Jeremi 44:25 - U TIENU MAAMA TILI 2013

²⁵ Li Miali Diedo U Paaciamu Kuli Daano, Isidayeli Tienu yedi: ‹Yinba leni yi puoba maadi leni yi ñoana ki tieni leni yi nii yin yedi yaala, ke yi bua ki kuani yin bili yaa ñoanianu, ki juu a dugibila tanpoli badipua po, ki go cabi o po. Lanwani, yi baa kubi ki go tieni yin niani o yaala.›

Gourmanchéma Bible

²⁵ Li Miali Diedo U Paaciamu Kuli Daano, Isalele Tienu yedi mine: ‹Yinba leni yi puoba maadi leni yi ñoana ki tieni leni yi nii yin yedi yaala, ti bua ki kuani tin bili yaa ñoanianu, ki padi a dugibila tanpoli badipua po ki go cabi opo. Lanwani yi baa kubi ki go tieni yin niani o yaala.›

Jeremi 44:25 Iomraidhean Croise

Jobi 34:22

Laa pia yaa biigili Bi yaa kuuma jinjingu n baa fidi Ki tua kaanpaalu bi nibiadiba po o nintuali.

Esayi 28:15

Yi tua: «Ti danli leni mi kuuma, Ti bili mi mabilikaama leni bi tinkpiba diema. Yaa yebiadima n kpendi yaa cua Mi kan nandi ti, Kelima mi faama n tie ti wuonkaanu, I boandi mo n tie tin yen sani ki deni naani.»

Jeremi 32:29

Babilonni yaaba, yaaba n baa u dogu ne baa kua u niinni, ki juu u u mu. Bi baa juu ban juugi a dugibila yaa diena po, o bulo Baali po, ki go cabini butoe po, ki biidi n pali.

Esekieli 20:39

Yinba Isidayeli buolu, o Diedo U Tienu yedi mi naa maama: «Gedi mani, yuakuli n ban kpiagi o buli. Ama lani yaa pendi, n baa bandi yi yaa kan cengi n maama. Lanwani, yi kan go joagini n yeli yaali n gagidi ki ŋani leni yin kpendinni yaa paabu i buli po yeni.

Matie 14:9

O bado pali den biidi, ama kelima wan den poli yaa poli bi nitaankaaba siiga yeni po, o den yedi ke ban teni o jafaano yeni Jan yuli.

Jude 1:13

Bi doagidi bi tuona ya n pia i fe, nani mi ñincianma ñinguona n lengidi ki lu ti ñinpunpudi li boanjaali po maama yeni. Bi go tie nani yaa ŋmabila n yaadi yeni. U Tienu bili bi po ke bi kaanu baa yaa ye li biigicianli nni, hali yaa yogunu kuli.