Jeremi 2:34 - U TIENU MAAMA TILI 2013

³⁴ Hali ke a luoda leni yaaba n ki pia tagili kuli Soama ye a tiadi po, Ke a naa ludi ba ke bi pua Ki luodi a dieli buliñoabu ka.

Gourmanchéma Bible

³⁴ A luoda leni yaaba n ki pia tagili Kuli soama ye a tiadi po, Ke a naa ludi ba ke bi bua ki pua Ki luodi a dieli buliñoabu ka.

Jeremi 2:34 Iomraidhean Croise

2 Bi Badiba 21:16

Ba yaaba n ki pia tagili, Manase den kpa ba boncianla, ki gbieni Jerusalemi kuli soama. Laa nikpama ki den taa leni wan den kuani Juda yaaba yaa tuonbiadi nni, ki teni ke bi tieni yaala n ki dagidi o Diedo po.

2 Bi Badiba 24:4

leni wan den kpa yaa niba n ki pia tagili ki gbieni Jerusalemi bi soama yaa po. O Diedo ki den bua ki pa sugili.

Mi Ñama 22:1

Bi yaa pigini yua ke o moa ki bua kua ki su, ki pua o ke o kpe, tagiliba ki ye yua n kpa o po.

Mi Ñama 22:2

Ama li yaa sua ke u yienu pudi, i tagili baa yaa ye yua n kpa o po. Die o suudo yeni baa pa wan suni yua i panpaani, o yàá pia puu mo, bi baa kuadi o o subu po.

Esayi 57:5

Yi fiindi yi gbani yi ticiandi kani, Ki go fiindi yi gbani yaa tibu n bundi bonŋanla kuli tinga, Ki kodi a bila ti joaloandi nni Leni a tanmaba kani.

Esayi 59:3

Yi nii joagini kelima mi soama po, Yi nibila mo ye leni i tagili. Yi ñoacuuna maadi i boandi maama Ke yi landi mo bunbidi mi biadima.

Esayi 59:7

Bi taana tiini ki caa mi biadima po, Ki jaligi ki bua ki wuli yaa soama n ki pia tagili. Bi yantiana kuli tie yaa yantiana n ki tiegi. U nufanu leni mi bolinma ye bi sani nni.

Jeremi 19:4

Nani ban ŋaa nni ki teni ke u kaanu ne ki go pia bandima, ki juugi likani a dugibila tientoe po, bi baanba leni Juda badiba leni bani bi ba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 2:33

A bani ŋan baa tagini yaa sanu Ki lingi a jaconcona. Lani n teni ke a maani mi nikpama sanu,

Jeremi 6:15

Li bi pundi i fe n cuo ba, Kelima bi tuongunda po. Ama i fe naa cuo ba. Baa go bani fe n tie yaala. Lani n teni ke n yaa fii ki sedi bi po yaa yogunu, Bi baa ŋmadi ki baa leni yaaba n baali. N yaa fii ki sedi bi po yaa yogunu, bi baa yaa jadibi jadibi. O Diedo n yedi yeni.

Jeremi 7:31

Bi ŋanbi a pada kaani Beni-Hinomi joaloangu nni, ki baa yaa siagi bi bijaba leni bi bisiaba, min kaa den puni yi yaa sanu, min kaa den baa yaa yanjagili mo.› »

Jeremi 7:6

yi yàá mabini o caano, ki kpienbiga leni li kpepuoli, kaa wuli yua n ki pia tagili soama u naa kaanu, yi yàá ŋoadi tientoe yii n baa cuani yi po fala,

Jeremi 8:12

Li bi pundi i fe n cuo ba, Ban tuuni yaa tuongunda po. Ama i fe naa cuo ba, Baa go bani fe n tie yaala, Lani n teni ke bi baa kpe nani biyaba yeni. Min baa ti fii ki sedi bi po yaa yogunu, Bi baa yaa tuudi ki baali. O Diedo n yedi yeni.

Jeremi Bubula 1:9

O joagindi gbiabi o liadili nni, Waa faami yaala n baa faa Ki tieni o po. O tingbali ki pia maama! Yua n baa baagi o kuli ki ye. O yedi: «Ŋain o Diedo, n laa i fe, Ke n yibali mo yaa bali doni.»

Jeremi Bubula 4:14

Bi tie juama yo ki puagi i sani nni. Mi soama joagini ba, Hali ke oba kan go fidi ki sii bi tiadi.

Esekieli 20:31

Yin kpendinni bu paabu ki go padi yi bila, ki poandi ba u mu nni yeni, yi joagini yi yula leni i buli. Lanwani, yinba Isidayeli yaaba, yi tama yene ke n baa cedi yin cua ki bu nni? Kalam! Mini o Diedo U Tienu yua n fo n poli ki yedi ke n kan tuo yin cua ki bu nni.›

Esekieli 22:25

Jerusalemi dogu saawalipuaba fiini mi yiema u niinni, nani yaa yangbanlo n yen duni, ki toadi wan cuo yaa yanga yeni, bi baa fie bi niba piama, bi tiadi, ki kpa bi niba, ki teni a kpepuona n yabidi u dogu nni.

Esekieli 23:45

Ama diidi yaa jaba n tiegi, baa bu bi buudi, nani ban bu yaa puoba n conbi buudi maama yeni. Nani ban bu yaa puoba n wuliti mi soama buudi maama yeni, kelima bi tie conconma danba. Bi nii mo gbie leni mi soama.› »

Esekieli 24:7

U dogu yeni n wuli yaa soama, Baa ki ye u niinni. U wuli ma ku tantialigu po, Ki naa wuli ma tiipo, Ki maani mi po mi tama.

Esekieli 9:9

O den guani ki yedi nni: «Isidayeli leni Juda yaaba n tieni yaa tuonbiadi yabi hali boncianla. Mi diema gbie leni mi nisoama ke u dogu mo gbie leni ti tuonbiadi, kelima bi tua: ‹O Diedo ŋaa mi diema. O Diedo kan fidi ki le liba kuli.›