Jeremi 19:11 - U TIENU MAAMA TILI 2013

¹¹ «Li Miali Diedo U Paaciamu Kuli Daano yedi daa: N baa mudi bi naa niba leni u naa dogu yeni, nani o maado n mudi li cuali maama ke li naa go pia ŋanbima yeni. Bi baa yaa piindi bi tinkpiba Tofeti, kelima piinkaanu kan go yaa ye poto.

Gourmanchéma Bible

¹¹ «Li Miali Diedo U Paaciamu Kuli Daano yedi: N baa mudi bi naa niba leni u naa dogu yeni Nani o maado n mudi li cuali maama Ke li naa go pia ŋanbima yeni. Bi baa yaa piindi bi tinkpiba Tofeti Kelima piinkaanu kan go yaa ye potogu.

Jeremi 19:11 Iomraidhean Croise

Pisomi 2:9

A baa mudi ba leni ti kudi gbiamu, A baa mudi ba yomi yomi, Nani o maado bobili yeni.»

Mi Kpanjama 6:15

Lani yaa po yo ke o baa bodi tontoni, O baa kpe cep yenma ke gaapo ki ye.

Esayi 30:14

Li tie yene ke o maado cuali Baa mudi yomi yomi, Ke bi kan le yaala n sieni, Ki buali ba cianciaga yaaga N baa padi u mu u fanu nni.»

Jeremi 13:14

Mini o Diedo yedi ke n baa taa ba ki pua ba leni biyaba. N baa pua ki mudi bi bidanba leni bi bila kuli yenma, ke oba kuli kan cia. N kan gbadi bi ninñima, liba mo kuli kan teni ke n kan bolini ba.»

Jeremi 19:12

O Diedo yedi ke o baa tieni yene leni u naa dogu leni yaaba n ye u niinni kuli. N baa teni laa dogu n nandi leni Tofeti.

Jeremi 19:6

Li tie lani yaa po, ke o Diedo yedi ke a dana kpendi, ke u naa kaanu kan go ti yaa yi “Tofeti” bi “Beni-Hinomi joaloangu.” Bi baa yaa yi likani “li kukpali joaloangu.”

Jeremi 25:34

Bi yankpaaba, mua mani ki yaa kuudi! Yinba a yangola yankpaaba, Baa mani tiipo ki bilini ki lebidi lebidi, Kelima ban baa kodi yi, Ki go yadi yadi yi yaa daali yeni cua. Yi baa baa ki mudi nani a boba yeni.

Jeremi 48:38

Moabi diedi yula kuli po leni mu daamu nni kuli, bi muandi mi kuuma, kelima n mudi Moabi nani ban kaa go bua yaa bobili yeni. O Diedo n yedi yeni.

Jeremi 51:63

A yaa ban cogi ki gbeni li tili na, ŋan gbini li leni li tanli, ki lu li tanli yeni Efrati kpenu siiga. Lani yaa pendi, ŋan yedi:

Jeremi Bubula 4:2

Siyon dogu yaaba, Yaaba n bi pia li mayuli boncianla, Li gaa lede ke bi ji nua ba nani O maado n maa yaa boba yeni?

Jesu Tondiba Tuona 21:11

O den taa Poli gbanñagidigu ki loli wani o ba yaa taana leni o nii kuli, ki yedi: «U Tienu Fuoma Yua yedi ke Jufinba baa loli ku gbanñagidigu na daano nanda yo Jerusalemi, ki teni o bi nilanba.»

Mi Doagidima 2:27

O baa gobidi ba leni ti kudi badigbiamu, nani ban mudi ti tandi tiadi maama yeni.