Jeremi 20:7 - U TIENU MAAMA TILI 2013

⁷ O Diedo a baa nni, Nmo cedi ke a baa nni. A cuo nni ki paadi nni. Yogunu kuli n laadi u yualu, Yuakuli ñuadi nni.

Gourmanchéma Bible

⁷ A baa nni, Li Miali Diedo N mo cedi ke a baa nni. A cuo nni ki paadi nni. Yogunu kuli n laadi u yualu, Yua kuli ñuadi nni.

Jeremi 20:7 Iomraidhean Croise

2 Bi Badiba 2:23

Elise den ñani Jeriko ki gedi Beteli. Wan den caa, a bonjala den ñani u dogu nni ki sugidi o ki tua: «O yupidibo, do! O yupidibo, do!»

Jobi 12:4

N tua li ñuali bonla n danlinba po. Mini yua n moandi ki baa maadi Leni U Tienu yua n den gaani n yedima. O niteginka, wani o papiendaano N ji tua li ñuali bonla.

Jobi 30:9

Moala, bani n ji bugini nni i yani, Ki teni ke n tua bi po li ñuali bonla.

Pisomi 119:51

Ba leni bi japaadanba n ñuadi nni maama kuli, Mii jadi ki ŋaa a bali maama.

Esayi 8:11

O Diedo den maadi nni Yaa maama n tie ne, Wan den tandi o nuu yaa yogunu, Ki muubi nni ki tuodi ki waani nni, Ke min da ŋoadi bi naa niba sanu.

Jeremi 15:10

N naa, ŋan mali nni yeni po n teni, Ke mi yebiadima ŋmaa nni. Mini n tie mi diema kuli po, Yua fiini mi niama leni ku fuugu. Mii dini panli, mii teni nitoa mo panli, Ke bi niba kuli nan solini nni.

Jeremi 15:18

Be n teni ke n fala ki pia gbenma? Be n teni ke n nali mo kan soangi? Be n teni ke n buu li ke li naa soangidi? Naani a li baa yaa baa ki boandi nni, Nani ku boankuongu yene?

Jeremi 17:16

O Diedo, a bani ke mini ka den mia ke fala n cua. A bani ke mini ka go den mia ke u nufanu daali n cua. Yaa maama n ñani n ñoabu nni mo kuli, a bani ma.

Jeremi 20:9

N yaa yedi ke n kan go maadi o maama, Ke n kan go maadi o yeli nni, Li yen naaninni u mu N ye n pali nni ki co yeni, Ki didi go ye n kpaba nni ki fuli. N coagini n yuli Ke n baa yaa kubi mi maama yeni, Ama n kan fidi.

Jeremi 29:26

‹O Diedo gandi a, ke ŋan gaa Yeoyada kaanu ki tua kopadiciamo, ki yaa guu o Diedo diegu, ki yaa diidi yua yini o yuli saawalipualo ki wolini, ki cuo ki kpaa o ti kpaadi, ki go lani o li landili.›

Jeremi 38:19

O bado Sedesiasi den guani Jeremi: «N pia i yanbani yaa Jufinba n taa bi yula ki teni Babilonni yaaba po. N jie ban da ti ŋaa nni leni ba, ban waani nni fala.»

Jeremi Bubula 3:14

N kpandi ki tua n niba po laadi. Daali kuli n kpandi ki tua bi yani.

Esekieli 3:14

U Tienu Fuoma den yua nni ki gedini nni. O Diedo paalu den cuo nni maama ke n kan fidi ki yie, ba ke n den caa ke n pali naa mani.

Ose Tili 9:7

«U Tienu n baa waani Isidayeli yaaba fala yaa dana pundi, Ti buudi dana pundi, Mi biadima panpaani dana mo pundi.» Bi baa bandi la. Bi tuonbiadi yabinu leni bi nanga teni ke bi tua: «U Tienu saawalipualo yama bodi, U Tienu n soani wani yua yeni tie nani o gaado yeni.»

Jonasi 4:2

ke o mia o Diedo, ki yedi: «O Diedo, hali min den ye n diema nni, min den li jie yaala ka ne. N den bani ke a tie yaa Tienu n juogidi, ki gba mi ninñima, ke a pali ki be tontoni, ki go tiendi mi ŋanma. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo, ke n den tiini ki caa Tarsisi.

Mise 3:8

Ama mini, o Diedo Fuoma ye n niinni, Ki gbieni nni u paalu, O go puni nni mi teginma leni li papaali, Ke min waani Jakob puoliŋuani bi tagili, Ki waani Isidayeli yaaba bi tuonbiadi.

Luki 16:14

Farisieninba yaaba n den bua i ligi ke li kandi, den gbadi lani kuli ki ñuadi Jesu.

Luki 23:11

Herodi den taani leni o toatieba ki fali o, ki ñuadi o, ki lani o ti tiakpiagidi, ki guani o Pilati po.

Jesu Tondiba Tuona 17:18

Ban den yi yaa yanfuodanba Epikuriyenba leni Sitoyisieninba siiga, bi tianba den boe leni Poli. Bine den tua: «O maciandaano na bua ki yedi be?» Bine mo n yaa tua: «Li naani ke o bua ki maadi bucaaniba yaa maame.» Bi den yedi yeni, kelima Poli den wangi ba Jesu Laabaaliŋamo leni bi tinkpiba fiima maama.

Jesu Tondiba Tuona 17:32

Ateni yaaba n den gbadi ke Poli maadi bi tinkpiba fiima maama, bine den ñuadi o, bine mo n yedi: «Ti go baa cengi a maama datoali.»

1 Korenti 9:6

Bi mini leni Barnabasi bebe n baa yaa tuuni li tuonli tiladi?

Hebilunba 11:36

Bi den ñuadi bine, ki pua ba i baliji, ki go kpaa bi tianba ti kpaadi, ki kuani ba li kpaadidieli nni.