Jeremi 23:8 - U TIENU MAAMA TILI 2013

⁸ Ama bi baa poli ki yedi: ‹Hali o Diedo yua n fo po, wani yua ñani ki go guani Isidayeli buolu, ban den ye nujienu diema po leni min den yadi ba yaa diema nni kuli.› Bi baa yaa kaa bi tinga nni.»

Gourmanchéma Bible

⁸ Ama bi baa poli ki yedi: ‹Li Miali Diedo fo Wani yua ñani ki go guani Isalele buolu yaaba Ban den ye nijienu diema po Leni min den yayadi ba yaa diema buoli nni kuli.› Bi baa yaa ka bi diema nni.»

Jeremi 23:8 Iomraidhean Croise

Esayi 11:11

Landaali o Diedo baa guani Ki tandi o nuu Ki daa ki faabi o niba Yaaba n sieni ki ye Asiiri, Ejipiti, Patilosi leni Etiopi diema nni, Elami, Sineari, Hamati leni Mi ñincianma kpendega nni.

Esayi 14:1

O Diedo baa gbadi mi ninñima Jakob puoliŋuani po. O go baa guani ki gandi Isidayeli yaaba. O baa guani ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakob buolu.

Jeremi 16:14

Lani n teni ke o Diedo yedi: «Diidi a dana kpendi ke bi kan go yedi: ‹O Diedo fo, wani yua n teni ke Isidayeli yaaba ñani Ejipiti.›

Jeremi 16:15

Ama bi baa yedi: ‹O Diedo fo, wani yua n ñani Isidayeli yaaba, nujienu po diema leni wan den yadi ba yaa diema nni kuli.› N baa guani ki cuani ba, min den puni bi baanba yaa diema nni yeni.»

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 30:10

Fini n naacemo Jakob, Da jie liba, o Diedo n yedi yeni. Isidayeli, da digibi ba! Diidi n baa faabi a ki tinga nni Leni a puoliŋuani n ye ti yonbidi yaa diema nni. Jakob baa guani ki mangi o pali Mi fuodima po leni mi yanduanma po. Oba kuli kan go cua ki lengi o yama.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 31:8

N baa teni ban ña nujienu diema po. N baa taani ba hali u tinbianu, Bi siiga pia a juama leni a diama, Yaa puoba n punbi leni U maditugukoanu danba kuli. Li tie nitaancianli n lebidi ki guani nekanba.

Jeremi 32:37

«N baa taani ba, min den yadi ba yaa dogi nni kuli, n pabienli, n mutuoli, n pabiidili leni n pali n den boandi bi po yaa yogunu. N baa guani ba nekanba, ki teni ban yaa ye leni mi yanduanma.

Jeremi 8:3

Yaaba n sieni laa nibuobiadu siiga, bani yaaba ke n yadi yadi ba i kaani kuli yeni, mi kuuma baa yaa tuninni bi po li miali. Mini Li Miali Diedo U Paaciamu Kuli Daano n yedi yeni.»

Esekieli 28:25

Mini o Diedo U Tienu yedi mi naa maama: «Min baa guani ki taani Isidayeli yaaba ban den yadi yadi ki ye yaa nilanbuoli siiga yaa yogunu, n baa doagidi i nilanbuoli yeni po, ke n gagidi ki ŋani. Isidayeli yaaba baa yaa ye bi yaa diecele nni, min den puni n naacemo Jakob yaa diema.

Esekieli 34:13

N baa ñani ba mi diema nibuoli siiga ki cuani ki kaani ba, bi yaa diema nni. N baa yaa kpaa ba Isidayeli diema juana po, ti joaloandi nni leni bi niba n ye mi diema nni yaa kaani kuli nni.

Esekieli 36:24

N baa ñani yi mi dielanma nni, i nilanbuoli siiga, ki taani yi ki guani yi diema nni.

Esekieli 36:35

Bi baa yedi: ‹Ban den ŋaa yaa diema li paboanli nni yeni, guani ki tua nani Edeni kuanu yeni. Yaa dogi n den wudi ki ye li paboanli nni yeni, go baa u fidu ki go gbie leni bi niba.›

Esekieli 37:25

Bi baa yaa ye min den puni n naacemo Jakob yaa diema nni, bi yaajanba n den kali yaa diema nni. Bani leni bi bijaba leni bi yaabila baa yaa ye mi niinni yaa yogunu kuli po. N naacemo Davidi mo baa yaa tie bi bado yaa yogunu kuli po.

Esekieli 39:28

Lani, bi baa bandi ke n tie Li Miali Diedo bi Tienu yua n den gedini ba ti yonbidi i nilanbuoli siiga. N go guani ki taani ba bi diema nni. N kan go ŋaa bi siiga ba yendo i nilanbuoli yeni diema nni.

Mise 7:15

U Tienu yedi: «N baa teni yin go le mi bancianma, Nani yin den ñani Ejipiti nni yaa yogunu yeni.

Sofoni 3:20

Lanyogunu n baa guani ki kpeninni yi. Li baa yaa tie min baa guani Ki taani yi yaa yogunu. Yi baa le ke n lebidi yi yema, Ki teni yin guani ki baa yi kpiagidi, Yi yela mo n ña li ŋandunli nibuoli nni kuli.» Mini o Diedo n yedi yeni.