Jeremi 24:7 - U TIENU MAAMA TILI 2013

⁷ Bi yaa guani n kani leni bi pala kuli, n baa pa ba mi yanfuoma, ki teni ban bandi ke n tie Li Miali Diedo. Bi baa yaa tie n niba, nmo baa yaa tie bi Tienu.»

Gourmanchéma Bible

⁷ N baa pa ba mi yanfuoma ki teni ban bandi ke n tie Li Miali Diedo. Bi baa yaa tie n niba, n mo baa yaa tie bi Tienu bi yaa guani n kani leni bi pala kuli.»

Jeremi 24:7 Iomraidhean Croise

2 Bi Badiba Jama 6:38

Bi yaa guani a kani leni bi pala kuli leni bi yantiana kuli, ban ye yaa diema nni ti yonbidi yeni, bi yaa diidi ŋan den puni bi yaajanba yaa diema, ŋan den gandi yaa dogu leni min maa a po yaa diegu ne po ki jaandi a,

Pisomi 119:2

Li pamanli ye leni yaaba n kubi o ñoamabonbilikaana, Ki lingi o leni bi pala kuli!

Esayi 51:16

N kuani n maama a ñoabu nni, Ki ŋoagini a leni n nuu soangu, Ki tandi ti tawadi, Ki bili ki tinga tanpuuli, Ki yedi Siyon yaaba: «Yinba n tie n niba.»

Jeremi 11:4

min den kuani yua leni yi baanba, min den ñani ba Ejipiti diema nni yaa daali, ban den ye yaa buaga nni. N den yedi ban cengi n nialu, ki tieni min yedi yaala kuli. Yeni yi baa tua n niba, nmo baa tua yi Tienu.

Jeremi 29:10

Ama mini o Diedo yedi: «Babilonni diedima yaa tuoni bina piilele, n baa cua ki todi yi, ki kuani yi po min den niani yi yaa ñoanianu. N baa ñani yi Babilonni ki guani yi Jerusalemi.

Jeremi 3:10

Ba leni lani kuli, o naataanpuoga Juda i janbi daano naa guani n kani leni o pali kuli, se faama bebe. O Diedo n yedi yeni.»

Jeremi 30:22

Yi baa tua n niba, nmo n tua yi Tienu.

Jeremi 7:23

Ama n den yedi ba yaa maama n tie ne: ‹Cengi mani n maama, n baa yaa tie yi Tienu, yimo n yaa tie n niba. Yaa cuoni mani, min yedi yin tagini yaa sani nni kuli, lani n tie yi yema n yaa mani yi po.›

Esekieli 11:17

Ŋan go yedi ba daa: Li Miali Diedo U Tienu yedi yaala n tie ne: n baa taani yi, yin den ye yaa nilanbuoli siiga. N baa yini yi, yin den yadi yadi ki ye yaa dielanma nni, ki ñani yi lipo, ki go pa yi Isidayeli diema.›

Esekieli 14:11

Yeni Isidayeli yaaba, kan go foagidi n kani ki yaadi. Bi kan go ban joagini bi yula leni bi biadima. Lani, bi baa yaa tie n niba, nmo baa yaa tie bi Tienu. Lani n tie mini o Diedo U Tienu n yedi yaala.»

Esekieli 16:62

N baa kuani o ŋantaado leni a. Yeni, a baa bandi ke n tie Li Miali Diedo.

Esekieli 37:23

Bi kan go joagini bi yula leni i buli padima, a cancagintuona leni bi biadima buoli kuli. N baa faabi ba ban den ye naankani kuli, ki tiendi ti tuonbiadi, ki ŋuudi ki ŋanbi ba. Bi baa yaa tie n niba, nmo baa yaa tie bi Tienu.

Esekieli 37:27

N baa yaa ye bi siiga ki yaa tie bi Tienu, ke bimo n yaa tie n niba.

Esekieli 39:22

Ki cili landaali ki yaa caa hali yaa yogunu n kpendi, Isidayeli buolu baa bandi ke n tie Li Miali Diedo bi Tienu.»

Ose Tili 2:22

N baa yaa tie yaa togibaa n kubi o ñoaniani, Yimo baa bandi mini o Diedo.»

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Sakari 8:8

N baa ñani ba lipo, Ban kpeni ki kali Jerusalemi. Bi baa yaa tie n niba, Nmo baa yaa tie bi Tienu, N baa yaa die ba, Ki gobidi ba i moamoani leni mi teginma nni.»

LOMA YAABA 6:17

Tin yaa tuondi U Tienu, kelima ba ke yi den kpa tie ti tuonbiadi yonbi, yi den tuo ki ŋoadi ban den bangi yi yaa bangima leni payenli.

Hebilunba 11:16

Die moamoani bi den kuani bi yama ki bua ki pundi yaa dogu n ŋani ki cie, wuni tanpoli yuu yeni. Lani yaa po, laa pia U Tienu po fe ban yini o bi Tienu, kelima o ŋanbi bi po u dogu.

Hebilunba 8:10

O Diedo go yedi: «Laa dana yaa pendi, Diidi min baa kuani leni Isidayeli buolu yaa ŋantaado: N baa kuani n bali maama bi yantiana nni Ki diani ma bi pala nni. N baa yaa tie bi Tienu, Bani mo baa yaa tie n niba.

1 Samueli 7:3

Samueli den yedi Isidayeli yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo Asitate leni bi nilanba n ŋua yaa buli kuli. Yin ŋoadi mani Li Miali Diedo leni yi pala kuli, ki yaa tuuni wani bebe yaa po. Lani, o baa faabi yi Filisiti yaaba nuu nni.»