Jeremi 21:9 - U TIENU MAAMA TILI 2013

⁹ Yua n ye u naa dogu nni bu toabu, mi koma bi u yianbiadipuodiko n baa je o. Ama yua n baa ña ki gedi ki ban teni o yuli Kalide yaaba, yaaba n cua ki baa yi yeni, baa yaa ye leni li miali.

Gourmanchéma Bible

⁹ Yua ye u naa dogu nni bu toabu, mi koma bi u yianbiadipuodiko n baa je o. Ama yua n baa ña ki gedi ki ban teni o yuli Kalide yaaba, yaaba n cua ki baa yi yeni, baa yaa ye leni li miali.

Jeremi 21:9 Iomraidhean Croise

Jeremi 14:12

Ba bi yaa loli bu ñoabu, n kan cengi bi paboandanmoe. Ba bi yaa cuani a padijuukaana leni bu paabu pada, n kan gaa bi po, kelima n baa teni bu toabu, mi koma leni u yianbiadipuodiko n dudi ba.»

Jeremi 21:7

Li yaa puoli, mini o Diedo n yedi: ‹N baa taa Juda bado Sedesiasi, o koanbala leni u naa dogu niba kuli, bu toabu leni mi koma n dini ki ŋaa yaaba, ki ŋaa ba Babilonni bado Nebukanesa leni yibalinba leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi ninñima. Niloba kan cia. O kan juogi ba.› »

Jeremi 24:10

N baa soani ki jugisiega, mi koma leni u yianbiadipuodiko bi siiga, hali ban bodi mi diema nni, min den puni bani leni bi baanba yaama yeni niinni.»

Jeremi 27:11

O Diedo yedi ke yaa nibuolu n baa teni u tulu Babilonni bado ti yonbidi po, ki baa soani o po, n baa pa u mi fuodima o diema nni. Lani n tie li diema niba n ko bu kpaabu, ki go kali mi diema nni. O Diedo n yedi yeni.

Jeremi 27:12

N maadi leni Juda bado Sedesiasi moko laa maame, ki yedi: ‹Tandi mani yi tuli Babilonni bado n lani yi li yonbilandili. Soani mani wani leni o niba po, lani n tie yin yaa ye.

Jeremi 27:13

Be yaa po yo ke yi baa teni bu toabu, mi koma leni u yianbiadipuodiko n kpa yi nani o Diedo n bili maama yaa nibuolu n yie ke u kan soani Babilonni bado po?›

Jeremi 38:2

«O Diedo yedi nanda: Yua n baa sieni u naa dogu nni, ki jugisiega, mi koma leni u yianbiadipuodiko n baa je o. Ama yua n ñani ki baa teni o yuli Babilonni yaaba, baa yaa ye leni li miali. O pali baa yaa mani, kelima o pia li miali ki fo.

Jeremi 38:3

O Diedo yedi nanda: ‹Moamoani n baa taa u naa dogu ki teni Babilonni bado toagoli, lin diedi u.› »

Jeremi 39:18

N baa teni ŋan cia, ki jugisiega kan kpa ŋa. A baa gaa a miali kelima a dugi n po.› Mini o Diedo n yedi yeni.»

Jeremi 45:5

Amo ki lingi yaali n yabi ka te? Ŋan da go lingi la, kelima n baa cuani mi yebiadima mialifo kuli po. Mini o Diedo n yedi yeni. Ama n baa ŋaa ŋa leni li miali, ŋan baa gedi naankani kuli.› »

Esekieli 5:12

U yianbiadipuodiko leni mi koma baa kpa yi niba siiga cagiyenli. Yi gaanilindima, mi koma baa baa li cagilieli. N baa yadi yadi li cagitaali i kaani kuli ki noadi n jugisiega ki ŋoadi li puoli.