Jeremi 27:22 - U TIENU MAAMA TILI 2013

²² ‹Bi baa gedini tikuli Babilonni, tin ban yaa ye lipo, hali yaa yogunu ke n baa mua ti po mi jama. O Diedo n yedi yeni. N baa gobidi ki guani ki kpeninni ti nekanba, yaa kaanu n tie ne.› » Lani n tie o Diedo n yedi yaala.

Gourmanchéma Bible

²² ‹Bi baa gedini tikuli Babilona, tin yaa ye lipo hali yaa yogunu ke n baa mua tipo mi jama. Li Miali Diedo n yedi yeni. N baa gobidi ki goa ki kpenni ti nekanba yaa kaanu n tie na.› » Lani n tie Li Miali Diedo n yedi yaala n yeni.

Jeremi 27:22 Iomraidhean Croise

2 Bi Badiba 25:13

Kalide yaaba den mudi ti kumoandi dasaana ya n den ye o Diedo diegu nni, ti ñinniditiadi tuankaani leni ti kumoandi ñintadiciangu, yaagu n den ye o Diedo diegu nni. Bi den gedini ti kumoandi yeni Babilonni.

2 Bi Badiba Jama 36:21

Lanwani, o Diedo n den teni ke o saawalipualo Jeremi maadi yaa maama yeni den tieni: «Bi baa ŋaa mi diema bina piilele, hali mi fuodima yogunu n gbeni, ki fidi ki biini ban ki den fidi ki ŋoadi ki kubi yaa fuodima yogini yeni.»

Esidirasi 1:11

Yaa tiadi n den tie wula leni ŋanjilifa kuli yaa coali den pundi tudamuu n kobinaa (5 400). Sesibatisadi leni o yonbilieba n den ña ti yonbidi ki baa kuni, o den taa laa tiadi kuli ki guani ti Jerusalemi.

Esidirasi 7:19

Tin den teni yaa tadimu a Tienu diegu tuonli po, ŋan gedini ki ban bili mu wani U Tienu diegu nni Jerusalemi po.

Esidirasi 7:9

O den fii Babilonni o ŋmakpialo dakpiali, ki ban pundi Jerusalemi o cimuulo dakpiali, kelima U Tienu den ye leni o, ki kubi o.

Mi Kpanjama 21:30

O nisaalo yama, o yanfuoma leni o kpaagili kuli, Kan fidi puu kuli o Diedo nintuali.

Jeremi 20:5

N baa taa u naa dogu niba n pia yaala, ban duoli ki baa yaala, ban pia yaala ke li tie bonmoanla leni Juda badiba ŋalimano kuli, ki teni bi yibalinba. Bi baa fagi, ki wodi likuli ki tugi ki gedini Babilonni.

Jeremi 27:21

Li Miali Diedo U Paaciamu Kuli Daano, Isidayeli Tienu n yedi yaa maama nne, yaala n tie yaa tiadi n sieni o Diedo diegu nni, Juda bado diegu nni leni Jerusalemi nni po:

Jeremi 27:7

I nibuoli kuli baa soani o po, o bijua po, o yaabili po, hali yaa yogunu ke yaa nibuoli n pa leni yaa badiba n pa ki cie o mo baa cua ki diedi o diema.

Jeremi 29:10

Ama mini o Diedo yedi: «Babilonni diedima yaa tuoni bina piilele, n baa cua ki todi yi, ki kuani yi po min den niani yi yaa ñoanianu. N baa ñani yi Babilonni ki guani yi Jerusalemi.

Jeremi 32:5

Babilonni bado baa gedini Sedesiasi Babilonni. O baa yaa ye lanpo hali min baa cua ki le o yaa yogunu. O Diedo n maadi leni yi. Yi yaa tieni bu toabu leni Babilonni yaaba, yi kan paadi ba.› »

Jeremi 34:2

O Diedo Isidayeli Tienu yedi: «Gedi ki ban yedi Sedesiasi Juda bado ke o Diedo yedi nanda: ‹N taa u naa dogu ki luni Babilonni bado nuu nni. O baa juu u u mu.

Jeremi 34:3

Amo kan ŋmadi o nuu nni. Bi baa cuo ŋa leni u paalu, ki teni o. A nuni baa le Babilonni bado nuni. Yi baa kadi nungbaananaa, wan maadi leni a ke soagindo ki ye. A baa gedi Babilonni.›

Jeremi 34:5

Ama a baa kpe leni mi yanduanma. Nani ban den juu tulale a baanba leni bi badikpeliba po maama, bi baa juu amoko yaa po yene.› Bi baa ŋanbi a kuuma ki mua ki yedi: ‹Ŋain ti canbaa ki go ye!› Mini o Diedo n yedi yeni.»

Danieli 5:23

A fiini a yuli, ki koani leni Tanpoli Diedo, ki teni ke bi cuani a kani yaa tadiñokaamu n den ye o diegu nni, ke yi ñuni mi daama mu niinni, fini leni a paatieba, a puoba leni a puoconcona. A pagi i buli yii n tie ŋanjilifa, wula, ti kumoandi, ti kuboandi, ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 9:2

ke li binli bindi, mini Danieli den cogi U Tienu maama tila. N den bandi ke Jerusalemi baa yaa tie diegbena ki pundi hali bina piilele, nani o Diedo n den waani o saawalipualo Jeremi maama.