Jeremi 36:3 - U TIENU MAAMA TILI 2013

³ Yeni, li fidi ke Juda yaaba n fangi min jagi ki baa tieni ba yaa bonbiadila kuli, ki ŋaa bi tuadibiada. Bi yaa tieni yeni, n baa pa ba sugili bi tagili leni bi tuonbiadi po.»

Gourmanchéma Bible

³ Li fidi ke Juda yaaba n faami min jagi ki baa tieni ba yaa bonbiadila kuli. Lani n tie yua kuli n ŋa o tuadibiada. Yeni, n baa tieni bipo sugili bi tagili leni bi *tuonbiadi po.»

Jeremi 36:3 Iomraidhean Croise

Nehemi 1:9

Ama yi yaa lebidi ki guani n kani ki go kubi n bali maama, ki tiendi man yedi yaala mo, lanwani ba bi yaa gedini yi ti yonbidi hali ŋanduna bianu, n baa ñani yi lipo ki taani yi, ki guani yi min den gandi yaa kaanu nni, ki bili ke bi baa yaa kpiagidi nni likani yeni.›

Pisomi 139:24

Diidi ki le n yaa ŋua u sangolimu, Ŋan pegidi nni min ŋoadi yaa sanu N tiegi ki ye hali yaa yogunu kuli.

Esayi 6:10

Teni bi naa niba pala n juagi, Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da gaa liba. Lani n tie ban da lebidi bi pala, Min paagi ba.

Jeremi 18:11

Maadi moala leni Juda yaaba leni Jerusalemi yaaba, ki yedi ba: o Diedo yedi: ‹Diidi n bogidi yi po mi yebiadima. N pia min jagi yi po yaala. Guani ki lebidi mani yi sanyuogidi. Lebidi mani yi tagi.›

Jeremi 18:8

Ama laa niba yaa cedi bi biadima, n yen lebidi n yama leni min bi jagi ke n baa waani ba yaa fala.

Jeremi 23:14

Ama Jerusalemi saawalipuaba kani, N laa yaa bonla n gundi hali boncianla. Bi pia mi conconma, Ki cuoni i boandi nni. Bi paagidi yaaba n tiendi mi biadima pala, Hali yaala ke oba kan ŋaa o biadima. N nuni po, bikuli tie nani Sodomi yeni, Ke Jerusalemi niba mo nani Gomori yeni.»

Jeremi 24:7

Bi yaa guani n kani leni bi pala kuli, n baa pa ba mi yanfuoma, ki teni ban bandi ke n tie Li Miali Diedo. Bi baa yaa tie n niba, nmo baa yaa tie bi Tienu.»

Jeremi 26:3

Daalinba bi baa cengi, yuakuli n ŋaa o sanjagimu. Yeni, n baa lebidi min jagi ke n baa tieni ba yaa bonbiadila, kelima bi tuongunda po.

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 36:7

Daalinba, bi sugilimiabu baa pundi o Diedo nintuali. Bi siiga yuakuli n ŋaa o tuadibiada, kelima o Diedo pabienli n kandi maama po. O pali fii hali boncianla bi naa niba po.»

Esekieli 12:3

Lani yaa po, bogini a tiadi nani ban cuo ki caani yua ti yonbidi u yensiinu yeni. Ŋan ña ke bikuli nua, nani ban cuo yua ti yonbidi ki caani o kaanto yeni. Daalinba li baa todi ba, ban bandi ke bi tie niyiekaaba buolu yo.

Esekieli 18:23

Mini o Diedo U Tienu yedi: ‹Naani n bua o nibiado kuuma yo? Min sugini yaala tie wan lebidi o tagu ki yaa ye ki fo.›

Sofoni 2:3

Yinba, ki tinga yumiindanba kuli, Lingi mani o Diedo, Yinba yaaba n tuo ki baa yaa ŋua O ñoamabonbilikaana! Yaa cuoni mani leni mi teginma, Yaa cuoni mani leni li yumiinli, Wani U Tienu nintuali. Li fidi ke yi baa ciadi, O Diedo pabienli daali.

Matie 13:15

Kelima bi naa niba pala tua pajuaga. Bi biini bi tuba ki ŋubini bi nuni, Ke ban da le leni bi nuni, Ki da gbadi leni bi tuba, Ki da gaa leni bi pala, Ke ban da ti lebidi bi pala min paagi ba.›

Marki 4:12

Yeni bi baa yaa nua leni bi nuni, Ki nan da le bi yama nni. Bi baa yaa cengi leni bi tuba, Ki nan kan bandi liba. Lani n tie ke ban da lebidi bi pala, Ki guani U Tienu kani, Ki baa bi tuonbiadi sugili.»

Luki 20:13

O koadaano den yedi o yuli: ‹N baa tieni lede? Moala, n ji baa soani n bijabuadige. Daalinba, bi baa fangi wani wani.›

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

Jesu Tondiba Tuona 26:20

N den kpa wangi Damasi yaaba, ki yuandi ki wangi Jerusalemi yaaba leni Jude diema nni yaaba kuli. N go den wangi bi nilanba moko, ke ban lebidi bi pala ki ŋoadi U Tienu, ki yaa tuuni yaa tuona n doagidi ke bi lebidi.

Jesu Tondiba Tuona 28:27

Kelima u nibuolu na niba pala juagi. Bi biini bi tuba ki go ŋubini bi nuni, Ke ban da ti le leni bi nuni, Ki da gbadi leni bi tuba, Ki da gaa bi pala nni, Ke ban da ti lebidi bi pala min paagi ba.»

Jesu Tondiba Tuona 3:19

Lani yaa po, yin lebidi yi yama ki daani U Tienu ke wan n ŋuudi ki ñani yi tuonbiadi.

Mi Tiadima 30:2

Yi yaa lebidi ki guani o Diedo yi Tienu kani, ki tuo o yedima leni yi pala kuli leni yi yama kuli, yinba leni yi bijaba kuli nani min bili yi po maama dinla,

Mi Tiadima 30:8

Lanwani, yinba, yi baa guani ki tuo o Diedo yi Tienu yedima, ki yaa tiendi min teni yi yaa bali maama dinla ne kuli n yedi yaala.

Mi Tiadima 5:29

Bi pala yaa bi baa fidi ki yaa tie yeni yogunu kuli, ke bi fangi nni, ki kubi n bali maama kuli, n baa teni bani leni bi bila kuli n yaa ye leni li pamanli yaa yogunu kuli!

2 Pieri 3:9

O Diedo baa kuani o ñoanianu moala, ba ke bi nitianba nua ke o waagidi. Li tie ke o pia yi po li juunle, kaa bua ba niyendo n bodi, ama ke bi niba kuli n lebidi bi pala.

1 Samueli 7:3

Samueli den yedi Isidayeli yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo Asitate leni bi nilanba n ŋua yaa buli kuli. Yin ŋoadi mani Li Miali Diedo leni yi pala kuli, ki yaa tuuni wani bebe yaa po. Lani, o baa faabi yi Filisiti yaaba nuu nni.»