Jeremi 2:8 - U TIENU MAAMA TILI 2013

⁸ Bi kopadicianba naa buali: ‹O Diedo ye le?› Yaaba n kubi li bali maama ki bani nni, Bi gobidikaaba ki tegini n po, Bi saawalipuaba pua saawali O bulo Baali yaa yeli nni. Bikuli sani ki pugi i buli Yii n kan midi yanbu, Kaa pia fuomiba mo.

Gourmanchéma Bible

⁸ Bi kopadicianba naa buali: ‹Li Miali Diedo ye le?› Yaaba n kubi li *bali maama ki bani nni, Bi gobidikaaba ki tegini npo, Bi sawalipuaba pua sawali o bulo *Baali yaa yeli nne. Bikuli sani ki pugi yaa *buli n kan midi yanbu Ki naa pia fuomaba mo.

Jeremi 2:8 Iomraidhean Croise

1 Bi Badiba 18:22

Lani, Elia go den yedi ku niligu: «Moala mini bebe n tie Li Miali Diedo saawalipualo yua n sieni, ama Baali saawalipuaba pundi kobinaa n piimuu.

1 Bi Badiba 18:29

U yensiinu n den pendi, bi den bu ku baagu ki pua saawali ki pundi ban maani ki padi ku yenjuagu padili yaa yogunu. Ama baa den gbadi sagimuba kuli. Sinankeenoba ki den tieni.

1 Bi Badiba 18:40

Elia den yedi: «Cuo mani Baali saawalipuaba yeni, bi siiga oba n da sani ki cia.» Bi den cuo ba. Elia den teni ke bi jiini ki gedini ba Kisoni yaa fuanu nni ke o kodi bikuli likani.

Jobi 35:10

Ama oba kuli ki tua: ‹U Tienu yua n tagi nni, Ki bangi nni i yani ku ñiagu ye le?

Esayi 28:7

Bani moko mi daama kubi ba ke bi fuundi. Mi dabiadima gaadi ba. Mi dabiadima teni ke o kopadicianba Leni o saawalipuaba kuli pua Cacadili cadili. Mi daama yogi ki lundi ba, Mi dabiadima gaadi bikuli, Bi pua saawali ki luondi luondi. Bi jadibe ki nan ja ti buudi.

Esayi 29:10

Kelima o Diedo kuani yi niinni Mi guama yantiali ke yi gonbidi. O pii yinba bi saawalipuaba nuni, Ki libini yinba a baayuadiida mo yaa yula ti kpaliti.

Esayi 30:5

Ban caa yaa nibuolu po yeni Baa teni bi gbani n wudi, Kelima u kan fidi ki midi bi po puu, U kan fidi ki todi ba puu kuli nni. U kan yaa pia bi po fuomiba kuli, Ama u baa teni ban le i fe Ki go tua ti laadi bonla.»

Jeremi 10:21

Bi gobidikaaba tua yanpiidanba, Baa lingi o Diedo. Lani n teni ke baa bani bonla gagidima. Ban gobidi yaaba mo kuli yadi yadi.

Jeremi 12:10

Bi yankpaaba boncianla jugi n duventiidi kuanu, Bi ŋmaa ŋmaa n kuanu, Bi teni ke n koaŋamu kpandi ki tua fanpienma, Nilo n ki ye naani.

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 18:18

Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Jeremi 2:11

Naani li pia yaa nibuolu n ŋaa u buli, Ba ke yii tie Tienu? Ama yinba wani ŋaa mini U Tienu Yua n tie yi kpiagidi, ki ŋua i buli.

Jeremi 2:6

Baa buali bi yula: ‹O Diedo yua n teni ke ti ñani Ejipiti diema yeni ye le yo? Wani yua n gobidi Ki gedini ti mi fanpienma nni, I tiali leni ti buodi diema nni, U yialu leni li biigili tinga nni, Yaa tinga ke nisaalimialiba ki poandi ki niinni yeni ye le yo?›

Jeremi 4:22

N niba ye leni mi yanpiima, Baa bani nni. Bi tie yanluodanbe, Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Jeremi 5:31

Lani n tie: Bi saawalipuaba pua mi saawalifaama, Bi kopadicianba lingi bi yucela ŋamu bebe, N niba mo sua ke lani n dagidi bi po. Yi baa tieni lede saala po?

Jeremi 7:8

Ama, yi dugi i boandi, yii n ki pia fuoma po.

Jeremi 9:14

Lani n teni ke Li Miali Diedo U Paaciamu Kuli Daano, Isidayeli Tienu yedi nanda: Lani yaa po, n baa ñuni bi naa niba ti loabidi, ki teni ban yaa ye leni li paboanli.

Esekieli 22:26

Laa dogu kopadicianba miidi n bali maama, ki fali min gagidi ki ŋanbi yaala. Bi naa tiendi gagidima yaala n gagidi ki ŋani leni yaala n joagini siiga. Baa bangi bi niba yaala n ŋani leni yaala n joagini paadima, baa go faami n fuodima dana po mo. Oba kuli mo ki go fangi nni, nani lan bi pundi ban yaa fangi nni maama.

Esekieli 34:2

«Nisaalo biga, maadi ki pua saawali Isidayeli yankpaaba po, ki waani ba min bili bi po yaala. Li Miali Diedo U Tienu yedi mi naa maama: ‹Fala n baa Isidayeli yaaba yankpaaba, yaaba n li nua bi yucela ŋamu bebe! Naani bi yankpaaba tuonli ki bi tie ban yaa kpaa ti yandi ka?

Ose Tili 4:6

N niba bodi kelima baa pia bandima. Nani yin yie kaa bandi nni yeni, Nmoko baa yie yi, ki ñani yi, Min den puogi yi yaa tuonli yaa niinni. Nani yin sundi yi Tienu bali maama po yeni, Nmoko baa sundi yi puoliŋuani po yene.

Habakuki 2:18

Ki tagi o bulo pia be yaa fuome? Li li tie o nisaalo n tagi Yaa bonyuogidi leni ti kudi bebe. Laa bangi nilo bontoala kuli se faama bebe. O bulo pia be yaa fuome yua n tagi o po, Ke o baa yaa dugi o po, Wani yua kan fidi ba ki maadi yeni?

Matie 16:26

O nilo yaa baa ki diedi ŋanduna kuli ke o naano nan bodi, li baa ŋanbi o po be? Bi o nilo baa pa be ki lebidi o naano?

Luki 11:52

Fala baa yaa ye leni yi, yinba li bali maama bangikacianba, kelima yi tuudi ki ñani mi bancianma buliñoabu sendabiga. Yii kua yiba, yi go yie yaaba n bua ki kua mo yaa po.»

Jan n diani U Tienu Laabaaliŋamo maama 16:3

Bi baa yaa tiendi yi laa bonla, kelima baa bani Baa, baa bani mini moko.

Jan n diani U Tienu Laabaaliŋamo maama 8:55

Yii bani o, ama mini n bani o. N yaa bi yedi ke mii bani o, n bi baa tua tuofaadaano nani yinba. Ama n bani o, ki kubi o maama.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

Mi Tiadima 33:10

Bi bangi a ñoamabona Jakob puoliŋuani, Isidayeli yaaba mo a bali maama. Bi juugi yaa dugibila yaa nuulu n mani a po, Ki juugi li padili mo kuli a padibinbinli po.

1 Samueli 12:21

Yin da ŋuadi o puoli, kelima yi yaa ŋaa o, yi baa ŋoadi yaala n tie fanma fanma, lani yaala n kan todi yi, ki kan faabi yi mo kelima li tie fanma.

1 Samueli 2:12

Eli bijaba den tie fanma, baa den bani o Diedo.