Jeremi 2:26 - U TIENU MAAMA TILI 2013

²⁶ Nani ban yen pigini o suudo I fe n cuo o maama yeni, I fe baa cuo yene Isidayeli yaaba, bi badiba, Bi koanbala, bi kopadicianba Leni bi saawalipuaba.

Gourmanchéma Bible

²⁶ Nani ban yen pigini li conconli i fe n cuo li maama yeni, Moko, i fe cuo Isalele yaaba, bani bi badiba, Bi koanbala, bi kopadicianba leni bi sawalipuaba yene.

Jeremi 2:26 Iomraidhean Croise

Esidirasi 9:7

Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba, ti badiba leni ti kopadicianba ki tieni i nilanbuoli badiba nuu nni, ke bi den tuogi leni ti bu toabu ki paadi ti, ki fagi ti ki gedini ti ti yonbidi, ke dinla i fe kubi ti.

Pisomi 97:7

Yaaba n kpiagidi i buli Leni yaaba n duondi bi yula, Laa bonpendikaala po kuli baa fiagi. I buli mo kuli baa cua, Ki labini o Diedo nintuali ki pugi o.

Esayi 1:29

I fe baa cuo yi kelima yin den padi Yaa pada tiidi kani yeni po. Yin den bua yii bonŋanla. Yi pala baa biidi boncianla Leni yin den gandi laa tiidi yi pada po.

Esayi 44:11

Yaaba n tuuni laa tuonli kuli baa fiagi. Li tuonsoanbanda mo kuli li tie nisaalibe. Ban taani bikuli ki cua o kani, Bikuli baa digibi leni i jeje ki yaa ye Leni i fe boncianla.

Esayi 44:9

Yaaba n tagi i buli kuli tie fanma, Ban ŋanbi yaala ke li ŋani ki cie mo Kan todi puu kuli. Bi tie i buli yeni siedinba, Baa pia nuni, baa pia yama mo. Bimoko fiagi n yeni.

Jeremi 2:36

Be yaa po yo ke a baa tieni li naa bonla kuli, Ki lebidi a sanu? Ejipiti diema baa janbi a, Nani Asiiri diema n janbi a maama yeni.

Jeremi 22:22

U faalu baa tugi a gobidikaaba kuli. A jaconcona baa gedi ti yonbidi. Lanwani, i fe baa cuo ŋa, Ŋan le u yualu kelima a biadima po.

Jeremi 32:32

N pali biidi kelima Isidayeli leni Juda yaaba n tieni yaa biadima kuli po. Li biidi n pali, kelima bani, bi badiba, bi koanbala, bi kopadicianba, bi saawalipuaba, Juda yaaba leni Jerusalemi yaaba, n tieni nni yaa biadima po.

Jeremi 4:9

Laa daale ke mini o Diedo yedi: «O bado leni o koanbala jigi baa cie, Bi kopadicianba pala baa biidi, Li baa lidini bi saawalipuaba.»

Jeremi 48:27

Moabi, naani laa tie moamoani ka, ke Isidayeli tie a po ñuali bonla? A den cuo o a suuda siiga yo, ki baa yaa maadi o maama ki digini a boacaba?

Esekieli 16:54

A baa tugi a fe, ki go yaa ye i fe nni leni ŋan den tieni yaala, ke lan fidi ki baagi ba.

Esekieli 22:26

Laa dogu kopadicianba miidi n bali maama, ki fali min gagidi ki ŋanbi yaala. Bi naa tiendi gagidima yaala n gagidi ki ŋani leni yaala n joagini siiga. Baa bangi bi niba yaala n ŋani leni yaala n joagini paadima, baa go faami n fuodima dana po mo. Oba kuli mo ki go fangi nni, nani lan bi pundi ban yaa fangi nni maama.

Sakari 5:4

Li Miali Diedo U Paaciamu Kuli Daano yedi: ‹N yadi ti solindi yeni, ke tin kua suudo kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni, ki yaa ye, ki bolini ki taani a yoaga leni a tana kuli.› »

LOMA YAABA 6:21

Moala yi jie i fe leni yin den tiendi yaala lanyogunu. Yi den baa be ñuadi laa bonla po? Laa bonla baa juodi mi kuuma.