Jeremi 33:9 - U TIENU MAAMA TILI 2013

⁹ U naa dogu baa tua n po pamanli leni jigidi bonla, ki tinga nibuoli kuli siiga. Laa nibuoli yaa gbadi min tieni bi po yaa ŋanma, li baa paki ba bi gbani n jeli, kelima mi yemanma leni min baa pa ba yaa baali kuli yaa po.»

Gourmanchéma Bible

⁹ Diidi u naa dogu baa tua npo pamanli leni jigidi bonla, Ki tinga nibuoli kuli siiga. Laa nibuoli gbadi min tieni ba yaa ŋanma. Li baa paki ba bi gbani n jeli kelima mi yemanma Leni min baa pa ba yaa baali kuli yaa po.»

Jeremi 33:9 Iomraidhean Croise

2 Bi Badiba Jama 20:29

Yaa dielanma yaa niba n den gbadi ke o Diedo den pua Isidayeli yaaba yibalinba kuli, ti jawaanciandi den cuo ba o Diedo po.

Nehemi 6:16

Ti yibalinba n den gbadi, yaa diema n den lindi ti kuli den jie boncianla ki tuo ke li tuonli den soani, kelima U Tienu yanbuama po.

Esiteri 8:17

O bado bali maama leni o ñoamabonli yeni n den pundi yaa diebiga leni yaa dociamu kuli nni, Jufinba den ye leni li pamancianli, ki tieni mi jaanma leni mi jaanjiema. Yaa nibuoli n den ye mi diema nni kuli siiga, bi niba boncianla den lebidi ki tua Jufinba, kelima bi den jie Jufinba boncianla.

Pisomi 130:4

Ama sugili ye fini yaa kane. Lani n teni ke li pundi ban fangi a.

Pisomi 40:3

O faabi nni leni mi kuuma buogu. O ñani nni ti moamoadi nni, Ki sieni nni ku tangu po, Ki teni ke n ŋmaa ki bugini.

Esayi 43:21

Min tagi ki go tieni yaa niba n yuli po yeni, Bi baa yaa kpaani ki pagi nni.»

Esayi 55:13

Sipre tiidi n baa pudi ki gaa A kongoaba kaanu, Militi mo n baa pudi ki gaa I konkoni kaanu. Lani kuli baa teni o Diedo yeli n ña. Li baa yaa tie yaa bontiadikaala N kan bodi hali yaa yogunu kuli.

Esayi 60:5

Mi ñincianma nni ŋalimano guani ki cua a kani, Mi nilandiema piama moko baa cua a yaa kane. Laa bonla lema baa mangi a pali hali boncianla, Ki teni a pali n yaa pua libilibi kelima li pamanli po.

Esayi 62:1

N kan yaa ŋmini kelima fini Siyon po. N kan yaa kaa suo mo kelima fini Jerusalemi po. Hali a teginma n baa yendi Nani mi yenma, A faabima mo n yaa naani Leni yaa mukaanu n co yeni.

Esayi 62:12

Bi baa yini ba: “Yaa niba n gagidi ki ŋani, O Diedo n daa ki faabi yaaba.” Ki yini a mo: “Ban lingi yua, Ban ki ŋaa yaa dogu.”

Esayi 62:4

Bi kan go yini a: “Ban luni yua.” Bi kan go yini a tinga mo: “Diegbenbuoli.” Ama bi baa yaa yi ŋa: “O tie n pamanli.” Ki yini a tinga mo: “O puocaano,” Kelima o Diedo baa kuani o pamanli a niinni, A tinga mo n tua nani yua n kuni ti cadi yeni.

Esayi 62:7

Yimo n da pa o fuodima, Hali wan guani ki fiini Jerusalemi, Ki teni wan tua ti pagidi bonla ki tinga nni.

Esayi 64:2

Ŋan den tiendi tin kaa den daani Yaa bancianma yaa yogunu, A yen jiidi a joaciama n yaa begibi a nintuali.

Jeremi 13:11

O Diedo yedi: ‹Moamoani, nani ban yen ñagini ku gbanñagidigu ki ciaga nni maama yeni, nmoko den taa Isidayeli leni Juda yaaba kuli, ke ban tua n niba, n yeli, n pagidi leni n jilima. Ama bi naa cengi nni.› »

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 24:6

N baa diidi ba leni ki nunmanga, ki go teni ban guani mi naa diema nni. N baa maa ba, n kan mudi ba. N baa ŋuu ba, n kan ŋabi ba abada.

Jeremi 26:6

Lanwani, n baa soani ku naa diegu nani min soani Silo yaa tuonli yeni. N baa teni ku naa diegu n tua ti solindi bonla ki tinga nibuoli kuli po.› »

Jeremi 29:1

Diidi mani o saawalipualo Jeremi n den ye Jerusalemi, ki diani yaa tili ban den gedini yaa nikpela ti yonbidi, bani bi kopadicianba, bi saawalipuaba leni Nebukanesa n den ñani yaa niba Jerusalemi kuli, ki gedini Babilonni diema nni.

Jeremi 3:17

Lanyogunu bi baa yaa yi Jerusalemi, “O Diedo bali kalikaanu.” I nilanbuoli kuli baa sani Ki cua Jerusalemi dogu yeni niinni, O Diedo yeli nni. Bi kan go baa ki ŋua bi pajuaga sanyuogidi.

Jeremi 3:19

N den yedi n yuli: «N sugini hali bonŋanla fine n tua N bijaba kuli liiga yua. N baa pa ŋa yaa diema n mani hali boncianla, Yaa tinga n ŋani ki cie mu tinmu kuli.» N den tama ke a baa yini nni: «N baa!» Ki kan go buli nni a nunga mo.

Jeremi 31:14

N baa guoni bi kopadicianba leni mi yankpama. N niba baa baa n piama lan dagidi ba. Mini o Diedo n yedi yeni.»

Jeremi 31:4

Yinba n niba Isidayeli yaaba, N baa guani ki mangi yi yema! Yi baa ña leni mu lonmu, Ki taani leni yaaba n jeli ki mangidi bi pala.

Jeremi 32:42

O Diedo yedi nanda: «Min tieni maama ki teni ke mi yebiadima ŋmaa bi niba ne yeni, n baa tieni yene ki guani ba min niani ba yaa ŋanma kuli.

Jeremi 33:14

O Diedo yedi: «A dana kpendi ke n baa tieni Juda leni Isidayeli yaaba po, min den niani ba yaa ñoanianu yeni.

Jeremi 4:2

A yaa poli hali Li Miali Diedo yua n fo po, Ke li tie moamoani, papienli leni teginma nni, Lanwani, i nilanbuoli baa yaa gaaliti biyaba o yaa yeli nni, Ki go diidi wane ki jigini bi yula.»

Jeremi 44:8

Yi biidi n pali leni yi bontienkaala, kelima yi juugi a dugibila Ejipiti diema tieni po, yin cua ki wuoni naankani. Naani yi bua ban bolini yi, yin tua ti solindi leni fe bonla ki tinga nibuoli kuli siiga yo?

Jeremi 49:25

Li tieni lede ke bi ŋaa Damasi dogu, Yuu yaa yeli n den ñani Ki tie n pamanli yeni?

Esekieli 26:20

N baa jiini a leni yaaba n ji ku buoñuangu nni, bani yaaba n den kpa ye hali yogu yeni po. N baa teni ŋan yaa ye ki tinga tiipo, nani yaa bolinma n kan gbeni yeni leni yaaba n ji ku buoñuangu nni, ke niloba n da go faa ki yaa ye a tinfanma po. A kan go fidi ki do ki yaa ye yaaba n fo n ye yaa tinfanma nni.

Esekieli 36:35

Bi baa yedi: ‹Ban den ŋaa yaa diema li paboanli nni yeni, guani ki tua nani Edeni kuanu yeni. Yaa dogi n den wudi ki ye li paboanli nni yeni, go baa u fidu ki go gbie leni bi niba.›

Esekieli 39:13

Mi diema niba kuli baa piini ba. Li baa ñani bi yela, min baa doagidi n kpiagidi yaa daali. Mini o Diedo, U Tienu n yedi yeni.

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Sakari 1:17

Maleki go den yedi nni, ke min waani yaa maama n tie ne: «Li Miali Diedo U Paaciamu Kuli Daano yedi ke o dogi go baa gbie mi piama. O baa baagi Siyon yaaba, ki go guani ki gandi Jerusalemi.»

Sakari 12:2

«N baa teni Jerusalemi yaaba n tua nani yaa tadiñokaaga n gbie leni yaa duven n tie n pabienli. Yaa nilanbuoli n lindi ba baa ño laa duven bi nunmu n fuuni. Li baa tua yene Juda yaaba moko yaa po, yibalinba n lindi ki cebini ki baa Jerusalemi yaa yogunu.

Mi Tiadima 30:5

O Diedo yi Tienu baa teni yin guani yi baanba n den die yaa diema nni, ke yimo n go diedi ma. O baa tieni yi mi ŋanma, ki teni yin yabidi ki cie yi baanba.