Jeremi 21:12 - U TIENU MAAMA TILI 2013

¹² Davidi diegu yaaba, Cengi mani o Diedo maama! O Diedo yedi nanda: «Yaa tiendi mani mi teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii Ki cuo nani u mu yeni, Ki cuo maama ke bi kan fidi ki gbindi u, Kelima yi tuona n bia maama po.»

Gourmanchéma Bible

¹² Dafidi diegu yaaba, Cengi mani Li Miali Diedo maama! Li Miali Diedo yedi nanda: «Yaa tiendi mani mi *teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii ki be nani mi fantama yeni, Ki cuo maama ke bi kan fidi gbindi ma Kelima yi tuona n bia maama po.»

Jeremi 21:12 Iomraidhean Croise

2 Samueli 8:15

Davidi den diedi Isidayeli yaaba kuli. O den ja ti buudi o niba kuli po ke li tiegi.

Jobi 29:17

N yen pua ki mudi yaa nilo n ki tiegi yaagu, Ki kpibidi wan kpibi yaala o ñoabu nni.

Pisomi 101:8

Tiŋaagu kuli n bolindi mi diema nibiadiba. Lani n tie min fidi ki ñani o Diedo diegu nni, Yaaba n tiendi yaala n ki tiegi kuli.

Mi Ñama 18:13

Lan den fii ki faa, Musa den kali ki baa jia bi niba buudi. Bi niba den se o nintuali, ki cili ku tiŋaagu, ki ban pundi hali ku yenjuagu.

Esayi 1:17

Bangi mani mi ŋanma tienma, Ki lingi mi teginma. Guani mani o tugumoandaano U sanŋamu nni. Tieni mani yaala n tiegi ki kpienbiga po. Koani mani ki gaa li kpepuoli.»

Esayi 1:31

O gbanmandaano baa tadigi. O tuonli mo n tua mukaabi. Bi baa taani ki juu wani leni o tuonli kuli, Bi kan baa yua n baa gbindi ba.

Esayi 7:13

Lanwani, Esayi den yedi: «Yinba Davidi puoliŋuani, cengi mani! Naani yin den coagini bi nisaaliba yeni, Laa dagidi yi ke yi go baa ki coagini n Tienu?

Esayi 7:2

Bi den cua ki waani Davidi diegu nni yaaba, ke Siiri diema yaaba cua ki kali Efrayimi diema nni. Laa laabaalo den teni ke o bado Akasi leni o niba kuli tugusoama den sani, ke bi den digibi nani u faalu n figi li fuali nni tiidi maama yeni.

Jeremi 17:4

Yinba yi ba n baa ŋaa Min den puni yi yaa diema. N baa taa yi ki teni yin tua Yi yibalinba yonbi, Yin kaa bani yaa diema nni, Kelima yi teni ke n pabienli tua Nani u mu yeni. U baa yaa co yogunu kuli.

Jeremi 21:5

Mini n ba n baa koani leni yi, ki doagidi n fidu, n paaciamu leni li pabiencianli leni mi jama.

Jeremi 23:19

Diidi o Diedo faagu fii nani ku tafaabiadigu yeni. O pabiencianli fii ki jiidi bi nibiadiba po.

Jeremi 23:2

Lani n teni ke o Diedo Isidayeli Tienu maadi leni yaa gobidikaaba n gobidi o niba, ki yedi: «Yi pua ki yadi n niba, ki deli ba. Yii kubi ba bonŋanla. N baa fii ki sedi yi po kelima yi tuona n bia maama po. O Diedo n yedi yeni.

Jeremi 23:5

O Diedo yedi: «Diidi a dana kpendi, N baa teni Davidi buolu nni Ki bimoanga n maa. O baa yaa tie yaa bado n tuuni Bonŋanla leni mi yanfuoma, Kelima o baa yaa ŋua yaa bujiali n tiegi Ki go tiegi mi diema nni.

Jeremi 36:7

Daalinba, bi sugilimiabu baa pundi o Diedo nintuali. Bi siiga yuakuli n ŋaa o tuadibiada, kelima o Diedo pabienli n kandi maama po. O pali fii hali boncianla bi naa niba po.»

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Jeremi 44:22

Yi tuongunda leni yi tuonyuogidi teni, ke o Diedo kan go bi fidi ki juuni leni yi. Li teni ke yi diema kpandi diegbendi, paboanli leni falima bonla, nilo n ki ye naani, nani yin nua maama dinla.

Jeremi 5:14

Lani n teni ke o Diedo U Tienu U Paaciamu Kuli Daano yedi: «Nani ban maadi laa maama yeni, N baa teni min kuani fini Jeremi Ñoabu nni yaa maama yeni, N buoni ba nani ti daadi yeni.

Jeremi 5:28

Bi noadi bonŋanla ke bi gbani ñuliti, Bi tuongunda ki pia bianu. Baa koani ki baa gaa ki kpienbiga, Bi bonla kuli cuoni bi po bonŋanla. Bi baga ki ye leni luodo.

Jeremi 7:20

Lani n teni ke o Diedo U Tienu yedi mi naa maama: «Diidi n pabiencianli baa nandi u naa kaanu koatiidi, li niba, li yandi leni li tinga bonluonkaala kuli. U mu baa yaa siagi la ki kan gbindi.»

Jeremi 7:5

Li yaa tie ke yi lebidi yi tagi leni yi tuada i moamoani, ki tieni bi niba kuli po, nani lan pundi maama,

Jeremi Bubula 4:11

O Diedo teni ke o pabienli tuoni li bianu, O doagidi o pabiencianli. Siyon dogu nni o cuoni u mu, Yuu n dini u tanpuuna.

Esekieli 22:31

Lani n teni ke n wuli bi po n pabienli, ki bolini ba leni n pabienli mu. N baa teni bi tuona n guani ki baa bi yula po. Mini o Diedo, U Tienu n yedi yeni.»

Levi 26:28

n baa sedi yi po leni li pabienli, ki pua ki faligi yi taalimilele goga yi tuonbiadi po.

Nahumi 1:6

U Tienu pali yaa beni, Oba kuli kan fidi ki sedi. O pali yaa beni boncianla, Oba kuli kan fidi ki yaa ye. O pali co nani u mu yeni. A tana pudi ki yagidi o nintuali.

Sofoni 1:18

O Diedo pabienli daali, Bi ŋanjilifa leni bi wula kan fidi ki faabi ba. O Diedo pabienli mu baa buoni ki tinga kuli, Li baa yaa bia hali boncianla. O baa bolini ki tinga niba kuli.»

Sofoni 3:5

Ama o Diedo nan ye Jerusalemi, Ki tiendi yaala n tiegi, Kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi ba dayenli. Ama ba leni lani kuli, Bi nibiadiba tiendi yaala n bia, Kaa gba fe li po.

Luki 1:69

O fiini ti po o naacemo Davidi diegu nni Yaa Candaano n pa.

LOMA YAABA 13:4

Li bali daano tie U Tienu naacemo, yua n tuuni a ŋamu po. Ama a yaa tiendi yaala n bia ŋan yaa jie, kelima wan bali ki jugisiega yeni, laa tie fanma fanma po ka. O tie U Tienu naacemo, ki baa teni yaaba n tiendi mi biadima, ki fiini U Tienu pali n baa bi biadima panpaani.

Mi Tiadima 32:22

N pabienli bia nani u mu, Ki co ki pundi hali bi tinkpiba diema nni. Mi buondi ki tinga leni ki bonluonkaala kuli, Ki buondi a juana tanpuuna.