Jeremi 3:18 - U TIENU MAAMA TILI 2013

¹⁸ Laa dana yaa niinni, Juda leni Isidayeli diema yaaba Baa taani ki yegi ki ña nujienu diema po, Ki kpeni min puni yi baanba Yaa diema, man tua bi faali yeni nii nni.»

Gourmanchéma Bible

¹⁸ Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 3:18 Iomraidhean Croise

Mi cilima 12:7

O Diedo den doagidi Abalama kani ki yedi o: «N baa pa a puoliŋuani mi naa diema.» Lane Abalama den maa li padibinbinli o Diedo po, wani yua n den doagidi o po yeni.

Esayi 43:5

Da jie mani liba, kelima n ye leni yi. N baa ñani yi puoliŋuani puoli po ki guani yi, N baa yini ki taani yi nintuali po.

Esayi 43:6

N baa yedi nujienu po diema: ‹Guani ba!› Ki yedi nuganu po diema mo: ‹Da baa ki kubi ba!› Teni n bijaba n ña yaa diema N ye foagima ki kpeni, Ki ñani n bisiaba mo hali U tinbianu ki guani ba.

Jeremi 16:15

Ama bi baa yedi: ‹O Diedo fo, wani yua n ñani Isidayeli yaaba, nujienu po diema leni wan den yadi ba yaa diema nni kuli.› N baa guani ki cuani ba, min den puni bi baanba yaa diema nni yeni.»

Jeremi 23:8

Ama bi baa poli ki yedi: ‹Hali o Diedo yua n fo po, wani yua ñani ki go guani Isidayeli buolu, ban den ye nujienu diema po leni min den yadi ba yaa diema nni kuli.› Bi baa yaa kaa bi tinga nni.»

Jeremi 3:12

Gedi ki ban kpaani nujienu po, ki yedi: Isidayeli o yenyiedo, o Diedo yedi mi naa maama: ‹N kan go yaa pia a po nunbiadiga, Kelima n yama dingi. O Diedo n yedi yeni. N pali mo kan go waagi ki be a po yogunu kuli.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 31:8

N baa teni ban ña nujienu diema po. N baa taani ba hali u tinbianu, Bi siiga pia a juama leni a diama, Yaa puoba n punbi leni U maditugukoanu danba kuli. Li tie nitaancianli n lebidi ki guani nekanba.

Jeremi 50:20

Laa dana nni, o Diedo yedi: «Bi baa lingi Isidayeli tagili, Ama bi kan go le yi. Juda tuonbiadi mo, bi kan le ti, Kelima min sieni yaaba, N baa tieni bi po sugili.

Jeremi 50:4

Laa dana nni, o Diedo yedi Ke Isidayeli leni Juda yaaba Baa taani ki yegi ki lebidi ki guani. Bi baa yaa cuoni ki mua ki lingi O Diedo bi Tienu.

Jeremi 50:5

Bi baa buali Siyon sanu po. Bi baa pegidi ki teli lanpo. Bi baa cua ki fini o Diedo bonŋanla, Ki kuani leni o yaa ŋantaado n ki pia fidima, Ki kan gbeni mo hali abada!

Jeremi 7:7

lani, n baa cedi yin yaa ye u naa kaanu, min puni yi baanba yaa diema yaa yogu n tuu yaa yogu.

Esekieli 11:17

Ŋan go yedi ba daa: Li Miali Diedo U Tienu yedi yaala n tie ne: n baa taani yi, yin den ye yaa nilanbuoli siiga. N baa yini yi, yin den yadi yadi ki ye yaa dielanma nni, ki ñani yi lipo, ki go pa yi Isidayeli diema.›

Ose Tili 2:2

Lanwani, Juda yaaba leni Isidayeli yaaba go baa guani ki taani, Ki dini badiyendo. Bi baa diedi mi diema, Kelima Yisireyeli daali yeni baa tua dacianle.

Amosi 9:15

N go baa kaani ba bi diema nni. Yeni, n kan go teni bi yibalinba n ñani ba min den puni ba yaa diema nni. O Diedo, yi Tienu n yedi yeni.»

Sakari 10:6

N baa pa Juda yaaba u paalu, Ki faabi bani Isidayeli yaaba. N baa gbadi bi po mi ninñima, Ki lebidi ki guani ba bi deni. Bi baa yaa tie n po nani mii den kpa Yie ba ba yenma yeni, Kelima n tie o Diedo, bi Tienu. N baa gaa bi miabu.

Sakari 2:6

N den buali o: «A caa le?» O den guani ki yedi nni ke o caa ki baa n biigi Jerusalemi dogu foaginu leni u pianu.