Jeremi 30:5 - U TIENU MAAMA TILI 2013

⁵ Wani o Diedo yedi nanda: «Min gba yaa fuugu yeni naa tie yanduanma fuugu ka. Li tie jawaanciandi yaa fuugu yo.

Gourmanchéma Bible

⁵ Wani Li Miali Diedo yedi nanda: «Min gba yaa fuugu yeni naa tie yanduanma fuugu ka. Li tie jawaanciandi yaa fuugu yo.

Jeremi 30:5 Iomraidhean Croise

Esayi 5:30

Landaali ku fuugu baa tieni Mi diema nni bi po, Nani mi ñincianma yaa fuugu yeni. Bi baa diidi mi diema nni Ki sua biigili leni paboanli bebe. Ku tawabiigu baa teni mi yenma n kpandi biigili.

Esayi 59:11

Tikuli duni nani ki fuayanbiadiga ursi yeni. Ti bunbidi yogunu kuli mo Nani mu kpaajiemu yeni. Ti bi sugini yaa bujiali n tiegi, Ama tii baa puu kuli. Ti bi sugini mi faabima, Ama mi foagi leni ti.

Jeremi 12:12

Mi fanpienma sani nni kuli, Yaaba n bua ki bolini kpendi na. O Diedo jugisiega bolindi mi diema, Ki cili kaliyendu, ki ban puodi u kaliyuu. Yanduanma ki ye oba kuli po.

Jeremi 25:36

Gbadi mani bi yankpaaba n mua maama, Yaaba n gobidi ti yandi n kuudi maama, Kelima o Diedo pua ki biidi bi yankpaakaanu.

Jeremi 30:4

Diidi mani o Diedo n maadi yaa maama Isidayeli leni Juda po.

Jeremi 46:5

Be n tieni? N nua be mo nne? Bi jigi kuli cie ke bi sudi puoli po. Bi pua ki guli bi jakoanda. Moala wani yua n tadi yua n pa jige! Oba kuli ki go tiini ki gbegidi ki nua! Ti jawaandi bebe n ye i kaani kuli. O Diedo n yedi yeni.

Jeremi 6:22

O Diedo yedi mi naa maama: «Diidi yaa nibuolu n tie ne ñani nujienu diema po. Nibuociamu ñani hali u tinbianu po ki kpendi.

Jeremi 6:26

N niba, yie mani li paboanli tiadi, Bili ki lebidi mani mi fantanpienma nni, Mua mani boncianla, Nani bonjayenyenga kuuma yeni, Kelima yua n cua ki baa bolini yeni, ludi ti.

Jeremi 8:16

Bi gba i taami dunli hali Dan diema nni, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni, U dogu leni yaaba n ye u niinni.»

Jeremi 8:19

Cengi mani n niba ñiindi, Yii n ña hali foagima: «Naani o Diedo ki go ye Siyon? Naani u dogu ki go pia bado? Be yaa po yo ke bi biidi n pali leni bi buli, Yaa bonyuogidi n tie nibuotoe yaa bonla?»

Jeremi 9:19

Bi puoba, cengi mani o Diedo maama, Yi tuba mo n gbadi o ñoabu n yedi yaala. Bangi mani yi bisiaba, Ban baa yaa mua ki figindi maama. Bangi mani yiyaba i wanli n wanli maama,

Amosi 8:10

N baa lebidi yi badi dana, ŋan tua paboanli dana, Ki lebidi yi yani kuli mo, yin tua kumoe. N baa teni bi niba kuli n la li paboanli tiadi, Ki doagidi bi paboanli. N baa kuo ba yubima, Ki teni li paboanli n cuo mi diema yaaba kuli, Nani bonjayenga kuuma yeni. Landaali cilima hali li juodima baa yaa tie paboanli daali.»

Habakuki 1:10

Bi fali bi badiba ki ñuadi a koanbala. Laa pia kuli yaa dogu yaa bilinciamu n baa sieni ba. Bi yen dogini mi tama ki kandi ki kua, Ki baa i dogi ki diedi yi yendu yendu.

Habakuki 1:6

N baa teni Kalide yaaba n baa u paalu, Bani yaa nibuolu n bia kaa gba ninñima yeni. Bi baa goadi mi tinfanma nni, Ki fie ban kaa die yaa tinmu.