremi 25:1

Juda bado Joakimi, Josiasi bijua bali binnaali binli, Jeremi n den gaa yaa maama U Tienu kani Juda buolu kuli po nne. Li den tie Babilonni bado Nebukanesa bali binkpiali yo.

Jeremi 26:1

Joakimi, Josiasi bijua Juda bado n dini li bali yaa yogunu, o Diedo den maadi leni Jeremi yaa maama n tie ne, ki yedi:

Jeremi 32:12

N den taa mi kuadima ŋantaaditili yeni ki teni Neriya bijua Baruki, Maseya bijua, n yiado bijua Anameeli nunbu nni leni siedi yaaba moko n den diani li ŋantaaditili yeni nintuali leni Jufinba yaaba n den ye li kpaadidieli luolu nni kuli nintuali.

Jeremi 32:16

Min den teni Baruki Neriya bijua mi kuadima ŋantaaditili, n den jaandi ki mia o Diedo, ki yedi:

Jeremi 36:1

Juda bado Joakimi, Josiasi bijua bali binnaali nni, o Diedo den maadi leni Jeremi ki yedi:

Jeremi 36:2

«Taa li tigbabikaali ki diani min maadi a yaa maama Isidayeli, Juda leni i nibuoli po, ki cili hali min kpa maadi leni a yaa daali Josiasi yogunu, ki ban pundi hali dinla.

Jeremi 36:26

O bado den soani o bijua Yerameeli leni Seraya Asiriyeli bijua leni Selemia Abideeli bijua, ke ban cuo o tidianlo Baruki leni o saawalipualo Jeremi. Ama o Diedo den wuoni ba.

Jeremi 36:32

Jeremi den taa tigbabikatoali ki teni Neriya bijua Baruki. O tidianlo Baruki den diani Jeremi n den maadi o yaa maama, ke mi den ye Juda bado Joakimi n den juu yaa tili yeni niinni kuli. Mi maama boncianla yaama n naani leni ma go den pugini.

Jeremi 36:4

Jeremi den yini Neriya bijua Baruki, ki maadi ke o dangi li tigbabikaali nni, o Diedo n den waani wani Jeremi yaa maama kuli.

Jeremi 45:2

«O Diedo Isidayeli Tienu maadi Baruki po yaa maama n tie ne.

Jeremi 46:2

U Tienu n den maadi yaa maama Ejipiti diema po, mi bado Faraon Neko leni o toagoli po. Wani Ejipiti bado yeni den ye u kpenciamu Efrati kani Karikemisi dogu nni, Babilonni bado Nebukanesa n den cua ki pua ki paadi o yaa yogunu. Li den tie Juda bado Josiasi bijua Joakimi bijua bali binnaali binle.

Jeremi 51:59

Sedesiasi bali binnaali, o bado guudikaaba yudaano Seraya leni wani Juda bado Sedesiasi, n den caa Babilonni yaa yogunu, o saawalipualo Jeremi den soani ba u tondu.

Danieli 1:1

Juda diema bado Joakimi bali bintaali, Babilonni bado Nebukanesa, den cua leni o toatieba ki baa Juda diema dociamu Jerusalemi bu toabu. Bi den gaani ki cebini u ki guu.