Jeremi 18:16 - U TIENU MAAMA TILI 2013

¹⁶ Bi teni ke bi dogu kpandi ki tua Ti jawaandi bonla Leni li ñuali bonla. Yaaba n tagi likani kuli, Ti jawaandi leni i yanbani cuo ba Ke bi fegini bi yula.

Gourmanchéma Bible

¹⁶ Bi teni ke bi dogu kpandi ki tua ti jawaandi bonla Leni li ñuali bonla. Yaaba n tagi likani kuli ti jawaandi leni li pakili cuo ba Ke bi fegini bi yula.

Jeremi 18:16 Iomraidhean Croise

1 Bi Badiba 9:8

Ba ku diegu ne n kpedi lugilugi maama kuli, yua n ti pendi likani kuli, li baa paki o wan fuoni ki yedi: ‹Be yaa po ke Li Miali Diedo soani yaa diema n tie ne leni yaa diegu n tie ne nanda?›

2 Bi Badiba Jama 29:8

Lanwani, o Diedo pali den beni Juda diema yaaba leni yaaba n ye Jerusalemi po. O den ŋaa o niba li paboanli nni, ki go teni ke bi tua jejeciami leni ñuali bonla, nani yin nua maama moala leni yi nuni.

Pisomi 109:25

Mini, n tie ban ñuadi yua, Bi yaa nua nni se ban yaa duani bi yula.

Pisomi 22:7

Ama mini wani n tie sidibilo, Mii tie nisaalo ka. N tie ban fali ki go sengi yua.

Pisomi 44:14

A teni ke ti tua i fe bonla, Ti yieninlieba po, Ki tua li ñuali leni ti laadi bonla, Ti kuantalieba po.

Esayi 37:22

yedi: ‹Line n tie o Diedo n maadi yaa maama ki yie o po: Siyon niba fali a, bi ñuadi a, Jerusalemi niba ŋua ki duani bi yula a puoli po.

Esayi 6:11

N den yedi: «O Diedo, hali u laa yogune?» O den guani ki yedi: «Hali fala n baa nandi i dogi leni Bi niba ki gbeni yaa yogunu. Yaa yogunu ke ti diedi baa luo bi niba, Ke ki tinga mo baa pua nufanu ki kuodi.»

Jeremi 19:8

N baa teni u naa dogu n tua i jeje leni li ñuali bonla. Yaaba n baa tagi laa dogu kani kuli baa jie, lan paki ba, ban go ñuadi u mo, kelima wun laa yaa fala kuli po.

Jeremi 25:9

n baa soani ban yini nujienu po yaa niba kuli leni Nebukanesa Babilonni bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain, lan tua gbanankpiendi leni ñuali bonla. Likani mo baa tua diegbengu yaa yogunu kuli po.

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi, ti yanyagidi, ti laadi, li ñuali leni u yualu bonla, min baa yadi yi yaa nibuoli kuli siiga.

Jeremi 42:18

Li Miali Diedo U Paaciamu Kuli Daano, Isidayeli Tienu yedi: ‹Nani n pali n beni Jerusalemi yaaba po maama yeni, n pali baa be yi moko yaa po yene, yi yaa gedi Ejipiti diema nni. Yi baa tua ti solindi leni li pabiidili bonla, mi falima leni u yualu bonla. Yi kan go le u naa kaanu mo abada.› »

Jeremi 44:12

N baa taa Juda niba yaaba n sieni, bani yaaba n bili ke bi baa gedi Ejipiti diema nni ki ban kali yeni. N baa bolini bikuli Ejipiti diema nni. Bu toabu leni mi koma n baa bolini li bila leni li nikpela kuli. Yeni de! Bi baa kpe laa kuume, ki tua ti solindi, li paboanli, mi falima leni u yualu bonla.

Jeremi 48:27

Moabi, naani laa tie moamoani ka, ke Isidayeli tie a po ñuali bonla? A den cuo o a suuda siiga yo, ki baa yaa maadi o maama ki digini a boacaba?

Jeremi 49:13

N poli mini n ba yaa yeli nni, Botisira baa tua fe bonla, li baa yaa bia o po, o dogi mo kuli baa tua diegbendi yaa yogu n tuu yaa yogu. Mini o Diedo n yedi yeni.»

Jeremi 49:17

Edomi baa tua diegbena. Yaaba n poandi likani kuli baa diidi lan yagi bi yama, ban fuoni, kelima wan laa yaa fala kuli po.

Jeremi 50:13

O Diedo pabienli po, Nilo kan go yaa ye Babilonni nni. Babilonni kpandi paboanli kaanu. Yua n poandi likani kuli, li baa lidini o, Ki go yagi o yama wan fuoni, Kelima lan gundi maama po.

Jeremi 51:37

Babilonni baa kpandi diegbengu, I tanboe yekaanu, Likani n tua pakili leni laadi bonla. O kaa go pia niba mo.

Jeremi 51:43

O dogi kpandi ki tua pabiidili kaanu. Likani kpandi ki tua tinkuonga Nilo n ki kaa yaa dogu nni, Nisaalimialiba mo n ki poandi naani.

Jeremi 9:11

Naani li pia yua yaa yama n fo bonŋanla, Ki baa fidi ki doagidi laa bonla n tie yaala? Li yaa tie ke o Diedo n maadi leni o, Wan doagidi ki waani yaala yaa po, Ke mi diema bodi Leni yaala yaa po ke mi tua fanpienma, Nilo n ki go poandi naankani!

Jeremi Bubula 1:12

Lan da tua mani yeni yinba yaaba N tagi u sanu kuli po. Diidi mani ki le, Li yaa pia yaa fala n naaninni, O Diedo n waani nni yua, O pabiencianli daali.

Esekieli 12:19

Ŋan yedi mi diema niba daa: o Diedo U Tienu yedi: Jerusalemi yaaba, yaaba n sieni ki ye Isidayeli diema nni, baa yaa di bi jiema leni i yanbani, ki ñu bi ñima mo ti yanyagidi nni, kelima bi diema baa tua diegbengu, ki kan go yaa pia man den kpa pia yaala, kelima yaaba n ye mi niinni tugutongu po.

Esekieli 27:36

I nilanbuoli kpenda fuoni a po, Kelima a tua jeje bonla. A kan go yaa tie puu kuli mo.»

Esekieli 36:3

Lanwani, pua saawali ki yedi ke o Diedo U Tienu yedi mi naa maama: ‹Bi den bua i kaani kuli ki kuani yi li paboanli nni ki go nali yi, yin tua dietoama n die yaaba, kelima yi den tua li ñuali bonla leni bi niba kuli n maadi yaaba yaa maama.

Esekieli 6:14

N baa fii ki sedi bi po, ki teni mi diema n luo bi niba, ki cili mi fanpienma ki yaa caa hali Dibila dogu nni. Ban ye naankani mo kuli, bi baa bandi ke n tie Li Miali Diedo.»

Levi 26:32

Mini n ba, n go baa bolini mi diema, yi yibalinba yaaba n baa cua ki kali mi niinni mo, li pakili n cuo ba.

Levi 26:43

Bi baa ŋaa mi diema, man yaa pia mi fuodima bina, ba ke mi foagi leni ba. Bi baa pa bi tagili panpaani, kelima bi ŋaa n ñoamabonbilikaana, ki nani n mabilikaama mo.

Mise 6:16

Yikuli ŋoadi o bado Omiri N den bili yaa bogidibiada, Leni Omiri bijua Akabi puoliŋuani n den tiendi yaala kuli. Yi ŋua ki kubi ban den jagi ki bili yaa bonbiadila. Li tie lani yaa po ke n baa taa yi Ki teni yi yibalinba ban bolini yi. Fini u dogu mo, n baa teni a niba n tua Bi niba po laadi bonla. Ban den fiagi n niba yaa fe baa jiidi yi yula po.»

Matie 27:39

Bi santagiba den sugidi o, ki fegini bi yula ki tua:

Marki 15:29

Bi santagiba den sugidi o, ki fegini bi yula ki tua: «Hei, fini yua n baa mudi U Tienu diegu, ki go maa gu danataa siiga,

Mi Tiadima 28:59

o Diedo baa soani yinba leni yi puoliŋuani po, o falabiado leni i yianbiadi buoli kuli.

Mi Tiadima 29:23

I nibuoli kuli baa yedi: ‹Be yaa po ke o Diedo soani mi naa diema nanda? Be yaa po ke li naa pabiencianli kuli jiidi mi po?›