Jeremi 2:27 - U TIENU MAAMA TILI 2013

²⁷ Bani yaaba n tua ku daagu: «A tie n baa!» Ki tua li tanli mo: «Fini n mali nni!» Yeni de! Bi buli nni ki nunga. Bi yaa ye mi yebiadima nni, bi baa yedi: «Fii ki faabi ti.»

Gourmanchéma Bible

²⁷ Bani yaaba n tua ku daagu: «A tie n baa!» Ki tua li tanli mo: «A mali nni!» Kelima bi teni nni bi cakodigu, ki naa diidi nni. Bi yaa ye mi yebiadima nni bi yen yedi: «Fii ki faabi ti.»

Jeremi 2:27 Iomraidhean Croise

2 Bi Badiba Jama 29:6

Ti yaajanba den tudi kaa tuo o Diedo ti Tienu n yedi ba yaala. Bi den buli o Diedo diegu bi nunmu, ki teni o bi cakoda.

Esayi 26:16

O Diedo, ti sani Ki cua a kani ti pabiidili yogunu. Ba ŋan faligi ti maama kuli, Ti miadi a yaa todime.

Jeremi 10:8

Laa niba kuli tie yanpiidanba, Kelima bi buli yeni n bangi ba, Ki nan sua bi buli yeni mo tie daade.

Jeremi 18:17

N baa yadi ba nani puoli faalu yeni, Yibalinba nintuali. N baa buli ba n nunga, Fala n baa ŋmaa ba yaa daali.

Jeremi 2:24

Fini li fuali nni ŋunñuaga Yaaga n maani mi fanpienma, Yaaga n pudi ki gaani u faalu. Ŋme n baa fidi ki sieni ki bobidu? Yaaba n lingi ka kuli, Kan lingi ka ki coagi. Ki yaa pudi yaa yogunu, bi baa le ka.

Jeremi 22:23

Fini yua n ye Liban po, Ki kaa a badidiegu nni, Ban tii yaagu leni sediri tiidi daadi, Fala yaa nandi a yaa yogunu, A baa duni boncianla, Ki yaa lu ki lebidi nani u maditugukoanu n pia yaa pua yeni!

Jeremi 3:9

O cancagintuada ya n ki wuo joagini mi diema. O cagini o yuli ki pugi ti daadi leni a tana.

Jeremi 30:7

O naa fala mo te! Li naa daali tie dacianle. Daaliba kuli ki naani leni li. Li tie Jakob puoliŋuani po paboanli daale. Ama bi baa baa gaapo.»

Jeremi 32:33

Bikuli buli nni ki nunga, ki teni nni bi bunkpana. N bangi ba u yogunu kuli ki naa cedi, ama bi naa gaani bangima.

Jeremi 37:3

O bado Sedesiasi den soani Selemia bijua Yehukali leni o kopadiciamo Maaseya bijua Sofoni, o saawalipualo Jeremi kani ke ban yedi o: «Ti mia ŋa, ŋan jaandi ki mia ti po ti Diedo ti Tienu!»

Jeremi 42:2

o saawalipualo Jeremi kani ki yedi o: «Cengi ti po ti miabu: mia o Diedo a Tienu tinba yaaba n sieni nne kuli po! Ti den yabi boncianla, ama moala nani ŋan nua maama, tii go fuu.

Esekieli 23:35

Li tie lani yaa po yo, ke mini o Diedo U Tienu yedi mi naa maama: «Nani ŋan sundi n po ki luni nni a puoli po yeni, a conconma leni a cagindi panpaani kuli, baa guani ki jiidi a yuli po.»

Esekieli 8:16

Li yaa puoli, o den gedini nni o Diedo diegu luolu nni. Diidi o Diedo diegu buliñoabu kani, bu buliñoajabu leni li padibinbinli siiga, piilie n jabimuu den ye likani. Bi nunmu den tiegi puoli, ke bi cakoda mo tiegi o Diedo diegu. Bi den labindi ki kpiagidi u yienu.

Danieli 9:7

Fini o Diedo, a tiegi. Ama tinba Juda yaaba, Jerusalemi dotieba leni Isidayeli yaaba kuli, ti ye leni i fe dinla. Ti siiga yaaba n ye koanma nni leni yaaba n ye foagima, ŋan den deli ki yadi yaaba mi diema nni kuli ye leni i fe, kelima ti den ŋaa a maama.

Ose Tili 4:12

N niba caa mi lingima yaa tiidi n tie buli kani, Laa tiidi beni n bu bi po ti baadi, Kelima mi conconma yantiali teni ke bi yaadi, Ki kandi ki ŋaa mini bi Tienu, ki conbi.

Ose Tili 5:15

N baa lebidi ki kuni ki ŋaa ba, Hali ban baa tuo bi tagili, Ki guani ki lingi nni. Bi fala nni, bi baa lingi n todima.

Ose Tili 7:14

Bi yaa dua bi duani po ki buudi, Baa buudi ki miadi nni leni bi pala kuli ka. Bi ja biba, ki tama ke yene bi baa baa Ŋalikama leni o duvenpaano boncianla, Ama yeni bi fiini n po mi yieme.