Jeremi 2:24 - U TIENU MAAMA TILI 2013

²⁴ Fini li fuali nni ŋunñuaga Yaaga n maani mi fanpienma, Yaaga n pudi ki gaani u faalu. Ŋme n baa fidi ki sieni ki bobidu? Yaaba n lingi ka kuli, Kan lingi ka ki coagi. Ki yaa pudi yaa yogunu, bi baa le ka.

Gourmanchéma Bible

²⁴ Li fuali nni ŋunñuaga yaaga n maani mi fanpienma Ki bua ti cagindi ki gaani u faalu Ŋme n baa fidi ki sieni ki bobidu. Yaaba n lingi ga kuli, kan lingi ga ki coagi bi yula. Ki yaa pudi yaa yogunu bi baa le o.

Jeremi 2:24 Iomraidhean Croise

Jobi 11:12

Ama yaa nisaalo n ye fala nni Wani ki go pia yama. Nisaalo kuli yen maa ki tie Nani o fuaŋunbo yene.

Jobi 39:2

Naani a bani ban punbi bi bila yaa ŋmaali, Leni ban yen maa ba yaa yogunu?

Jeremi 14:6

I fuaŋunbi jagi a juana po Ki gaani u faalu, nani i tanboe yeni. Bi nuni tabi kelima muadi ki ye.»

Jeremi 2:27

Bani yaaba n tua ku daagu: «A tie n baa!» Ki tua li tanli mo: «Fini n mali nni!» Yeni de! Bi buli nni ki nunga. Bi yaa ye mi yebiadima nni, bi baa yedi: «Fii ki faabi ti.»

Esekieli 16:33

A puoconcona kuli baadi i panpaani, ama fini, a puuni a jaconcona bu paabu. A yen tendi ba a suuna, ki bua ban yaa ña i kani kuli ki kpendi ki conbi leni a.

Ose Tili 5:15

N baa lebidi ki kuni ki ŋaa ba, Hali ban baa tuo bi tagili, Ki guani ki lingi nni. Bi fala nni, bi baa lingi n todima.

Ose Tili 8:9

Bi puagi ki lindi nani yaa fuaŋunbo n ye o bebe yeni. Bi fii ki gedi ki ban mia Asiiri yaaba mi todima, Bani Efrayimi buolu puuni bu paabu Ki bua ki baa bi buakaaba.