Jeremi 2:19 - U TIENU MAAMA TILI 2013

¹⁹ A biadima n nandi a, A janbi mo n ñiadi a. Diidi ki le, ki ŋaa mini o Diedo a Tienu, Ki da go pia n po fangiliba, N bia ki go gundi maama. Li Miali Diedo U Tienu U Paaciamu Kuli Daano n yedi yeni.»

Gourmanchéma Bible

¹⁹ A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 2:19 Iomraidhean Croise

1 Bi Badiba 18:18

Elia den guani ki yedi o: «Mini ka faligidi Isidayeli yaaba. Ama fini leni a baadiegu yaaba n faligidi ba, kelima yi ŋaa Li Miali Diedo bali maama ki ŋoadi Baali.

2 Bi Badiba Jama 12:5

Lanwani, o saawalipualo Semaya den gedi Roboami leni Juda koanbala kani, yaaba n den sani ki cua Jerusalemi, kelima bi den laa ke Sisaki kpendi. O den yedi ba: «O Diedo yedi mi naa maama: ‹Yi ŋaa nni! Mini moko baa ŋaa yi Sisaki nuu nni.› »

2 Bi Badiba Jama 21:10

Edomi yiema Juda bali po baa ki ye hali dinla. Lanyogunu Libina mo den fiini mi yiema, ki yie Jorami bali po, kelima o den ŋaa o Diedo o yaajanba Tienu.

2 Bi Badiba Jama 25:16

Wan den maadi yaa yogunu, Amasia den jia o maama, ki yedi o: «Naani ti gandi fine n tua o bado tundika? Ŋan suo yeni, a yàá bua ban waani a fala.» O saawalipualo den jiini o yama ki yedi: «N bandi ke U Tienu jagi ki bua ki bolini a, kelima a tieni laa bonla, ki naa go cengi n tundi.»

Pisomi 36:1

Bi yanyinba yudaano yani siiga yanbu. O Diedo naacemo Davidi yanbu.

Mi Ñama 33:6

Lane ke Isidayeli yaaba den landi bi baditiadi, ban den fii Horebi juali kani yaa yogunu.

Mi Kpanjama 1:31

Lani kuli yaa po, yi baa gaa yi tagu bonluonkaala, Ki gaa yi jagili panpaani.

Mi Kpanjama 1:32

Bi yanpiidanba yanpiima n baa kpa ba, Bi yanluodanba mo yaa yanluoma n bolini ba.

Mi Kpanjama 5:22

O nibiado tagili baa cuo o, O tuonbiaceli mo loli o.

Esayi 3:9

Bi japaadi jia bi buudi. Bi doagidi bi tuonbiadi Nani Sodomi yeni, ki naa wuondi ti mo, Mi yebiadima n ŋmaa ba, Kelima bani n lingi bi fala.

Esayi 5:5

Lanwani, n baa teni yin bandi Moala min baa soani n duventiidi Kuanu yaa tuonli. N baa fobi ku goangoangu ki lu, Yaa yandi n bua ban kua ki ŋmani, Yaa santagiba mo n baa, ban ŋmaa.

Esayi 50:1

O Diedo yedi mi naa maama: «Min ñani yi naa leni yaa puoñatili yeni ye le? Bi, n den kuadi yi n pandanba Ŋmenba yaa po yo? Diidi: li tie yi tudima po yo, Ke bi den kuadi yi. Yi biadima po mo yo, Ke bi den ñani yi naa.

Jeremi 1:16

N baa jia laa buudi leni ba Kelima bi biadima po. Bi ŋaa nni ki juu a dugibila tientoe po, Ki gbaani ki pugi bi nii n tagi yaala.

Jeremi 13:22

A yaa yedi a pali nni: «Be n teni ke line tieni nni?» A tagilibiadi po n teni ke bi kaadi a tiadi ki duoni, Ki tieni a u paalu boncianla.

Jeremi 2:17

Isidayeli, be n cuani a po la? Laa tie ke a ŋaa o Diedo a Tienu, Yua n den gobidi a o sanŋamu nni yeni ka?

Jeremi 3:22

Guani mani n kani, Yinba a biyenyieda yeni. N baa paagi yi leni yi yenyiema. Lani, yi baa yedi: «Tinba nne! Ti tie a yaabe. Yeni de! Fini n tie Li Miali Diedo ti Tienu.»

Jeremi 4:18

A tagu leni a bontienkaala N cuani a po yaali n yeni. Diidi, a biadima li to yo bagibagi. Laa bonla baa nandi hali a pali.

Jeremi 5:22

Mini o Diedo yedi: Naani yi kan yaa fangi nni? Naani yi kan yaa digibi n nintuali? Mini yua n teni ke mi tanbiima N tie mi ñincianma banlu, Yaa banlu ke mi kan fidi ki kandi abada. Mi ñingola lengidi, ama ŋaa pia paalu. Mi duni, ama mi kan fidi ki kandi.

Jeremi 5:24

Baa tua bi pala nni: «Tin fangi mani o Diedo ti Tienu, Yua n puuni ti ki taaga ki yogunu, Ki takpiaga leni ki tayuankaaga, Ki bili a dana u jetaagu po.»

Jeremi 5:6

Lani n teni ke li fuali nni yangbanlo baa kpa ba, O fuasangbanlo baa ŋmani ki toadi toadi ba, Ki gbiiga se bi dogu buliñoana kani, Ki guu ba. Yaaba n baa ña kuli, o baa toadi toadi ba, Kelima bi yiema yabi hali boncianla. Bi yenyiema mo yabi ki kandi.

Jeremi 7:19

O Diedo yedi: «Naani bi tudi mini yaa po yo? Naani baa tudi bi yula po ka? I fe ki tie bi yaa yii ka?»

Jeremi 8:5

Be n teni ke Jerusalemi niba jadi ki ŋaa u sanu? Bi suagi liiga leni i janbi, Ki yie ke bi kan guani n kani.

Esekieli 23:30

Bi baa soani a yene, kelima a den conbi leni i nilanbuoli, ki joagini a yuli leni bi buli.

Esekieli 39:24

N buli ba n nunga, ki soani ba nani bi tuongunda leni bi yiema n tie maama.»

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Ose Tili 13:9

Isidayeli yaaba, yaala n baa teni yin bodi, Tie ke yi yie nni, Mini yua n baa fidi ki gaa yi yeni.

Ose Tili 14:1

U Tienu baa waani Samari yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋmaa ki midi bi biwaala, Ki lidi bi puotugupunba mo.

Ose Tili 4:16

Isidayeli yie nani yaa naañua n yie mi dadima yeni. Li baa gaa lede min yaa kpaa ba nani a pebila yeni, Yaa yankpaafuana n tandi kaa pia bianu yaa niinni?

Ose Tili 5:5

Isidayeli yaaba japaadi fii ki sedi bi po, Isidayeli leni Efrayimi buolu kuli baa tuudi ki baa, Kelima bi tagili po. Juda buolu baa taani leni ba ki tuudi ki baa.

Ose Tili 7:2

Baa kpaagi bi pala nni, Ke mini U Tienu tiani, Ban tiendi yaa biadima kuli. Ama moala bi tuonbiadi lindi ki cebini ba, N nua bi cidi kuli.

Ose Tili 9:1

Isidayeli yaaba, da tiendi mani i badi, Ki mangidi yi pala nani i nilanbuoli yeni, Kelima yi ŋaa yi Tienu, Ki puni yi yula mi conconma. Yi bua ki yaa baadi li panpaani, Yi ŋalikama jali kuli nni.

Amosi 8:10

N baa lebidi yi badi dana, ŋan tua paboanli dana, Ki lebidi yi yani kuli mo, yin tua kumoe. N baa teni bi niba kuli n la li paboanli tiadi, Ki doagidi bi paboanli. N baa kuo ba yubima, Ki teni li paboanli n cuo mi diema yaaba kuli, Nani bonjayenga kuuma yeni. Landaali cilima hali li juodima baa yaa tie paboanli daali.»

Mise 1:5

Lani kuli baa tieni kelima Jakob Puoliŋuani biadima po. Lani kuli baa tieni kelima Isidayeli Yaaba tuonbiadi po. Jakob puoliŋuani yiema ŋoadi ŋmenba? Laa tie Samari ka yo? Juda yaaba buŋoadima ŋoadi ŋmenba? Laa tie Jerusalemi ka yo?

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

LOMA YAABA 3:18

Baa diidi U Tienu leni li fangili.»

Bi Bujiaba 10:13

Ama yinba, yi ŋaa nni ki ŋoadi tientoe. Li tie lani yaa po yo, ke n kan go faabi yi.