Jeremi 20:2 - U TIENU MAAMA TILI 2013

² Lanwani, Pasehuri den pua Jeremi, ki kpaa o ti kpaadi Benjamen buliñoabu kani, o Diedo diegu nni yaabu n yuugi ki cie.

Gourmanchéma Bible

² Lanwani Pasehuli den pua Jelemi ki kpaa o ti kpaadi Benjamina buliñoabu yaabu n yuugi ki cie Li Miali Diedo diegu nni.

Jeremi 20:2 Iomraidhean Croise

1 Bi Badiba 13:4

O bado Jeroboami n den gbadi U Tienu nilo n tiani Beteli padibinbinli po ki yedi yaala, o den tandi o nuu li padibinbinli yuli po ki yedi: «Cuo o mani.» Jeroboami n den tandi yaa nuu U Tienu nilo po yeni den kuodi ke waa fidi ki guani u.

1 Bi Badiba 22:27

Ŋan yedi ba: ‹O bado yedi mine: Luoni mani o naa joa li kpaadidieli nni, ki yaa tendi o mi jiema leni mi ñima waamu waamu, hali min baa lebidi ki guani leni laafia yaa yogunu.› »

2 Bi Badiba Jama 16:10

Asa pali den beni yua n nua saala bonla po, ke o den cedi ke bi luoni o li kpaadidieli nni, kelima o maama den bieni o pali. Lanyogunu Asa den cili ki wangi o niba siiga bi tianba fala.

2 Bi Badiba Jama 18:23

Wan maadi yeni, Kenaana bijua Sedesiasi den jaligi ki nagini ki pabi Mise ki yedi o: «O Diedo Fuoma tagini le ki ñani n kani, ki gedi ki maadi leni a?»

2 Bi Badiba Jama 24:21

O bado den puni u sanu ke bi lugidi Sakari a tana U Tienu diegu luolu siiga.

Jobi 13:27

A kpaa n taana ti kpaadi, Ki faami min tiendi yaala kuli, Ki ŋua ki coadi ba n taayaagidi.

Jobi 33:11

O kpaa n taana ti kpaadi, Ki kpaagi min tiendi yaala kuli.›

Jeremi 1:19

Bi baa fii ki sedi a po, Ama bi kan fidi ki paadi a, Kelima n ye leni a ki baa faabi a. Mini o Diedo n yedi yeni.»

Jeremi 26:10

Juda diema koanbala n den gaa laabaali, bi den ñani badidiegu ki cua o Diedo diegu nni, ki kali o Diedo diegu buliñoapanbu kani.

Jeremi 26:8

Jeremi n den maadi ki gbeni o Diedo n den soani o wan yedi yaala li nitaanli yaa yogunu, bi kopadicianba, bi saawalipuaba leni li nitaanli kuli den cuo o, ki yedi o: «A maadi a miali gbenma maama n yeni!

Jeremi 29:26

‹O Diedo gandi a, ke ŋan gaa Yeoyada kaanu ki tua kopadiciamo, ki yaa guu o Diedo diegu, ki yaa diidi yua yini o yuli saawalipualo ki wolini, ki cuo ki kpaa o ti kpaadi, ki go lani o li landili.›

Jeremi 36:26

O bado den soani o bijua Yerameeli leni Seraya Asiriyeli bijua leni Selemia Abideeli bijua, ke ban cuo o tidianlo Baruki leni o saawalipualo Jeremi. Ama o Diedo den wuoni ba.

Jeremi 37:13

Wan den pundi Benjamen buliñoabu kani, o den tuogi leni bi toatieba yudaano Selemia bijua, ban yi yua Yiliya, Anania yaabili. Yiliya den cuo o ki yedi: «Ŋaa caa ki baa n teni a yuli Babilonni yaaba ka te!»

Jeremi 37:21

Lani, o bado Sedesiasi den bili li ñoamabonli, ke ban kubi Jeremi bonŋanla badidiegu kpaadidieli luolu nni. Bi yen kpendinni o po daali kuli dupenyendo, ban den ñandi yua ban yi yaa sanu a dupenpuala sanu po. Bi den tiendi yene hali dupen n ban gbeni u dogu nni. Jeremi n den ye maama n yeni badidiegu kpaadidieli luolu nni.

Sakari 14:10

Mi diema kuli baa tua Nani Araba tialu yeni. Ki cili nujienu po dogu Geba, Ki ban pundi hali ganu po dogu Rimon. Jerusalemi dogu baa yaa ye u kaanu, Ki ye naani n kpedi. U baa tandi, ki cili bani Benjamen buolu Yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli diefoagili kani, Ki ban tuoni hali o bado duven Datuodikaanu kani.

Matie 21:35

Bi koaguudiba den cuo o naacenba ki pua yendo, ki kpa one, ki lugidi o taalo mo a tana.

Jesu Tondiba Tuona 4:3

Bi den cuo ba ki kuani li kpaadidieli nni hali lan baa fii ki faa, kelima u yienu den bua ki baa.

Jesu Tondiba Tuona 5:18

Bi den cuo Jesu tondiba ki kuani li kpaadidieli nni.

Jesu Tondiba Tuona 5:40

Bi cancantieba taanli yaaba den gaa o tundi, ki yini Jesu tondiba. Bi den teni ke bi pua ba i baliji, ki yie bi po leni u paalu ke ban da go maadi Jesu yeli nni, ki ŋaa ba.

Jesu Tondiba Tuona 7:52

O laa saawalipuale ke yi yaajanba ki faligi o? Bi den kpa yaaba n den tuodi ki wangi o Niteginka cuama. Moala, yi janbi o ki kpa o.

Mi Doagidima 17:6

N den laa ke o pua yeni ñuni bi nigagidiŋanba leni Jesu siedinba yaa soama hali ki gaadi. Min den laa o yeni, li den paki nni boncianla.

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.