Jeremi 30:2 - U TIENU MAAMA TILI 2013

² «Mini o Diedo Isidayeli Tienu n puogi a ŋan diani li tili nni, min yedi a yaa maama kuli.

Gourmanchéma Bible

² «Mini Li Miali Diedo Isalele Tienu n puogi a ŋan diani li tili nni min yedi a yaa maama kuli.

Jeremi 30:2 Iomraidhean Croise

Mi Ñama 17:14

O Diedo den yedi Musa: «Diani lani kuli li tili nni, ke yin yaa kubi laa bonla tiadima. Go waani Josue mine: N baa teni ke bi kan go tiadi Amaleki yaaba po ki tinga nni kuli abada.»

Esayi 30:8

Cua moala ki diani laa bonla Bi nintuali i tanpabi po, Diani laa bonla kuli li tili nni, Lani n tie lan waagi ki ye hali li juodidaali, Yaa yogu n tuu yaa yogu po.

Esayi 8:1

O Diedo den yedi nni: «Taa yaa tanpabu n yabi ki diani lipo yaa maama n tie ne: ‹Jaligi ki fie, jaligi ki fagi.› »

Jeremi 25:13

N baa teni min den tuodi ki pua saawali ki yedi ke yaala n baa baa mi naa diema kuli n tieni. Yaala n diani li naa tili nni leni Jeremi n den kpa pua yaa saawalibiado i nibuoli kuli po mo baa kua.

Jeremi 30:1

O Diedo den maadi leni Jeremi yaa maama n tie ne:

Jeremi 36:28

«Guani ki baa tigbabikatoali. Ŋan guani ki diani yaa maama n den ye Juda bado Joakimi n den juu yaa tili yeni niinni kuli.»

Jeremi 36:32

Jeremi den taa tigbabikatoali ki teni Neriya bijua Baruki. O tidianlo Baruki den diani Jeremi n den maadi o yaa maama, ke mi den ye Juda bado Joakimi n den juu yaa tili yeni niinni kuli. Mi maama boncianla yaama n naani leni ma go den pugini.

Danieli 12:4

Fini Danieli, ŋan kubi mi maama yeni, lan yaa tie ŋasiili, ŋan da doagidi li tili yeni n yedi yaala, hali mi juodima yogunu n pundi. Li yogunu bi niba boncianla baa cogi li bi bancianma n pugini.

LOMA YAABA 15:4

Yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi po, tin fidi ki baa mi suginma.

1 Korenti 10:11

Laa bonla kuli den baa bi po, ki baa yaa tie bi niba kuli po li bonbangikaala. U Tienu den teni ke likuli diani ki baa yaa tie ti po, tinba yaaba n ye ŋanduna juodima dana siiga po tundi.

Mi Tiadima 31:19

Moala, yin diani bu naa yanbu. Bangi bu Isidayeli yaaba, kuani bu bi ñoana nni, ke laa yanbu n tua siedi mini leni Isidayeli yaaba siiga.

2 Pieri 1:21

kelima saawali maamiba kuli ki den tieni o nisaalo yanbuama po. Ama, U Tienu Fuoma Yua n den tudi ba ke bi maadi U Tienu n yedi yaala.

Mi Doagidima 1:11

U den tua: «Ŋan baa le yaala, ŋan diani la li tili nni ki soani Kilisiti Nitaanleleeda ya n ye Efesi, Simirini, Perigami, Tiatiri, Saridi, Filadelifi leni Laodise dogi nni kuli po.»

Mi Doagidima 1:19

Lanwani, ŋan diani ŋan laa yaala, yaala n ye moala leni yaala n baa ti yuandi ki cua.