Jeremi 32:10 - U TIENU MAAMA TILI 2013

¹⁰ N den baa li tili ki diani ti ŋantaadi maama, ki baa siedinba ki biigi i ligi yeni kpiagu li bonbiigikaala nni.

Gourmanchéma Bible

¹⁰ N den baa li tili ki diani ti *ŋantaado maama ki baa siedinba ki biigi i ligi yeni kpiagu li *bonbiigikaala nni.

Jeremi 32:10 Iomraidhean Croise

Mi cilima 23:16

Abalahama den gbadi Efiron maama, ki biigi Efiron po wan den maadi yaa ligi bianu Hititi bijaba nintuali, ke li tie kujapiena kobinaa nani ki daaga yaa dunga n tie maama.

Mi cilima 23:20

U kuanu leni yaa tanlongu n ye likani den tie Abalahama yaa yaala, a takula kaanu po, wan den daa yuu Hititi bijaba kani.

Jobi 14:17

A baa loli n tagili kuli ku kpalipiagu nni, Ki go wuoni n tuonbiadi mo.

I Yani 8:6

Bua nni leni a pali kuli, Da paadi leni nni abada, Kelima mi buama pia u fidu Nani mi kuuma yeni. Li nunponli mo pa nani bi tinkpiba diema yeni. Li tie nani yaa mu n co, Ki pua nani ki taaga yeni.

Esayi 30:8

Cua moala ki diani laa bonla Bi nintuali i tanpabi po, Diani laa bonla kuli li tili nni, Lani n tie lan waagi ki ye hali li juodidaali, Yaa yogu n tuu yaa yogu po.

Esayi 44:5

One baa yedi: ‹N tie Li Miali Diedo yua yo.› One mo n yedi ke wani leni Jakob n taa yeli. Toa mo baa badi o nuu po i be ki yedi Ke o Diedo n die o, Isidayeli yeli mo baa yaa tie o po kpiagide.»

Jeremi 32:12

N den taa mi kuadima ŋantaaditili yeni ki teni Neriya bijua Baruki, Maseya bijua, n yiado bijua Anameeli nunbu nni leni siedi yaaba moko n den diani li ŋantaaditili yeni nintuali leni Jufinba yaaba n den ye li kpaadidieli luolu nni kuli nintuali.

Jeremi 32:25

Ba leni lani kuli, fini o Diedo U Tienu n yedi nni: ‹Baa i ligi ki lingi siedinba, ki daa u kuanu.› Bi luni ki diani u dogu Babilonni yaaba nuu nni.»

Jeremi 32:44

Bi baa daa i kuani yeni leni i ligi, ki diani li tili mi daama yogunu. Bi baa tieni a mi maalima, ki lingi siedinba Benjamen diema nni, Jerusalemi dogu lindima, Juda dogi nni, a juana dogi nni, Sefela dogi nni leni Nuganu dogi nni, kelima n baa teni bi yonbi n kpeni.› Mini o Diedo n yedi yeni.»

Danieli 8:26

Ŋan laa ke bi maadi yaa tiŋaadi leni yaa yenjuadi maama li bonlekaala nni yeni, tie moamoani. Ama ŋan yaa kubi li bonlekaala yeni lan yaa tie ŋasiili, kelima li maadi yaa yogunu n ye hali liiga yaa po yo.

Matie 27:66

Bi den gedi li takuli po ki tieni ku tanpabigu yeni po yaa maalima ke o nilo yaa biidi bi baa bandi, ki sieni bi guudikaaba.

Jan n diani U Tienu Laabaaliŋamo maama 3:33

Die yua n dugi o siedi po, saa i moamoani, ke U Tienu tie moamoandaano.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O Joa Bijua n baa pa yi laa jiema kelima Baa U Tienu n tieni o po o maalima.»

2 Korenti 1:22

ki tieni ti po o maalima, ki go puuni ti o Fuoma, ke mi ye ti pala nni ki tie nani i kpaaligi yeni.

Efesa 1:13

Yimoko n den gbadi i moamoani maama, lani n tie o Laabaaliŋamo yua n cuani yi po mi tindima, yi den tuo ki daani Kilisiti. O yaa niinni, U Tienu den tieni yi po mi maalima, lani n tie U Tienu Fuoma Yua, wan den niani u ñoanianu ke o baa pa yi yua.

Efesa 4:30

Yin da biidi mani U Tienu Fuoma Yua pali, wani yua n tie yi po mi maalima, ki doagidi ke yi daafaabima daali kpendi.

Mi Tiadima 32:34

Naani lani kuli ki wuo n yaa kani, Ki luo ki bili n ŋalimankaanu ka?

Josue 18:9

Bi jaba yeni den gedi ki ban gaani mi diema kuli nni. Bi den diani ki boagidi ma kaanilele, ki waani kaanu kuli n tie maama leni yaa dogi n ye ye lienni. Li yaa puoli, bi den guani ki cua Silo, Josue kani li nagili nni.

Mi Doagidima 7:2

N go den laa malekitoa ke o yugi ki ñani u yienu n pudi naanpo. O den kubi U Tienu yua n fo yaa maalima, ki kpaani ki maadi leni bi malekinaadiba, yaaba n den baa li bali ki baa waani ki tinga leni mi ñincianma fala, ki yedi:

Mi Doagidima 9:4

Bi den yie i po ke yin da sii ti muadi, ti kpinfaadi leni tibuba kuli, kali yaa niba n ki pia U Tienu maalima bi yutuna po.

Ruti 4:1

Boasi den gedi ki ban kali u dogu buliñoabu kani, ban ja ti buudi naani. Noemi calo Elimeleki kpiilo, Boasi n den maadi yua yaa maama den tagini ki baa pendi likani. Boasi den yedi o: «Fini ŋmeŋme, cua ki kali ne.» O den cua ki kali.