Jeremi 40:10 - U TIENU MAAMA TILI 2013

¹⁰ N baa yaa ye Misipa ki guu Babilonni yaaba, yaaba n baa cua ti kani. Yinba wani, yin ban ñani duven tiidi bonluonkaala leni yaa bonluonkaala n pugidi leni mi kpama ki tieni likuli yi tiadi nni. Yaa ye mani yin baa guani ki kali yaa dogi nni.»

Gourmanchéma Bible

¹⁰ Diidi mani, n baa yaa ye Mitisipa ki yaa guu Babilona yaaba, yaaba n baa cua tikani. Yinba wani, yin ban ñani duven tiidi bonluonkaala, leni yaa bonluonkaala n pugidi, leni mi kpama ki tieni likuli yi tiadi nni. Yaa ye mani yin baa goa ki kali yaa dogi nni.»

Jeremi 40:10 Iomraidhean Croise

2 Samueli 16:1

Davidi n den pendi li juali yuli po waamu, Mefiboseti naacemo Tisiba den tuogi o ki pia ŋunbilie, ke bi paani ba i dafieli ke bi tugi dupen kobilie, duven tiidi bonluonkaala bonfiidi kobiga, a kankankuoma bonkona kobiga leni duven dayuayengu.

1 Bi Badiba 10:8

Li pamanli ye leni a puoba, a naacenba leni yaaba n ye a nintuali yogunu kuli ki gba a yanfuomaama.

Mi Kpanjama 22:29

A yaa laa yaa nilo n bani o tuonli bonŋanla, O baa yaa tuuni bi badiba po, O kan yaa tuuni nifanba po ka.

Mi Kpanjama 27:25

Ce a kuanu muadi li muabunli baa pudi, Lin pudi yaa yogunu mo, Ŋan yaa ban ce a juana po yaa muadi.

Esayi 16:9

Lani n teni ke n baa mua Sibima duven tiidi po, Nani Yaeseli n mua maama yeni. N baa mua yinba Hesibon leni Eleale yaaba po, Kelima yi jetaagu yogunu yo, Ke bu toabu cua ki baa yi.

Jeremi 35:19

lani yaa po, Li Miali Diedo U Paaciamu Kuli Daano, Isidayeli Tienu yedi ke Rekabi bijua Yonadabi, kan luo yaa puoliŋuani n baa yaa ye ne, n nintuali daali kuli.› Lani n tie o Diedo Isidayeli Tienu n yedi yaala.»

Jeremi 39:10

Ama Nebusaradani badidiegu guudikaaba yudaano, den ŋaa u dogu nni luodipenpiena wani Juda diema nni. O den puni ba duven tiidi leni i kuani.

Jeremi 40:12

Juda yaaba leni yaaba den yadi yadi ki ye poto kuli, den guani ki cua Misipa dogu nni, Juda diema nni, Gedalia kani. Bi den sobidi duven tiidi leni yaa tiidi n pugidi yaa bonluonkaala, kelima laa binli i tiidi kuli den loni hali ke li kandi.

Jeremi 40:6

Jeremi den gedi Ahikami bijua Gedalia po Misipa dogu nni, ki ban ye leni o, yaa niba n den ye mi diema nni siiga.

Jeremi 43:5

Lani, Kalea bijua Yohanani leni bi toatieba yudanba, den taa yaa niba n sieni Juda diema nni leni yaaba n den sani ki kua buotoe nni, ki go den guani ki baa kali Juda diema nni kuli.

Jeremi 48:32

N mua Sibima duven tiidi kuanu po, Ki cie min mua Yaeseli yaaba po maama. A beni den tandi ki pendi mi Ñincianyaama, Ki ban pundi Yaeseli ñincianma. O bolindo gedi ki baa a kpaandi Leni a duventiidi bonluonkaala.

Mise 7:1

Ŋain, n tie nani yaa nilo n fii Ki baa n cie o tiidi bonluonkaala u jetaagu yogunu yeni. Ama wan ban pundi waa laa wan baa ŋmani yaala. Waa laa o yama n bi ye yaa kankankpiala nni, Ba bonyenli bu tibu po.

Luki 21:36

Lani yaa po, yin yaa guu, ki yaa jaandi U Tienu yaa yogunu kuli, ke yin fidi ki ña yaa bonla n baa cua kuli nni, ki sedi o Joa Bijua nintuali.»

Mi Tiadima 1:38

Nun bijua Josue, a todika yeni, wani n baa kua mi niinni. Paagi o gbanu, kelima wani n baa teni Isidayeli yaaba n baa ki je laa diema faali.»

Mi Tiadima 16:13

Musa den yedi: «Yi baa jaani a suga jaanma hali danalele, yaa yogunu, ke yi yaa taani yi kpaandi yi jali nni leni yi datuodikaani kani.