Jeremi 4:2 - U TIENU MAAMA TILI 2013

² A yaa poli hali Li Miali Diedo yua n fo po, Ke li tie moamoani, papienli leni teginma nni, Lanwani, i nilanbuoli baa yaa gaaliti biyaba o yaa yeli nni, Ki go diidi wane ki jigini bi yula.»

Gourmanchéma Bible

² A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Jeremi 4:2 Iomraidhean Croise

Mi cilima 22:18

Ŋanduna nibuoli kuli baa baa li seli kelima a yaabila po, kelima a den tuo ki cengi n nialu.› »

1 Bi Badiba 3:6

Salomon den guani ki yedi: «A den ŋanbi a naacemo n baa Davidi po ŋanbicianmoanli, kelima o den cuoni a nintuali leni i moamoani, mi teginma leni yaa pali n tiegi a po. A den kubi o po laa ŋanbicianli, ki puni o bonjaga yua n kaa o bali gbandi po dinla.

Pisomi 72:17

Teni o bado yeli n yaa ye yogunu kuli, Ki waagi ki ye mi tinfanma nni! Bi niba baa yaa taagi o yeli ki gaaliti biyaba. I nibuoli kuli n taani ki yedi: «Li pamanli ye leni o bado yeni.»

Pisomi 99:4

Ban pagi a paalu, Fini o bado yua n bua yaa bujiali n tiegi. Fini n bili ti miali yema n baa yaa cuoni maama, Fini n bili Jakob buolu po, Yaa bujiali n tiegi leni mi teginma.

Esayi 45:23

N poli leni n yuli, Ke i moamoani mo ña n ñoabu nni. Yaa maama n tie ne mo kan lebidi: «Dunli kuli baa gbaani n nintuali. Lanbu mo kuli baa poli n yeli nni.»

Esayi 45:25

Isidayeli yaaba puoliŋuani kuli Baa baa o Diedo kani mi teginma leni ti kpiagidi.

Esayi 65:16

Yua n bua ki baa li seli mi diema nni kuli, Baa mia li i Moamoani Tienu kane. Yua n baa poli mi diema nni kuli, Baa taa i Moamoani Tienu yele ki poli, Kelima bi baa sundi li paboanli po, Li baa yaa wuo n nuni po.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi, I nibuoli kan fidi ki sedi o pabiencianli nintuali.

Jeremi 12:15

Ama n yaa ŋabi ba yaa yogunu, se mi ninñima n guani ki cuo nni bikuli yendo yendo po, min goa ki guani ba yuakuli o tinga nni, yuakuli o diema nni.

Jeremi 12:16

Bi yaa bangi n niba sani, bi yaa poli n yeli nni ki yedi: «Li Miali Diedo fo!» Nani ban bangi n niba ke bi polini o bulo Baali yeli nni maama yeni, lanwani, bi baa guani ki kali n niba siiga.

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 3:17

Lanyogunu bi baa yaa yi Jerusalemi, “O Diedo bali kalikaanu.” I nilanbuoli kuli baa sani Ki cua Jerusalemi dogu yeni niinni, O Diedo yeli nni. Bi kan go baa ki ŋua bi pajuaga sanyuogidi.

Jeremi 33:9

U naa dogu baa tua n po pamanli leni jigidi bonla, ki tinga nibuoli kuli siiga. Laa nibuoli yaa gbadi min tieni bi po yaa ŋanma, li baa paki ba bi gbani n jeli, kelima mi yemanma leni min baa pa ba yaa baali kuli yaa po.»

Jeremi 5:2

Ba bi yaa yedi: «O Diedo fo!» Bi polini faama bebe.

Jeremi 7:5

Li yaa tie ke yi lebidi yi tagi leni yi tuada i moamoani, ki tieni bi niba kuli po, nani lan pundi maama,

Jeremi 9:24

O Diedo n yedi ke a dana kpendi, Ki yedi ke o baa fii ki sedi Yaaba n ki lebidi bi pala yeni po.

Ose Tili 2:19

N baa ñani o ñoabu nni Baali yela. Bi kan go tiadi ba o yela mo.

Joeli 2:12

Moala o Diedo go yedi: ‹Lebidi mani ki cua n kani leni yi pala kuli. Loli mani bu ñoabu, buudi mani li paboanli moe.

Sakari 8:8

N baa ñani ba lipo, Ban kpeni ki kali Jerusalemi. Bi baa yaa tie n niba, Nmo baa yaa tie bi Tienu, N baa yaa die ba, Ki gobidi ba i moamoani leni mi teginma nni.»

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

1 Korenti 1:31

Lanwani, nani lan diani maama: «Yua n bua ki jigini o yuli, Wan jigini o yuli o Diedo nni.»

2 Korenti 10:17

Lanwani, nani lan diani maama: «Yua n baa jigini o yuli, wan jigini o yuli, o Diedo nni.»

Galati 3:8

I Diani nni li den tuodi ki waani ke U Tienu baa saa bi nilanba po moamoani kelima bi dandanli po. Lani yaa po, o den tuodi ki waani Abalahama yaa laabaaliŋamo n tie ne: «I nibuoli kuli baa li seli kelima a yaa po.»

Mi Tiadima 10:20

Yi baa fangi Li Miali Diedo yi Tienu, ki yaa kpiagidi o, ki kuani yi yama o niinni, ki go yaa polini o yeli nni.

Mi Tiadima 4:30

Laa bonla kuli yaa tieni yi, ke yi ye li paboanli nni yaa yogunu, yi baa lebidi ki guani o Diedo yi Tienu kani, ki cengi o nialu.

Mi Tiadima 6:13

Yi baa yaa fangi Li Miali Diedo yi Tienu, ki yaa kpiagidi o, ki go yaa polini o yaa yeli nni.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Ruti 3:13

Ŋan duani ne hali lan faa. Saala, o yaa sua ke o bua ki taa ŋa ki kubi a nani lan bili ke o pia u sanu ki taa ŋa maama, wan taa ŋa. O yàá bua mo, hali o Diedo yua n fo po, mini wani n baa taa ŋa ki kubi a. Duani hali lan faa.»

1 Samueli 20:3

Davidi den poli ki yedi: «A baa bani cain ke a pali mani n po, ke o jagi o yama nni ki yedi: ‹Jonatan n da bandi laa bonla ke lan da ti biidi o pali?› Ama i moamoani hali o Diedo po leni a yaa po kuli, mini leni mi kuuma ki foagi.»