Jeremi 43:6 - U TIENU MAAMA TILI 2013

⁶ Lani, tie: li jaba, li puoba, li bila, o bado bisiaba leni Nebusaradani, badidiegu guudo n den ŋaa yaa niba kuli leni Ahikami bijua Gedalia, Safani yaabili. Bi den taa o saawalipualo Jeremi leni Neriya bijua Baruki moko.

Gourmanchéma Bible

⁶ Lan den tie li jaba leni li puoba, li bila, o bado bisiaba leni Nebusaladani, badidiegu guudo n den ŋa yaa niba kuli leni Ahikami bijua Gedalia, Safani yaabili. Bi den taa o sawalipualo Jelemi leni Neliya bijua Baluki moko.

Jeremi 43:6 Iomraidhean Croise

Jeremi 38:22

‹Bi baa gedini Juda bado diegu nni puoba, yaaba n sieni kuli Babilonni bado koanbala kani.› Lani, bi puoba yeni baa yedi: ‹A den teni ke yaaba n maadi leni a Mi yanduanma boandi a ki diedi a. A taana feli ti moamoadi nni, Ke bikuli sani ki yadi ki ŋaa ŋa.› »

Jeremi 39:10

Ama Nebusaradani badidiegu guudikaaba yudaano, den ŋaa u dogu nni luodipenpiena wani Juda diema nni. O den puni ba duven tiidi leni i kuani.

Jeremi 40:11

Juda yaaba, yaaba n den ye Moabi diema nni, Anmoni yaaba diema nni, Edomi diema nni leni dietoama nni kuli moko den gbadi ke Babilonni bado ŋaa Juda niba yaaba n sieni po u kaanu, ki den dini Ahikami bijua Gedalia, Safani yaabili li bali.

Jeremi 40:7

Bi toatieba yudanba yaaba n den ye ku muagu nni den gbadi bani leni bi niba, ke Babilonni bado dini li bali Ahikami bijua Gedalia, ki puogi o, ke wan yaa die bi jaba, bi puoba, a bila leni yaaba n tie luodipenpiena, ban n kaa den gedini yaaba ti yonbidi Babilonni diema nni.

Jeremi 41:10

Isimayeli den taa yaa niba n sieni Misipa dogu nni, ki gedini ba ti yonbidi. Lani n tie: o bado bisiaba leni yaaba n bi sieni Misipa Nebusaradani badidiegu guudikaaba yudaano n den piani Ahikami bijua Gedalia yaaba. Netania bijua Isimayeli den cuo ba ti yonbidi ki gedini ba. O den fii ki gedi Anmoni yaaba diema nni.

Jeremi 43:3

Ama li tie Neriya bijua Baruki n sedi ti po, ki tudi a ki bua ki teni tin kali Babilonni yaaba siiga ban kpa ti, bi ban gedini ti ti yonbidi Babilonni diema nni.»

Jeremi 45:1

Josiasi bijua Joakimi Juda bado bali binnaali, o saawalipualo Jeremi den maadi ke Neriya bijua Baruki dangi. O den yedi:

Jeremi 52:10

Babilonni bado den teni ke bi kodi Sedesiasi bijaba o nunbu nni. O go den teni ke bi kodi Juda koanbala kuli Livila dogu nni.

Jeremi Bubula 3:1

N tie yaa nilo n laa i fe Leni o Diedo pabienli gbiamu.

Jan n diani U Tienu Laabaaliŋamo maama 21:18

N waani a i moamoani, ŋan den tie jawaalo, a den yie ki ñagindi fini a ba a gbanñagidigu, ki caa ŋan bua naani. Ama a yaa podi, a baa tandi a nii nitoa n ñagini a po, ki gedini a ŋan kaa bua naani.»