Jeremi 3:19 - U TIENU MAAMA TILI 2013

¹⁹ N den yedi n yuli: «N sugini hali bonŋanla fine n tua N bijaba kuli liiga yua. N baa pa ŋa yaa diema n mani hali boncianla, Yaa tinga n ŋani ki cie mu tinmu kuli.» N den tama ke a baa yini nni: «N baa!» Ki kan go buli nni a nunga mo.

Gourmanchéma Bible

¹⁹ N den buali n yuli: «N sugini hali bonŋanla fine n tua N bijaba siiga kuli liiga yua, Ki pa ŋa yaa diema n mani hali boncianla, Yaa tinga n ŋani ki cie mu tinmu kuli li ŋandunli nni.» N den tama ke a baa yini: «N baa!» Ki kan go buli nni a nunga mo.

Jeremi 3:19 Iomraidhean Croise

Pisomi 106:24

Bi den fali mi dieŋanma yeni, Ki naa den daani o Diedo n den yedi yaala.

Pisomi 16:6

Ban boagidi ki puni nni yaala ŋani boncianla, Min baa yaala mo ŋani bonŋanla.

Pisomi 89:26

N baa teni wan diedi, ki cili mi ñincianma, Ki yaa caa hali i kpenciami.

Mi Kpanjama 3:35

Ti kpiagidi n tie bi yanfuodanba biinu, Ama bi yanluodanba wani yaa biinu tie i fe yo.

Esayi 63:16

Fini n tie ti Baa, Abalahama wani ki bandi ti, Isidayeli mo ki bandi ti. Fini o Diedo, fini n tie ti Baa, Fini n tie ti Faabika yaa yogu n tuu yaa yogu.

Esayi 64:8

O Diedo, da bieni a pali hali lan pendi, Da tiani ti tuonbiadi po hali yaa yogunu kuli. Ama, diidi ki le, tikuli li tie a nibe!

Jeremi 12:10

Bi yankpaaba boncianla jugi n duventiidi kuanu, Bi ŋmaa ŋmaa n kuanu, Bi teni ke n koaŋamu kpandi ki tua fanpienma, Nilo n ki ye naani.

Jeremi 3:17

Lanyogunu bi baa yaa yi Jerusalemi, “O Diedo bali kalikaanu.” I nilanbuoli kuli baa sani Ki cua Jerusalemi dogu yeni niinni, O Diedo yeli nni. Bi kan go baa ki ŋua bi pajuaga sanyuogidi.

Jeremi 3:4

Lanwani, ŋan da go yini nni: «N Baa!» Ki da go yedi mo: «Fini n tie n bonwaama nni nidugika.»

Jeremi 31:20

Efrayimi tie n bibuadiga, Wani n tie n bigbabili. N kan fidi ki kan tiadi o po, Kelima n bua o. Mi ninñima pia nni o po. N li bua o moamoane. Mini o Diedo n yedi yeni.

Jeremi 31:9

Bi kpendi ki mua yo. N cangi ba leni i baagi Ki gobidi ba yaa ñima n puubi po. Bi ŋua sanyendu, Ban kan tuudi naankani. N tie Isidayeli yaaba po nani bibaa yeni. N bijakpelo mo n tie Efrayimi.»

Jeremi 33:9

U naa dogu baa tua n po pamanli leni jigidi bonla, ki tinga nibuoli kuli siiga. Laa nibuoli yaa gbadi min tieni bi po yaa ŋanma, li baa paki ba bi gbani n jeli, kelima mi yemanma leni min baa pa ba yaa baali kuli yaa po.»

Jeremi 5:7

Naani lani n baa teni min pa ŋa sugili? A bijaba ŋaa nni, Ki polini leni i buli. N den puni ba li jeeguoli ke bi fii ki conbi. Bi taagi ki kadi li puoconconli dieli nni.

Esekieli 20:6

Landaali n den yugidi n nuu ki poli, ke n baa ñani ba Ejipiti diema nni, ki gedini ba min den bili bi po yaa diema nni, mi naaŋanma leni ti siadi n dua yaa diema nni, yaa diema n ŋani ki cie mi diema kuli.

Danieli 11:16

O baa tieni wan bua maama, ke oba kuli kan yie o po. O baa kali yaa diema n ŋani ki cie mi diema kuli niinni, ki yaa bolindi yaala n baa o nuu nni kuli.

Danieli 11:41

O baa kua yaa diema n ŋani ki cie mi diema buoli kuli niinni. Bi niba boncianla baa kpe, ama Edomi, Moabi leni Anmoni yaaba yudanba baa cia.

Danieli 11:45

O baa tii o badigbandiena mi ñincianma leni yaa joagagidiŋanli n pia ti kpiagidi siiga. Lani, mi kuuma baa ludi o ke oba kuli kan todi o mo.»

Danieli 8:9

A yinnaada yeni niinni, yintoali den pudi yaali n wa ki cie akuli. Li den pugini li paalu boncianla, ki teli ganu po leni puoli po leni yaa diema n ŋani ki cie mi diema kuli yaa po.

Ose Tili 11:8

Efrayimi buolu, n baa bili yi le? Yinba Isidayeli yaaba, Naani n baa fidi ki ŋaa yi yi yibalinba nuu nni? Naani n baa fidi ki soani yi, Nani Adima leni Tiseboyimi yaaba yeni? N pali kuli biidi, Mi ninñima cuo nni yi po.

Galati 3:26

Kelima yikuli tua U Tienu bijaba kelima li dandanli Jesu Kilisiti nni yaa po.

Efesa 1:5

o den tuodi ki bili ke tin baa mu bimoanmu bali, kelima Jesu Kilisiti yaa po. O yanbuama leni o yanjagiŋanli yaa po yo, ke o den tieni yeni.

Mi Tiadima 14:1

Musa den yedi: «Yi tie o Diedo yi Tienu yaa bijabe. Kuuma yaa kpe, yin da jia yi baa, yin da koagidi yi yutuna mo.

Hebilunba 10:39

Tinba wani, tii tie yaaba n guani puoli, ki baa yuandi ki bodi siiga nni yaaba ka. Ama ti tie yaaba n daani ti naani tindima po.

1 Pieri 1:17

Yi yaa miadi U Tienu ki go yini o yi Baa, wani, waa tiendi gagidima bi niba siiga, ki ja yuakuli buudi nani o tuona n tie maama. Lani yaa po, yin yaa ye leni li fangili o nintuali yin ye ŋanduna nni ki tie canba yaa yogunu bianu kuli.