Jeremi 20:12 - U TIENU MAAMA TILI 2013

¹² Fini Li Miali Diedo U Paaciamu Kuli Daano Biigidi o niteginka. A nua yaa jaga leni yaa yantiana n wuo. N baa le ŋan baa tuu ba li panli maama, Kelima n cua ki piani n yuli fini yaa kane.

Gourmanchéma Bible

¹² Fini Li Miali Diedo U Paaciamu Kuli Daano biigidi o niteginka. O nua yaa yanjaga leni yaa yantiana n wuo. N baa le ŋan baa tu ba bi panpaani maama, Kelima n cua ki piani n yuli fini yaa kani.

Jeremi 20:12 Iomraidhean Croise

2 Bi Badiba Jama 24:22

O bado Yoasi den sundi Sakari baa Yeoyada n den ŋanbi o po yaala. O den kpa o bijua. Hali ke Sakari daa kpe, o den kpaani ki yedi: «O Diedo n yaa nua yaala n tiendi, ki tuu li panli!»

Pisomi 11:5

O Diedo biigidi o niteginka leni o nibiado. O pali fa o tugumoandaano po.

Pisomi 139:23

U Tienu, kpaagi nni ki bandi n pali cain, Biigi nni ki bandi n jaga kuli.

Pisomi 17:3

A Diidi n pali bonŋanla, Ki goandi li ku ñiagu. A biigidi nni, Ama ŋaa laa tagiliba kuli. N ñoabu mo naa kua n liiga.

Pisomi 54:7

O baa teni mi biadima n guani Ki baa n yibalinba po! Teni ban suo kelima a ŋanbili po.

Pisomi 58:10

Hali ke i konkoni daa tongi yi boba, U Tienu pali n beni maama po, O baa teni ku tafaagu n tugi, Ki gedini bi nibiadiba.

Pisomi 59:10

N baa diidi fini yua n tie n kubido. U Tienu n tie n kaanpaalu.

Pisomi 62:8

N faabima leni n kpiagidi ye U Tienu kane. Wani n tie n tangu yaagu n pia u fidu, Wani n go tie n wuonkaanu mo.

Pisomi 7:9

O Diedo ja ti buudi leni i nibuoli. Saa n po i moamoani o Diedo, Nani n teginma leni n papienli N pundi maama.

Pisomi 86:4

Mangi a naacemo pali o Diedo, N pegidi n pali kuli ki nua fine.

Esayi 37:14

Esekiasi den gaa li tili a tonda nuu nni, ki cogi li, ki gedi o Diedo diegu po, ki ban poabidi li o Diedo nintuali.

Esayi 38:14

N den ñiidi nani ki tancancalinga N fidibi ki ñiidi maama yeni. N den mua nani ki kpaajiega yeni. N nuni den yaadi ki nua tanpoli Ke li pia mi ninñima. N Diedo, bi wangi nni fala! Tua n todika.

Jeremi 11:20

Ama Li Miali Diedo tie yaa bujialo n tiegi, Yua n bani bi niba yantiana bonŋanla. N baa le ŋan baa tuu ba i panpaani maama, Kelima n cua ki buni fine n maama.

Jeremi 12:8

N faali tua n po nani o yangbanlo li fuali nni yeni. O yie n po, ki duni hali boncianla. Lani n teni ke mii go bua li.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Jeremi 17:18

Teni i fe n cuo yaaba n sedi n po. Ama mini wani n da fiagi, Teni ban digibi, Ama mini wani n da digibi. Teni fala daali n cua bi po, Teni fala n yaa lindi ki baali ba.

1 Pieri 2:23

Ban den sugidi o yaa yogunu, waa den guani liba. Ban den faligidi o yaa yogunu, waa den funi leni ba. Ama o den tendi o yuli, Yua n ja ti buudi leni mi teginma.

1 Pieri 4:19

Lanwani, li pundi ke yaaba n laadi fala kelima U Tienu yanbuama po n suagi ki yaa tiendi yaala n ŋani, ki teni bi yula wani o Tagido yua n tie o dugika.

Mi Doagidima 18:20

Tanpoli, mangi a pali u bodima po. Yinba bi nigagidiŋanba, Bi tondiba leni bi saawalipuaba kuli Mo n mangi yi pala, Kelima U Tienu tuu yi po li panli ki jia u buudi.»

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.

Mi Doagidima 6:10

Bi den kpaani ki tua: «Canbaa yua n gagidi ki ŋani ki tie moamoandaano, hali u laa yogunu ke a go baa waagi, ki daa jia ti buudi leni ki tinga niba, ki guani ba bi panpaani ti soama po?»

1 Samueli 1:15

Anna den guani ki yedi: «Aa-a, n yonbidaano, mii ñuni ka. N tie ti yanyagidi n kubi yaa pua. N cua ki doagidi ki waani o Diedo n payianu yo.