Jeremi 2:17 - U TIENU MAAMA TILI 2013

¹⁷ Isidayeli, be n cuani a po la? Laa tie ke a ŋaa o Diedo a Tienu, Yua n den gobidi a o sanŋamu nni yeni ka?

Gourmanchéma Bible

¹⁷ Isalele, naani laa bonla ki tieni a Kelima a ŋa Li Miali Diedo a Tienu Yaa yogunu ke o den gobidi a o sanŋamu nni kaa?

Jeremi 2:17 Iomraidhean Croise

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa, yinba Juda buolu leni Benjamen buolu kuli! O Diedo ye leni yi, li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋaa o, omoko baa ŋaa yi.

Jobi 34:27

Bi den buli o ki nunga, Kaa bua ki bandi o sani.

Jobi 4:8

Ama yaaba n ko yaala n ki tiegi, Leni yaaba n pagini mi biadima kuli, Yen gaa li panpaani.

Pisomi 107:7

O den gobidi ba ki tagini ba yaa sanu n koabi, Ki teni ke bi pundi ban caa yaa dogu nni.

Pisomi 136:16

Wani n den gobidi o niba mi fanpienma nni, Kelima o ŋanbili ye hali yaa yogunu kuli!

Pisomi 77:20

A den tieni a sanu mi ñincianma nni, Ki tieni a taginkaanu mi ñincianma nni. Baa go den bandi a fuuna.

Mi Kpanjama 15:10

Tundifala tie yua n jadi ki ŋaa u sanu po, Yua n nani i tundi baa kpe.

Esayi 1:4

Ŋain, fala baa baa yinba Ti tuonbiadi danba po, Yinba yaa buolu yaa tagili n kandi, Yaa buolu n bia, Yaa bila n jugi bi yula, Ki ŋaa o Diedo, Ki nuali ki fali Isidayeli Tienu, Yua n Gagidi ki ŋani, Ki buli o ki nunga!

Esayi 59:13

Lani n tie tin tiendi yaa biadima Leni yaa yiema o Diedo po, Ki foagidi leni ti Tienu. Mabinga, yiema tuofaamaama Leni bunbidi li pali nni,

Jeremi 13:22

A yaa yedi a pali nni: «Be n teni ke line tieni nni?» A tagilibiadi po n teni ke bi kaadi a tiadi ki duoni, Ki tieni a u paalu boncianla.

Jeremi 19:4

Nani ban ŋaa nni ki teni ke u kaanu ne ki go pia bandima, ki juugi likani a dugibila tientoe po, bi baanba leni Juda badiba leni bani bi ba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 2:13

N niba tudi taalimilie, Bi ŋaa mini yua n tie Li Miali ñinbunli yeni, Ki gbini bi yula po, Yaa ñinbuodi n lugidi lugidi, Ki kan fidi ki kubi ñima.

Jeremi 2:19

A biadima n nandi a, A janbi mo n ñiadi a. Diidi ki le, ki ŋaa mini o Diedo a Tienu, Ki da go pia n po fangiliba, N bia ki go gundi maama. Li Miali Diedo U Tienu U Paaciamu Kuli Daano n yedi yeni.»

Jeremi 4:18

A tagu leni a bontienkaala N cuani a po yaali n yeni. Diidi, a biadima li to yo bagibagi. Laa bonla baa nandi hali a pali.

Jeremi 44:3

N tieni la, kelima ban tieni yaa biadima po yo. Bi juugi a dugibila, ki gedi ki ban gbaani ki pugi bani leni bi baanba n kaa den bani yaa tieni, ki biidi n pali.

Jeremi 5:25

Yi tagili n biidi likuli, Yi tuonbiadi mo n muni yi laa baali kuli,

Esekieli 39:24

N buli ba n nunga, ki soani ba nani bi tuongunda leni bi yiema n tie maama.»

Ose Tili 13:9

Isidayeli yaaba, yaala n baa teni yin bodi, Tie ke yi yie nni, Mini yua n baa fidi ki gaa yi yeni.

Mise 1:5

Lani kuli baa tieni kelima Jakob Puoliŋuani biadima po. Lani kuli baa tieni kelima Isidayeli Yaaba tuonbiadi po. Jakob puoliŋuani yiema ŋoadi ŋmenba? Laa tie Samari ka yo? Juda yaaba buŋoadima ŋoadi ŋmenba? Laa tie Jerusalemi ka yo?

Mi Coadima 32:23

Ama yi yàá tieni yeni, yi tieni o Diedo po ti tuonbiadi, yin bandi mo, ke yi tuonbiadi mo baa yaa ŋua yi.

Mi Tiadima 32:10

O laa ba mi fanpienma diema nni, Ti fuayandi n mua yaa fuali nni. O kubi ba bonŋanla ki wubi ba, O kubi ba bonŋanla nani o nunbili yeni.

Mi Tiadima 32:19

O Diedo den laa lani, O pali den beni, Ke o yama ñani o bijaba leni o bisiaba niinni.