Jeremi 2:20 - U TIENU MAAMA TILI 2013

²⁰ Hali yogu, n den cie a landili, Ki cie a baabi yii n luo ŋa. Ama a yedi: «N bua ki diedi n yuli.» Die yaa juaga n kpedi kuli po Leni yaa tibu n bundi mo kuli tinga, A kpaagi ki duandi nani li puoconconli yeni.

Gourmanchéma Bible

²⁰ Hali yogu n den mudi a landili Ki cie a baabi yi n luo ŋa. Ama a yedi: «N bua ki diedi n yuli.» Die yaa juaga n kpedi kuli po Leni yaa tibu n bundi moko kuli tinga A kpaagi ki buandi nani li poconconli yeni.

Jeremi 2:20 Iomraidhean Croise

1 Bi Badiba 12:32

O go den bili ke binli kuli bi baa jaani mi jaanma cinii yaa piiga n damuuli daali, nani ban den tieni maama Juda diema nni. O go den padi a pada wani o ba li padibinbinli po. O den tiendi lani kuli Beteli, ke bi niba n padi a pada wan den duadi yaa naabila po. O den cuani Beteli wan den dini yaa kopadicianba ke ban yaa padi a pada wan den maa yaa padibinbina a juana yula po yeni po.

1 Bi Badiba 14:23

Bimoko den maa a padibinbina, ki sieni a butana leni ti budaadi yaa juamu n kpedi kuli po leni yaa tiidi n bundi ki soangi kuli tinga.

Pisomi 107:14

O den ñani ba li biigili Leni mi kuuma jinjingu nni, Ki kua kua bi kpaadi.

Pisomi 2:3

«Tin dadi ki cie ban luo ti leni yaala, Ki faabi ti yula leni bi kpaadi.»

Pisomi 78:58

Bi den fiini o pali leni ban den padi A juana po padibinbina ya yaa kani. Bi den fiini o nunponli Leni ban den tieni yaa nannana.

Mi Ñama 19:8

Bi niba kuli den taani ki yedi: «Ti baa yaa tiendi o Diedo n yedi ti yaala kuli.» Musa den guani ki waani o Diedo bi niba maama kuli.

Mi Ñama 24:3

Musa den cua ku niligu kani ki waani ba o Diedo ñoamabona leni o bali maama kuli. Ku niligu kuli den taani ki maadi mayenma ki yedi: «Ti baa tieni o Diedo n yedi yaala kuli.»

Mi Ñama 3:8

N jiidi ki baa faabi ba Ejipiti yaaba nuu nni, ki teni ban ña laa diema nni, ki kua yaa diema n ŋani ki go yabi yaa niinni. Mi naaŋanma leni ti siadi n dua naani. Li tie Kanana, Hititi, Amoriti, Persi, Hiviti leni Jebusi yaaba n ye yaa diema nni.

Esayi 1:21

Li gaa lede ke ti dugidi dogu kpandi Ki tua nani li puoconconli yeni, Yaala n dagidi leni mi teginma n den ye naani? Ama moala wani bi nikpaanba n diedi u kaanu.

Esayi 10:27

Landaali yaa cua, n baa faabi yi Leni Asiiri yaaba paalu, Bi tugikpiagili kan go yaa baa ki maa yi boacaba po.

Esayi 14:25

N baa pua ki mudi Asiiri yua Gbanmanu n diema nni. N baa ŋmaa o n juana nni. N baa faabi n niba o nuu nni. O tugili baa maadi bi boacaba po.»

Esayi 9:4

Ban pili yaa cacaagu mi janjanma nni Leni ban fali yaa liadili mi soama nni, Bi baa lu la u mu nni, U mu n buoni likuli.

Jeremi 13:27

Jerusalemi n laa a conconma leni a cagindi n ñiidi maama, A juana yula po leni i kuani nni. Lani n teni ke fala jagi a yuli po, Fini yua n ye ti joagindi nni yeni! Beyogunu yo, ke laa tuongunda baa gbeni?»

Jeremi 17:2

Yeni, yi bila baa tiadi bi padibinbina po leni bi bulo Akera daadi po, yaadi n kuu leni yaa tiidi n bundi bonŋanla a joabila po.

Jeremi 2:31

Yinba mi naa nifiima, Kpaagi mani o Diedo maama po. Naani n tua Isidayeli po fanpienma, Bi li biigili diema yo? Be yaa po yo ke n niba tua: «Ti diedi ti yula, ti kan go guani a kani?»

Jeremi 3:13

Ŋan li tuo a tagili bebe, Kelima a yiema kuli Taa ki sedi o Diedo a Tienu po yo. A den ŋoadi bi nilanba buli, Ki ban conbi yaa tibu n bundi kuli yaa tinga, Ki naa den cengi n nialu mo. O Diedo n yedi yeni.›

Jeremi 30:8

Li Miali Diedo U Paaciamu Kuli Daano yedi: «Landaali, n baa mudi Nebukanesa n lani bi tuli nni yaa landili yeni. N baa dadi ki ŋabi ban loli ba leni yaala. Canba kan go diedi ba.

Jeremi 5:5

N baa gedi a nigbenga po, Ki ban maadi leni ba mini n ba, Kelima bani wani bani o Diedo sanu, Bi bani bi Tienu bali maama mo. Bi bani bi Tienu n bua yaala.» Ama bikuli tie yenme, Bi miidi li bali maama, Ki fidi bani leni U Tienu ŋantaado.

Esekieli 16:28

A den conbi leni Asiiri yaaba ke laa dagidi a, ke a go suagi ki pugini a conconma. Ama ba leni lani kuli, laa dagidi a.

Esekieli 16:31

Ŋan den maa a padibinbina a sankada leni mu daamu nni, ŋaa den tiendi nani puoconconli kuli yeni ka, kelima ŋaa den gaani panpaani.

Esekieli 16:41

Bi baa juu a diedi leni u mu ki kuani yaa buudi n den bili a po, bi puoba boncianla kuli nintuali. N baa teni a conconma n baa u bianu, ke ŋan da go fidi ki pa paabuba conconma po.

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi, ki den padi bi pada lankani. Bi den bieni n pali leni ban den kpendinni likani yaa paabu, yaa padijuukaana leni ban den cabini yaa ñincaba kuli.

Esekieli 23:5

Ama ba ke Ohola den tie n pua, O den ŋaa nni ki ban conbi. O den bua o jaconcona Asiiri yaaba o yieninlieba hali boncianla.

Ose Tili 1:2

O Diedo n den cili ki maadi leni Ose ki soani o o niba po maama nne. Wani o Diedo den yedi Ose: «Gedi ki ban taa puoconconli, ki maa a puoconconbila, kelima mi diema na niba ŋaa mini o Diedo, ki conbi leni i buli.»

Ose Tili 2:5

Lani yaa ka, n baa yiedi o mubima, Ki ŋaa o o naa n mali o maama. N baa teni o diema n tua fanpienma, Ñima n ki ye yaa tinga nni. N baa teni wan kpe u ñuñuunu.

Ose Tili 3:3

N den yedi o: «Ŋan waagi ki se mini bebe yaa kani. Ŋan da go pa a yuli mi conconma po, ŋan da go ŋoadi jatoa kuli. Nmoko baa yaa tie a po yene.»

Ose Tili 4:13

Bi padi a pada a joaciama yula po, Ki siagi i buli po yaa sinma n pia u nuulumanu. Bi padi a joabila yula po leni i ticiandi tinga, Yii yaa soangu n mani. Lani n teni ke bi bisiaba tua puokpaga, Ke bi biyuamu mo conbi.

Ose Tili 9:1

Isidayeli yaaba, da tiendi mani i badi, Ki mangidi yi pala nani i nilanbuoli yeni, Kelima yi ŋaa yi Tienu, Ki puni yi yula mi conconma. Yi bua ki yaa baadi li panpaani, Yi ŋalikama jali kuli nni.

Levi 26:13

N tie Li Miali Diedo yi Tienu yua n den ñani yi Ejipiti diema nni, ke yin da go tie yonbi. N den kua kua ban den loli yi leni yaa kpaadi, yaadi n den naani leni i naakpakpaadi daagu yeni. N den teni ke yi yaani yi yula ki cuoni.

Nahumi 1:13

Moala, n baa faabi yi Leni yi yibalinba mabinga, Ki cie ban loli yi yaa baabi.»

Mi Tiadima 12:2

Yin baa gedi ki diedi yaa diema yeni niba n kpiagidi bi tieni naankani, yin bolini likani cain. Yi baa bolini laa kaani, a juana leni a joabila po leni ban padi yaa tisoangidi kani kuli.

Mi Tiadima 15:15

A baa tiadi ke fini moko den tie yonbo Ejipiti diema nni, ke o Diedo a Tienu den faabi a. Li tie lani yaa po yo, ke n teni a mi naa bali maama.

Mi Tiadima 26:17

Dinla, yi baa ke o Diedo yi Tienu n niani yi u ñoanianu ke o baa yaa tie yi Tienu, ke yimo baa yaa cuoni o sani nni ki yaa kubi o mabilikaama, o bali maama leni o ñoamabona kuli, ki go tuo o yedima.

Mi Tiadima 4:20

Ama yinba, o Diedo taa yi ki ñani yi Ejipiti kudi buaga nni, ke yin tua yaa niba n tie o yaa yaaba, nani yin tie maama dinla.

Mi Tiadima 4:34

Naani li kpa baa yaa tienu n cua ki gandi u yuli po nibuolu nibuotoe siiga? Naani tiento kpa tieni biigima, sinankeene, bancianma, bonlidinkaala, jama leni paalu, nani Li Miali Diedo yi Tienu n tieni yi po maama, yi nunbu nni, Ejipiti nni?

Mi Tiadima 5:27

Nagini ki cengi o Diedo ti Tienu n baa yedi yaala kuli. Li yaa puoli, amo baa guani ki waani ti, o Diedo ti Tienu n yedi ti yaala. Ti baa cengi ki go tieni la mo.›

Josue 1:16

Bi den guani ki yedi Josue: «Ti baa tieni ŋan yedi ti yaala kuli, ŋan baa soani ti naani kuli ti baa gedi.

Josue 24:24

Bi niba kuli den yedi Josue: «Ti baa yaa ŋua Li Miali Diedo ti Tienu, ti baa tuo ki yaa tiendi wan yedi yaala.»

Josue 24:26

Josue den diani laa maama kuli U Tienu bali maama tili nni. O den taa ku tanciangu ki sieni bu ticianbu tinga, yaa kaanu n gagidi o Diedo po kani.

Mi Doagidima 17:1

Lani, yaa malekileleediba n den kubi tadibuomulele yeni siiga nni, yendo den cua n kani ki maadi leni nni ki yedi: «Cua na! N baa waani a ban baa jia li puoconconcianli yaali n kaa mi ñincianma po yaa buudi, ki cuo li yaa cuonu.

Bi Bujiaba 10:6

Isidayeli yaaba didi go den tieni yaala n ki mani Li Miali Diedo. Bi den ŋoadi i buli Baali leni Asitate, Siiri diema buli, Sidon diema buli, Moabi diema buli, Anmoni buolu buli leni Filisiti yaaba buli. Bi den ŋaa Li Miali Diedo, kaa go ŋua o.

Bi Bujiaba 2:11

Lani, Isidayeli yaaba den tieni yaala n ki mani Li Miali Diedo, ki ŋoadi yaa buli n yi Baali.

Bi Bujiaba 2:13

Bi den ŋaa Li Miali Diedo, ki ŋoadi yaa buli n yi Baali leni Asitate.

1 Samueli 12:10

Lanwani, bi didi den mua ki mia o Diedo ki yedi: ‹Ti tieni ti tuonbiadi kelima ti ŋaa fini Li Miali Diedo, ki ŋoadi i buli Baali leni Asitate. Moala ŋan go gaa ti ti yibalinba nuu nni, lani ti baa yaa ŋua ŋa.›