Jeremi 27:14 - U TIENU MAAMA TILI 2013

¹⁴ Yin da cengi yaa saawalipuaba n tua yi: ‹Yin da soani Babilonni bado po!› Ban pua yi yaa saawalo yeni tie faame.

Gourmanchéma Bible

¹⁴ Yin da cengi yaa sawalipuaba n tua yi: ‹Yin da soani Babilona bado po!› Kelima ban pua yi yaa sawalo yeni tie faama.

Jeremi 27:14 Iomraidhean Croise

Jeremi 14:14

O Diedo den yedi nni: «Bi saawalipuaba pua faame n yeli nni. Mii soani ba, mii puogi ban yedi liba. Mii maadi leni ba mo. Bi pua faame ke bi laadi li bonla, bi tuonli li tie baayuadiidu leni buli ŋoadima. Bi taani bi pala nni boandi yo, ki pua yi po saawali.»

Jeremi 23:21

Mii soani laa saawalipuaba, Ke bi nan sani ki gedi. Mii maadi leni ba, Ke bi nan pua saawali.

Jeremi 23:25

N gbadi yaa saawalipuaba n pua mi faama n yeli nni ki tua: «N dangi! N dangi!»

Jeremi 28:15

O saawalipualo Jeremi den yedi o saawalipualo Anania: «Cengi Anania! O Diedo naa soani a, ke a nan pia bi naa niba ki boandi ki puuni ba li papaali.

Jeremi 37:19

Yi saawalipuaba yaaba n den pua saawali ki tua: ‹Babilonni bado kan cua ki baa yi, o kan cua ki baa mi diema yeni ye le?›

Jeremi 38:22

‹Bi baa gedini Juda bado diegu nni puoba, yaaba n sieni kuli Babilonni bado koanbala kani.› Lani, bi puoba yeni baa yedi: ‹A den teni ke yaaba n maadi leni a Mi yanduanma boandi a ki diedi a. A taana feli ti moamoadi nni, Ke bikuli sani ki yadi ki ŋaa ŋa.› »

Jeremi Bubula 2:14

A saawalipuaba baa a po li bonlekaala, Yaa bonlekaala n ki pia ñuadiba, Kaa pia fuomiba kuli mo. Baa kadi ki waani a tagili kuli cain, Ki baa ñani a ti yonbidi nni. Bi baa a po yaa bonlekaala n kaa mani, Ki go pia i boandi.

Mise 2:11

Yaa nibuolu n tie ne bua yaa nilo n tiini, Ki ŋua u faalu ki pua mi faama ki tua: ‹N baa maadi yi po duven maama Leni mi dabiadima yaa maama.›

Sakari 10:2

Diidi mani i buli n guandi yi Yaala kuli tie faama, A baabuula n doagidi yaala kuli Tie faama, Yaaba n bundi ti dangidi maadi mafanma, Ki baagidi yi fanma fanma. Lani n cedi ke bi niba puagi ki lindi Ki laadi fala nani yaa yankulu N ki pia kpaalo yeni.

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Filipi 3:2

Yin yaa fangi yi yula leni yaaba n tie nani i sangbanli leni bi tuonsoanbiadiba, yaaba n ñii ke ban kua ku koanciagu yeni.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.