Jeremi 30:12 - U TIENU MAAMA TILI 2013

¹² O Diedo maadi mine: «A yebiadima ki pia lebidima, A nali mo ki pia ñoagu.

Gourmanchéma Bible

¹² Li Miali Diedo maadi mine: «A yebiadima ki pia lebidima A nali koani boncianla.

Jeremi 30:12 Iomraidhean Croise

2 Bi Badiba Jama 36:16

Ama bi den ñuadi U Tienu tonda, ki fali bi maama, ki sugi o saawalipuaba, hali ke o Diedo pali den fii o niba po maama, ke laa go pia sugili.

Jeremi 14:17

Yedi ba yaa maama n tie ne: «N mua ku ñiagu leni u yensiinu ki naa cedi, Kelima u nufanu pua n niba. Laa yebiadima pa hali boncianla.

Jeremi 14:19

Naani a luni ki diani Juda cain yo? Naani a pali kuli fa Siyon po yo? Be yaa po yo ke a pua ti, Ke gaapo naa ye ti po? Ti bi daani mi yanduanma, Ama bonŋanliba kuli ki ye. Ti den daani laafia, Ama ti jawaandi bebe n cua ki taani ti!

Jeremi 15:18

Be n teni ke n fala ki pia gbenma? Be n teni ke n nali mo kan soangi? Be n teni ke n buu li ke li naa soangidi? Naani a li baa yaa baa ki boandi nni, Nani ku boankuongu yene?

Jeremi 30:15

Be yaa po yo ke a kaliti Yaa bonla n biidi kuli po Leni a tonu yuu n ki pia ñoagu po? Li tie ke a tagili n kandi po yo, A tuonbiadi biadima po yo, Ke n tieni a laa bonla.

Jeremi 6:7

Nani ku ñinbuogu n kubi mi ñima maama, Laa dogu moko kubi u biadima yene. Tugumoangu leni bolinma bebe n ye u dogu yeni niinni. N li nua u niinni poagilima leni fala bebe.

Jeremi 8:22

Naani kpasogikaama ki ye Galaadi diema nni? Naani lotoli ki ye lipo? Be yaa po yo ke laafia naa go tiendi n niba po?

Jeremi Bubula 2:13

N go baa waani a be yaa nannanle? N baa biigi a leni be yo, Jerusalemi jafanŋamo? N baa baagi a lede, Siyon jafanŋamo? Kelima yaa yebiadima n ŋmaa ŋa Yabi ki pundi mi ñincianma. Ŋme n baa fidi ki paagi a?

Esekieli 37:11

O go den guani ki yedi nni: «Nisaalo biga, a nua yaa kpaba n tie ne, tie Isidayeli buoli yaaba kuli yo. Bi tua: ‹Ti kpaba kuodi, ti suginma bodi, timo bia n yeni!›

Ose Tili 5:13

Efrayimi buolu laa bi yianu, Juda buolu mo laa bi nala. Efrayimi buolu den soani a tonda Ki mia Asiiri badiciamo mi todima. Ama o bado yeni nan kan fidi ki paagi ba, O kan fidi bi nala n soangi.

Mise 1:9

Samari poagilima bia hali boncianla Ke bi kan fidi ki buu ma. Mi tandi ki pundi hali Juda diema po, Ki kua Jerusalemi, n niba n ye yaa dogu nni.

Nahumi 3:19

Yaa yema n ŋmaa yi yeni, gaapo ki ye, A poagilima yeni baa ñani a miali. Yaaba n gbadi a bolinma laabaalo kuli Pua ti nupodi ki mangi bi pala, Kelima a biadima naa den pia kuli man lagidi yua.