Jeremi 32:19 - U TIENU MAAMA TILI 2013

¹⁹ A yanjagili yabi, a bontienkaala mo ki pia lie. A nuni ŋubidi ki nua bi nisaaliba tuada kuli, ki baa pa yuakuli o tuona panpaani.

Gourmanchéma Bible

¹⁹ A yanjagili yaba a bontienkaala mo ki pia lie. A nuni kuli ŋubidi ki nua bi nisaaliba tuada kuli ki baa pa yua kuli o tuona panpaani.

Jeremi 32:19 Iomraidhean Croise

1 Bi Badiba 8:32

fini yua n ye hali tanpoli, ŋan jagi ki jia ti buudi a naacenba po, ki cuo i tagili daano ki teni o tagili n guani ki baa o yuli po, ki saa o niteginka po moamoani ki guani o mo nani o teginma n tie maama.

2 Bi Badiba Jama 16:9

O Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ŋan soani nani o yanluodaano yeni, dinla liiga, a kan go luo toabu.»

Jobi 34:11

O guandi o nisaalo nani o tuona n tie maama. O pa yuakuli o panpaani nani o tagu n tie maama.

Jobi 34:21

U Tienu diidi ki kpaagi o nisaalo tuada, Ki nua o taayaagima kuli.

Pisomi 111:2

O Diedo bontienkaala yabi Hali ke yaaba n mangidi Bi pala a po lingi a.

Pisomi 34:15

Foagidi leni mi biadima Ki yaa tiendi yaala n ŋani. Lingi mi yanduanma, ki yaa ŋua ma.

Pisomi 62:12

Yenma ka ke n gbadi U Tienu kani Yaa maama n tie ne: «Mini n tie u Paalu Daano.»

Pisomi 92:6

O Diedo, a bontienkaala yabi lede nne! A yantiana mo ki pia bandi-gbenma lede nne!

Mi Ñama 15:11

Li Miali Diedo, i tieni kuli siiga, Ŋme n baa fidi ki niagi leni a? Ŋme ye ki naani leni fini yua yaa gagidiŋanma n ki pia lie? Li pundi ban jie ŋa, ki go pagi fini yua n tiendi mi bancianma.

Mi Kpanjama 5:21

O Diedo nua nilo kuli bontienkaala. Ŋan tagi yaa sanu kuli, o nua.

Mi Kpanjama 8:14

Mini n die i tundi leni li kpaagili. N tie mi yanfuoma, mini n go die u paalu.

O Yanfuodaano 12:14

U Tienu baa jia ti bontienkaala kuli buudi, ba yaala n wuo, li yaa ŋani leni li yaa bia kuli.

Esayi 28:29

Laa bonla moko ñani Li Miali Diedo U Paaciamu Kuli Daano kane. O tundi ŋani kaa pia lie. O banma mo yabi hali boncianla.

Esayi 40:13

Ŋme n bili o Diedo Fuoma po u bianu, Ki waani o wan jagi yaala?

Esayi 59:18

O baa pa yuakuli o tuona panpaani. O baa wuli o pabienli o koanginkaaba po, Ki faligi o yibalinba nani lan dagidinni maama, Ki go pa a kpendega yaaba bi tuona panpaani.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Jeremi 16:17

Kelima n nuni diidi ban tiendi yaala kuli. Bi tuona naa duagi n nuni po, n nua bi tagili kuli mo.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Jeremi 21:14

N baa fii ki yie yi po. Nani yi bontienkaala n tie maama, N baa juu yi sediri tiidi fuali, Yaa fantama n baa juu yaala n gaani Ki lindi li kuli. O Diedo n yedi yeni.»

Jeremi 23:24

Naani o nilo pia wan baa wuoni naani ke n kan le o? O Diedo n yedi yeni. Naani mii gbieni ki tinga leni tanpoli kuli?» O Diedo n yedi yeni.

Jeremi 25:14

Yaa nibuoli n pia u paalu leni bi badicianba baa cuo ba ti yonbidi. N baa pa bani moko bi panpaani, ki ŋoadi bi tuona n tie maama.»

Danieli 2:45

Ŋan den laa yaa tanli, ke li ñani li juali po ke nisaalo nuu ki lugidi li, ke li pua ki mudi mudi ti kuboandi, ti kudi, ku yoagu, ŋanjilifa leni wula yeni, waani lane. U Tienu yua n die u paalu kuli, waani a yaala n baa ti faa ki cua yo. Ti dangidi yeni waani moamoani, tama mo kuli ki ye ti bundima nni.»

Sakari 9:1

O Diedo mayedikaama nne: O Diedo maama pundi Hadilaki diema, Mi pendi ki ban pundi hali Damasi dogu, Kelima o naa die Isidayeli buoli bebe ka, O die bi nisaaliba kule.

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Jan n diani U Tienu Laabaaliŋamo maama 5:29

ki ña bi takula nni. Yaaba n den tieni yaala n ŋani baa fii ki yaa fo, yaaba n den tieni yaala n bia baa fii ban jia ba ti buudi ki cuo ba.

2 Korenti 5:10

Li tie tiladi ke tikuli n sedi Kilisiti bujiali kaanu kani, ke yuakuli n gaa wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Efesa 1:11

Li tie wani Kilisiti yaa niinne, ke U Tienu tieni li bonla kuli nani wan den kpa jagi ki bili maama. O den gandi ki gagidi ti, ke ti tua o yaaba.

Hebilunba 4:13

Tagimiba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.

Mi Doagidima 22:12

Jesu yedi: «Diidi, n cuama kan go waagi. N baa cua leni n panpaani, ki pa yuakuli nani o tuona n tie maama.