Jeremi 3:2 - U TIENU MAAMA TILI 2013

² Yaadi ki noanli a juana yula po, Naani a pia ŋan kaa cagini a yuli naani? A den kaa i sani nne ki guu a jaconcona, Nani Arabi nilo yua n ye mi fanpienma nni yeni. A joagini mi diema Leni a yanluoma leni a conconma.

Gourmanchéma Bible

² Yaadi ki noanli a juana yula po, Diidi mani, naani a pia naani ke ŋaa cagini a yuli? Bi den teni ke a kaa i sani nni Nani Alabi nibuolu n kaa mi fanpienma nni maama. A joagini mi diema Leni a cancagintuada leni a *conconma.

Jeremi 3:2 Iomraidhean Croise

Mi cilima 38:14

Lanwani, o den landi o kpepuotiadi, ki taa o kpalibu ki libini. O den kali Enayim dogu buliñoabu kani, yaabu n ye Timina sanu po, kelima o den laa ke Sela yabidi ki tua joa, ke bi naa den tuo ke o tua o pua.

1 Bi Badiba 11:3

O den taa badisiaba kobilele leni puonanbandi kobitaa. Bi den pegidi o yama.

2 Bi Badiba 23:13

O bado Josiasi den mudi yaa padibinbina n den ye Olivie tiidi juali ganu po, yaali n ye Jerusalemi puoli. Isidayeli diema bado Salomon n den maa laa padibinbina Sidon yaaba cancaginbulo Asitate po, Moabi yaaba cancaginbulo Kemosi po leni Anmoni yaaba bubiado Milikom po.

Pisomi 106:38

Bi den wuli yaaba n ki pia tagili soama, Ki taa bi bijaba leni bi bisiaba soama, Ki padi Kanana yaaba buli po. Lani, mi diema den joagini, Kelima mi soawulima po.

Mi Kpanjama 23:28

O yen dia ti dadi nani o sanjialo, Ki teni i janbi danba n pugini bi niba siiga.

Mi Kpanjama 7:11

O tulu den pa. O den tiendi o bonla kaa jie. O kan den fidi ki kali o diegu nni.

Jeremi 12:12

Mi fanpienma sani nni kuli, Yaaba n bua ki bolini kpendi na. O Diedo jugisiega bolindi mi diema, Ki cili kaliyendu, ki ban puodi u kaliyuu. Yanduanma ki ye oba kuli po.

Jeremi 2:20

Hali yogu, n den cie a landili, Ki cie a baabi yii n luo ŋa. Ama a yedi: «N bua ki diedi n yuli.» Die yaa juaga n kpedi kuli po Leni yaa tibu n bundi mo kuli tinga, A kpaagi ki duandi nani li puoconconli yeni.

Jeremi 2:23

A baa gaa lede ki yedi: «Mii joagini, Mii pia ŋantaadi leni o bulo Baali.» Diidi a taabuona ku joaloangu nni. Tuo ŋan tieni yaala, Fini ki yuoyuoñuaga yaaga n puagi ki lindi yeni!

Jeremi 2:7

N cuani yi i tiidi n dua yaa diema nni, Ke yin baa ki ŋmani yaa bonluonkaala n mani, Ama yi cua ki teni ke n diema joagini, Yi teni ke n faali diema Kpandi ki tua cagindi bonla.

Jeremi 3:1

O Diedo yedi: «O joa yaa ñani o pua, Ke o ñani o kani ki ban kuni jatoa, Naani laa joa go baa guani ki taa o pua yeni? O yaa guani taa o mo, Laa diema kan joagini cain te? Amo conbi leni a jaconcona boncianla, Ki nan go bua ki guani n kani. Mini o Diedo n yedi ke li kan tuo.

Jeremi 3:13

Ŋan li tuo a tagili bebe, Kelima a yiema kuli Taa ki sedi o Diedo a Tienu po yo. A den ŋoadi bi nilanba buli, Ki ban conbi yaa tibu n bundi kuli yaa tinga, Ki naa den cengi n nialu mo. O Diedo n yedi yeni.›

Jeremi 3:21

I moe fii ki loli i kaani kuli, Isidayeli yaaba n mua ki miadi, Kelima bi biidi bi sanu, Ki sundi o Diedo bi Tienu po.

Jeremi 3:9

O cancagintuada ya n ki wuo joagini mi diema. O cagini o yuli ki pugi ti daadi leni a tana.

Jeremi 7:29

Kuo ŋan den gagidi a yuli Ki bili yaa yudi yeni, ki ban lu. Gedi a juana yula po ki wanli, Kelima o Diedo fali, O yama mo sii yaa nifiima n biendi o pali Hali boncianla yeni po.›

Esekieli 16:16

A den yiedi a tiadi, tini yaadi n ñoalini ki ŋani, ki ŋanbidi a padibinbina ya n ye a juana po, ki ladi ki conbi ti po. Ŋan den tieni yaala yeni, li buolu daa bi tieni, ki kan go tieni mo.

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi, ki den padi bi pada lankani. Bi den bieni n pali leni ban den kpendinni likani yaa paabu, yaa padijuukaana leni ban den cabini yaa ñincaba kuli.

Ose Tili 2:5

Lani yaa ka, n baa yiedi o mubima, Ki ŋaa o o naa n mali o maama. N baa teni o diema n tua fanpienma, Ñima n ki ye yaa tinga nni. N baa teni wan kpe u ñuñuunu.

Luki 16:23

O den laadi fala bi tinkpiba n ye naankani. O den yaadi ki diidi hali foagima, ki ban laa Abalahama, ke Lasari ye o kani.

Mi Tiadima 12:2

Yin baa gedi ki diedi yaa diema yeni niba n kpiagidi bi tieni naankani, yin bolini likani cain. Yi baa bolini laa kaani, a juana leni a joabila po leni ban padi yaa tisoangidi kani kuli.