Jeremi 23:2 - U TIENU MAAMA TILI 2013

² Lani n teni ke o Diedo Isidayeli Tienu maadi leni yaa gobidikaaba n gobidi o niba, ki yedi: «Yi pua ki yadi n niba, ki deli ba. Yii kubi ba bonŋanla. N baa fii ki sedi yi po kelima yi tuona n bia maama po. O Diedo n yedi yeni.

Gourmanchéma Bible

² Lani n teni ke Li Miali Diedo Isalele Tienu maadi leni yaa gobidikaaba n gobidi o niba: «Yi pua ki yadi n niba, Yi deli ba. Yii kubi ba bonŋanla. Diidi n baa fii ki sedi yipo Kelima yi tuona n bia maama po. Li Miali Diedo n yedi yeni.

Jeremi 23:2 Iomraidhean Croise

Mi Ñama 32:34

Ŋan gedi moala ki ban ciani ku niligu, min den waani a naankani. N maleki baa kua a liiga ki yaa cangi a. Ama n pantuuli daali yaa cua, n baa guani ba bi tuonbiadi panpaani, ki tundi ba tundifala bi tuonbiadi po.»

Jeremi 10:21

Bi gobidikaaba tua yanpiidanba, Baa lingi o Diedo. Lani n teni ke baa bani bonla gagidima. Ban gobidi yaaba mo kuli yadi yadi.

Jeremi 11:22

Lani yaa po yo, ke Li Miali Diedo U Paaciamu Kuli Daano maadi mi naa maama: «Diidi mani, n baa yie bi po. Ki jugisiega baa je bi jawaaba, mi koma mo n baa je bi bisiaba leni bi bijaba kuli.

Jeremi 13:17

Yi yàá cengi line, n baa buudi ŋasiili nni, Kelima yi japaadi po. N nuni baa wuli ti nunsiidi, Min mua boncianla, kelima bi baa gedini O Diedo niba ti yonbidi.

Jeremi 13:20

Yaadi mani ki diidi a yibalinba Yaaba n ñani nujienu po ki kpendi. Min bi piani a yaa niba yeni. Ŋan bi jigini a yuli yaaba yaa po yeni ye le?

Jeremi 13:21

Ŋan den tama ke yaaba n tie a danlinba Yaa ti cua ki pua ki paadi a, Ki diedi a yaa daali, A baa yedi be? Li baa yaa koani a Nani u maditugukoanu n yen cuo o pua yeni.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Jeremi 21:12

Davidi diegu yaaba, Cengi mani o Diedo maama! O Diedo yedi nanda: «Yaa tiendi mani mi teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii Ki cuo nani u mu yeni, Ki cuo maama ke bi kan fidi ki gbindi u, Kelima yi tuona n bia maama po.»

Jeremi 23:34

Li yaa tie ke saawalipualo bi kopadicianba, bi niloba yaa yedi ke o Diedo tuni o tugili, mini n ba n baa fii ki sedi landaano leni o diegu kuli po.›

Jeremi 44:22

Yi tuongunda leni yi tuonyuogidi teni, ke o Diedo kan go bi fidi ki juuni leni yi. Li teni ke yi diema kpandi diegbendi, paboanli leni falima bonla, nilo n ki ye naani, nani yin nua maama dinla.

Jeremi 5:29

Naani n kan fii ki sedi laa niba po? Naani n kan fii ki tuu u naa nibuolu li panli? Mini o Diedo n yedi yeni.

Jeremi 5:9

Mini o Diedo yedi: «Naani n kan fii ki yie laa bonla po? Naani n kan fii ki tuu laa nibuolu li panli?»

Jeremi 8:12

Li bi pundi i fe n cuo ba, Ban tuuni yaa tuongunda po. Ama i fe naa cuo ba, Baa go bani fe n tie yaala, Lani n teni ke bi baa kpe nani biyaba yeni. Min baa ti fii ki sedi bi po yaa yogunu, Bi baa yaa tuudi ki baali. O Diedo n yedi yeni.

Esekieli 34:5

Lanwani, bi den yadi yadi kelima baa pia yankpaalo po, ki tua ti fuayandi kuli mo yaa jiema.

Ose Tili 2:13

N baa teni yaala n bi tie o pamanli kuli n gbeni, Lani n tie a bina badi, Wan tiendi yii ŋmapaano kuli, Mi fuodima dana leni o taanciama kuli.

Mise 7:4

Bi siiga yua n ŋani ki cie bia nani li kongoabili yeni, Yua n tiegi ki cie moko bia ki cie ku kontuugu. Bi saawalipuaba n den tuodi ki waani yi yaa daali yeni pundi. Landaali yi gbanu baa wudi.

Sakari 10:3

O Diedo yedi: «N pali beni leni bi yankpaaba Yaaba n gobidi n niba. N baa waani a ŋuabuana fala. Mini Li Miali Diedo U Paalu Kuli Daano, N baa taa n niba, Juda yaaba, ki kubi ba. Bi baa tua nani n tanjagido, Min jagi yua leni ti kpiagidi bu toabu po.

Sakari 11:16

kelima n baa cuani mi diema po, yaa yankpaalo n kan yagi o yama yaa pe n baa bodi po. O kan gedi ki ban lingi yaa pebiga n yaadi. O kan buu yaa pia n poagili. O kan dini yaa pe n pia laafia ban guo. Ama o baa yaa ŋmani yaa pe n pia mi kpama, ki ŋmani ki ban taani leni a taawoga kuli.»

Matie 25:36

n den ye mubima ke yi yieni nni, n den yia ke yi cua ki laa nni, n den ye li kpaadidieli nni ke yi cua ki fuondi nni.›

Matie 25:43

n den tie caano ke yii gaa n cangu, n den ye mubima ke yii yieni nni, n den yia ki go den ye li kpaadidieli nni ke yii cua ki laa nni.›

Jaki 1:27

Yaa jaanma n ŋani cain ki naa pia joagindi ti Baa U Tienu nintuali, tie ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.